ଆମ ଘରେ ଥିବା ସମସ୍ତ ଜିନିଷ ବାସ୍ତୁଶାସ୍ତ୍ର ସହ ଜଡିତ । କିଛି ଜିନିଷ ଆମ ପାଇଁ ଶୁଭ ହୋଇଥିବା ବେଳେ ଆଉକିଛି ଆମପାଇଁ ଅଶୁଭ ହୋଇଥାଏ । ବାସ୍ତୁଶାସ୍ତରେ ଏହା ମଧ୍ୟ କୁହାଯାଇଛି ଯେ କେଉଁ ଜିନିଷକୁ କେଉଁଠି ରଖିବା ଠିକ ହୋଇଥାଏ । ବାସ୍ତୁଶାସ୍ତ୍ରରେ ଏପରି କିଛି ଜିନିଷ ରହିଛି ଯାହାକୁ ଶୋଇବା ସମୟରେ ନିଜ ପାଖରେ ରଖିବା ଅନୁଚିତ । ଏହାଦ୍ୱାରା ଆପଣଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପଡିଥାଏ।
ପର୍ସ
ରାତିରେ ଶୋଇବା ସମୟରେ କେବେବି ପର୍ସକୁ ନିଜ ପାଖରେ ରଖନ୍ତୁ ନାହିଁ । କାରଣ ଏପରି କରିବା ଦ୍ୱାରା ପଇସା ସହ ସମ୍ବନ୍ଧିତ ଅନେକ ସମସ୍ୟାର ସାମ୍ନା କରିବାକୁ ପଡିଥାଏ ।
ଘଣ୍ଟା
କୌଣସି ପ୍ରକାରର ଗ୍ୟାଜେଟ ଯେପରିକି ଘଣ୍ଟା, ମୋବାଇଲ ଫୋନ ଇତ୍ୟାଦି ନିଜ ପାଖରେ ରଖି ଶୋଇବା ଅନୁଚିତ । ଏହାଦ୍ୱାରା ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପଡିଥାଏ ଏବଂ ରାତିରେ ବାରମ୍ବାର ଆପଣଙ୍କ ନିଦ ଭାଙ୍ଗିବାର ସମ୍ଭାବନା ରହିଥାଏ ।
ଜୋତା
ଶୋଇବା ସମୟରେ କେବେ ବି ନିଜ ପାଦ ପାଖରେ ଜୋତା କିମ୍ବା ଚପଲ ରଖନ୍ତୁ ନାହିଁ । ଏହାଦ୍ୱାରା ରାତିରେ ଭୟଙ୍କର ସ୍ୱପ୍ନ ଆସିଥାଏ ।
ବହି
କିଛି ଲୋକମାନଙ୍କୁ ରାତିରେ ପଢି ପଢି ଶୋଇବାର ଅଭ୍ୟାସ ହୋଇଯାଇଥାଏ । ନିଜର ଅନେକ ବହି କିମ୍ବା ଖାତା ସେମାନେ ମୁଣ୍ଡ ପାଖେ ରଖି ଶୋଇଥାନ୍ତି କିନ୍ତୁ ଏପରି କରିବା ଉଚିତ ନୁହେଁ । ଏହାକୁ ଶାସ୍ତ୍ରରେ ଅଶୁଭ ବୋଲି କୁହାଯାଇଥାଏ ।