କୁହାଯାଏ ଯେ ଜୁଆଣି ପେଟ ପାଇଁ ସର୍ବୋତ୍ତମ । ଘରର ଗୁରୁଜନମାନେ ତ କୁହନ୍ତି ଗୋଟିଏ ଜୁଆଣି ୭ ଟି ଭାତ ହଜମ କରିଦିଏ । ଅନ୍ୟ ପକ୍ଷରେ ଭାରତୀୟ ଆୟୁର୍ବେଦ ଓ ୟୁନାନିରେ ବି ଜୁଆଣିକୁ ଖୁବ ପ୍ରାଧାନ୍ୟ ଦିଆଯାଇଛି । ଆପଣ ତ ନିଶ୍ଚିତ ଭାବେ ଜୁଆଣିକୁ ବିଭିନ୍ନ ଢଙ୍ଗରେ ଖାଇଥିବେ | କିନ୍ତୁ ଜୁଆଣି ପରଠା ବିଷୟରେ ହୁଏତ କେବେ ଶୁଣି ନଥିବେ କି ଜାଣିନଥିବେ । ତେବେ ଥରେ ଘରେ ନିଜେ ପ୍ରସ୍ତୁତ କରି ଖାଆନ୍ତୁ ଓ ଅନ୍ୟ ମାନଙ୍କୁ ଖୁଆନ୍ତୁ ‘ଜୁଆଣି ପରଟା’ ।
ତେବେ ପ୍ରଥମେ ଜାଣି ରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
୧. ଅଟା- ୩ କପ
୨. ଜୁଆଣି ଗୁଣ୍ଡ- କିଛି
୩. ହଳଦୀ ଗୁଣ୍ଡ- ଏକ ଚାମଚ
୪. ଲଙ୍କା ଗୁଣ୍ଡ- ଆବଶ୍ୟକତା ଅନୁଯାୟୀ
୫. ଗରମ ପାଣି
୪. ୪ ଚାମଚ ତେଲ
୫. ଦହି – ଅଧା କପ
ପ୍ରସ୍ତୁତି ପ୍ରଣାଳୀ:
-ଗୋଟେ ସଫା ପାତ୍ରରେ କିନ୍ତୁ ଅଟା ନିଅନ୍ତୁ । ଏଥିରେ ଗରମ ପାଣି ଦେଇ ଭଲ ଭାବେ ମିଶାଇ ଏକ ଘୋଳ ପ୍ରସ୍ତୁତ କରନ୍ତୁ ।
– ଏଥିରେ ଲଗାତାର ଭାବେ ଅନ୍ୟ ସାମଗ୍ରୀ ସବୁକୁ ମିଶାନ୍ତୁ ।
– ଏବେ ଧୀରେ ଧୀରେ ଏକ ଚକଟା ପ୍ରସ୍ତୁତ କରନ୍ତୁ ।
– ୧୫ ରୁ ୨୦ ମିନିଟ ପାଇଁ ଏହାକୁ ଛାଡ଼ି ଦିଅନ୍ତୁ ।
– ଏବେ ଛୋଟ ଛୋଟ ଗୁଳା କରି ରୋଟୀ ଆକାରରେ ବେଲନ୍ତୁ ।
– ତାୱା ଗରମ କରି ଅଳ୍ପ ଅଳ୍ପ ତେଲ ଦେଇ ଭଲ ଭାବେ ସେକନ୍ତୁ । ଏବେ ପ୍ରସ୍ତୁତ ହୋଇଗଲା ଆପଣଙ୍କ ସ୍ୱାଦିଷ୍ଟ ଓ ସ୍ୱାସ୍ଥ୍ୟପଯୋଗୀ “ଜୁଆଣି ପରଟା” । ଚଟଣି କିମ୍ବା ତରକାରୀ ସହ ନିଜେ ଖାଆନ୍ତୁ ଓ ଅନ୍ୟ ମାନଙ୍କୁ ଖୁଆନ୍ତୁ ।