ଘରେ ଅତି ସହଜରେ ପ୍ରସ୍ତୁତ କରନ୍ତୁ “ବ୍ରେଡ ଆଳୁ କଚୁଡ଼ି”
କଚୁଡ଼ି କଥା ଉଠିଲେ ମୁହଁରେ ଲାଲ ଆସିଯାଏ । ସନ୍ଧ୍ୟା ସମୟରେ ଯଦି ଚାହା ସହିତ ଟେଷ୍ଟି କଚୁଡ଼ି ମିଳିଯାଏ ତେବେ ତ କଥା ସରିଲା । ତା ମଜା କହିଲେ ନ ସରେ । ତେଣୁ ଆଜି ଆମେ ଆପଣଙ୍କ ପାଇଁ “ଆଳୁ ମସଲା କଚୁଡ଼ି” ରେସିପି ନେଇ ଆସିଛୁ । ଯାହାକୁ କରିବା ଖୁବ ସହଜ । ମାତ୍ର କିଛି ମିନିଟରେ ଏହା ପ୍ରସ୍ତୁତ ହୋଇଯିବ । ତେବେ ଆସନ୍ତୁ ଜାଣିବା ।
ଆବଶ୍ୟକୀୟ ସାମଗ୍ରୀ:
୧୦ ରୁ ୧୫ ଟି ବ୍ଲେଡ ସ୍ଲାଇସ
୪ ଟି ସିଝା ଆଳୁ
ଗୋଟେ ଚାମଚ ରସୁଣ, ପିଆଜ ପେଷ୍ଟ
ଗୋଟେ ଚୁଟକୀ ଗରମ ମସଲା
ଅଧା ଚାମଚ ଲଙ୍କା ଗୁଣ୍ଡ
ଅଧା ଚାମଚ ଜିରା
ଗୋଟେ ଚାମଚ ଚାଟ ମସଲା
ଲୁଣ ସ୍ୱାଦ ଅନୁସାରେ
କଟା ଯାଇଥିବା କଞ୍ଚା ଲଙ୍କା ଓ ଧନିଆ ପତ୍ର
ଛାଣିବା ପାଇଁ ତେଲ
ପ୍ରସ୍ତୁତି ପ୍ରଣାଳୀ:
ପ୍ରଥମେ ରସୁଣ, ପିଆଜ, ଲଙ୍କା ପେଷ୍ଟକୁ ଆଳୁରେ ଦେଇ ଭଲ ଭାବରେ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏବେ ଅନ୍ୟ ସମସ୍ତ ମସଲା ଦିଅନ୍ତୁ ଓ ଭଲ ଭାବରେ ଏକ ମିକ୍ସ ପ୍ରସ୍ତୁତ କରନ୍ତୁ । ଏବେ କଡେଇରେ ତେଲ ଗରମ କରନ୍ତୁ । ଜିରା ଦେଇ ଛୁଙ୍କ କରନ୍ତୁ । ଏବେ ଏଥିରେ ଆଳୁ ଦିଅନ୍ତୁ । ଦୁଇ ମିନିଟ ପରେ ଚୁଲିରୁ ଓଲ୍ହାଇ ଦିଅନ୍ତୁ । ଆଉ ଥଣ୍ଡା ହେବା ପରେ ଛୋଟ ଛୋଟ ଗୁଳା ପ୍ରସ୍ତୁତ କରନ୍ତୁ । ଏବେ ବ୍ରେଡକୁ କଡ଼ରୁ କଡ଼ରୁ କାଟି ଦିଅନ୍ତୁ । ଏବେ ସେଥିରେ ଆଳୁ ରଖି ହାଲକା ଭାବରେ ଦବାନ୍ତୁ । ଏବେ ଗରମ ହୋଇଥିବା ତେଲରେ ଭଲ ଭାବରେ ଛାଣି ଦିଅନ୍ତୁ । ଏବେ ଏହାକୁ ଦହି, ତେନ୍ତୁଳି ଚଟଣି ସହ ଅନ୍ୟମାନଙ୍କୁ ଖୁଆନ୍ତୁ ଆଉ ନିଜେ ଖାଆନ୍ତୁ ।
