ଦେଶର ବିଭିନ୍ନ ସ୍ଥାନରେ ବଜ୍ରପାତର ଭୟଙ୍କର ରୂପ , ୪୦ ମୃତ
ସାରା ଦେଶରେ ଝଡ ବର୍ଷା ସାଙ୍ଗକୁ ଘଡଘଡି ବିଜୁଳି କାରଣରୁ ବହୁ ଧନଜୀବନ କ୍ଷୟକ୍ଷତି ହେଲାଣି । ବଜ୍ରପାତ କାରଣରୁ ଦେଶର ଅଲଗା ଅଲଗା ରାଜ୍ୟରୁ ବର୍ତ୍ତମାନ ପର୍ଯ୍ୟନ୍ତ ପାଖାପାଖି ୪୦ଜଣଙ୍କ ପ୍ରାଣ ଯାଇସାରିଲାଣି । ଏହା ବ୍ୟତିତ ବହୁ ଲୋକ ଆହତ ମଧ୍ୟ ହୋଇଛନ୍ତି । ପାଣିପାଗ ବିଭାଗର ସୂଚନା ଅନୁଯାୟୀ ଆସନ୍ତାକାଲି ପର୍ଯ୍ୟନ୍ତ ଏଭଳି ସ୍ଥିତି ଜାରି ରହିବାର ସମ୍ଭାବନା କରାଯାଇଛି ।
ମଙ୍ଗଳବାର ସଂନ୍ଧ୍ୟାରେ ପାଣିପାଗ ଅଚାନକ ବଦଳି ଯାଇଥିଲା ଗୁଜୁରାଟ, ମଧ୍ୟପ୍ରଦେଶ, ମହାରାଷ୍ଟ୍ର, ମଧ୍ୟପ୍ରଦେଶ, ରାଜସ୍ଥାନ, ଝାରଖଣ୍ଡ,ହିମାଚଳ,ହରିୟାଣା ଏବଂ ନୂଆଦିଲ୍ଲୀରେ ପ୍ରବଳ ବର୍ଷା ହେବା ସାଙ୍ଗକୁ ବଜ୍ରପାତରେ ୪୦ଲୋକଙ୍କ ଜୀବନ ଯାଇଥିବା ସହ ଅନେକ ଆହତ ମଧ୍ୟ ହୋଥିଲେ । ସବୁଠାରୁ ଅଧିକ କ୍ଷତିଗ୍ରସ୍ତ ଗୁଜୁରାଟ ଓ ରାଜସ୍ଥାନ ଏବଂ ମଧ୍ୟପ୍ରଦେଶରେ ହୋଇଥିଲା । ବଜ୍ରପାତ ହେବାରୁ ସବୁଠାରୁ ଅଧିକ ପ୍ରାଣହାନୀ ମଧ୍ୟପ୍ରଦେଶରେ ହୋଇଥିଲା। ଏଠାରେ ଅଲଗା ଅଲଗା ସ୍ଥାନରେ ୧୫ଜଣଙ୍କର ଜୀବନ ଯାଇଛି । ମୁଖ୍ୟମନ୍ତ୍ରୀ କମଲନାଥ ସିଂ ଟ୍ବିଟ୍ କରି ପୀଡିତ ମାନଙ୍କ ପରିବାରକୁ ସମ୍ବେଦନା ଜ୍ଞାପନ କରିଛନ୍ତି ।
आकाशीय बिजली गिरने से इंदौर, धार जिले में व प्रदेश के अन्य स्थानो पर जनहानि की बेहद दुखदायी घटनाएँ सामने आयी।
पीड़ित परिवारो के प्रति मेरी शोक संवेदनाएँ।
मैं और मेरी सरकार दुख की इस घड़ी में पीड़ित परिवार के साथ खड़े है।— Office Of Kamal Nath (@OfficeOfKNath) April 16, 2019
ସୂଚନା ଅନୁଯାୟୀ ବଜ୍ରପାତ ଫଳରେ ମଧ୍ୟପ୍ରଦେଶରୁ ୧୫,ଗୁଜୁରାଟରୁ ୧୧,ରାଜସ୍ଥାନରୁ ୭,ପଞ୍ଜାବରୁ ୨, ହରିୟାଣା, ଝାରଖଣ୍ଡ, ମହାରାଷ୍ଟ୍ର,ଉତ୍ତରପ୍ରଦେଶ ଏବଂ ହିମାଚଳ ପ୍ରଦେଶରେ ଜଣେ ଜଣେ ଲୋକ ମୃତ୍ୟୁବରଣ କରିଛନ୍ତି । ଭାରତୀୟ ପାଣିପାଗ ବିଭାଗର କହିବା ଅନୁଯାୟୀ ପାକିସ୍ତାନରୁ ଆସିଥିବା ୱେଷ୍ଟର୍ଣ୍ଣ ଡିଷ୍ଟରବାନ୍ସ ଏବଂ ଗତ ୩-୪ ଦିନରୁ ହେଉଥିବା ହିଟୱେଭ୍ ଚାଲୁଥିବା କାରଣରୁ ଏପରି ସ୍ଥିତି ହୋଇଛି ।
