ଗ୍ରୀସରେ ବୁଡିଲା ଡଙ୍ଗା: ୭୯ ମୃତ, ଶତାଧିକ ନିଖୋଜ
ପୁଣି ଏକ ଡଙ୍ଗା ଦୁର୍ଘଟଣା । ଗ୍ରୀସରେ ଡଙ୍ଗା ବୁଡି ୭୯ ଜଣଙ୍କର ମୃତ୍ୟୁ ହୋଇଥିବା ବେଳେ ଶତାଧିକ ନିଖୋଜ ଥିବା ଖବର ମିଳିଛି । ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି ।
ଗ୍ରୀସରେ ଡଙ୍ଗା ବୁଡି ୭୯ ଜଣଙ୍କର ମୃତ୍ୟୁ ହୋଇଛି । ଡଙ୍ଗାରେ ପାକିସ୍ତାନ, ମିଶର ଓ ସିରିୟାର ଲୋକମାନେ ଯାତ୍ରା କରୁଥିଲେ । ଅନେକ ନିଖୋଜ ମଧ୍ୟ ରହିଛନ୍ତି । ତେବେ ଡଙ୍ଗାରେ ମୋଟ ୭୫୦ ଜଣ ଯାତ୍ରୀ ଯାତ୍ରା କରୁଥିଲେ । ଘଟଣା ପରେ ତତ୍କାଳ ରେସକ୍ୟୁ ଅପରେସନ ଜାରି ରହିଥିବା ବେଳେ ମୃତକଙ୍କ ସଂଖ୍ୟା ଆହୁରି ବୃଦ୍ଧି ପାଇବାର ଆଶଙ୍କା କରାଯାଉଛି । ଉଦ୍ଧାର କାର୍ଯ୍ୟରେ ତଟରକ୍ଷୀ ବାହିନୀ, ନୌସେନା, ସେନା ଏବଂ ବାୟୁସେନାର ଯବାନ ନିୟୋଜିତ ରହିଛନ୍ତି ।
ଖବର ମୁତାବକ, ଡଙ୍ଗାବୁଡି ଘଟଣା ଗ୍ରୀସର ଦକ୍ଷିଣ ପେଲୋପୋନିସେ ଅଞ୍ଚଳ ଠାରୁ ପାଖାପାଖି ୭୫ କିମି ପଶ୍ଚିମ-ଦକ୍ଷିଣରେ ଅଧରାତିରେ ଘଟିଥିଲା । ଘଟଣାରେ ଉଦ୍ଧାର ହୋଇଥିବା ପ୍ରବାସୀଙ୍କୁ ଆମ୍ବୁଲାନ୍ସ ସେବା ଶିବିରରେ ଚିକିତ୍ସା ପାଇଁ ପଠାଯାଇଛି । ୧୦୪ ଜଣ ଉଦ୍ଧାର ହୋଇଥିବା ଯାତ୍ରୀଙ୍କ ମଧ୍ୟରୁ ମିଶରର ୩୦ ଜଣ, ପାକିସ୍ତାନର ୧୦ ଜଣ, ସିରିୟାର ୩୫ ଜଣ ଏବଂ ୨ ଜଣ ଫିଲିସ୍ତାନୀ ରହିଛନ୍ତି ।
Another horrific shipwreck in the Mediterranean – this time near Greece – has claimed the lives of scores of people.
As I’ve said before – every person searching for a better life deserves safety & dignity.
— António Guterres (@antonioguterres) June 14, 2023
ତେବେ ଏହି ଘଟଣାରେ ୟୁଏନର ମହାସଚିବ ଏଣ୍ଟୋନିୟୋ ଗୁଟେରେସ ପ୍ରାରମ୍ଭିକ ସୂଚନା ଦେଇଛନ୍ତି। ତେବେ ଡଙ୍ଗାରେ ଥିବା ଲୋକଙ୍କ ବୟସ ୧୬-୪୧ ବର୍ଷ ରହିଥିବା କୁହାଯାଉଛି । ମହିଳା ଏବଂ ଅନେକ ଶିଶୁ ଥିବା ମଧ୍ୟ ଖବର ମିଳିଛି ।
‼️ A shipwreck occurred today off Pylos, Greece according to @HCoastGuard.
So far 104 survivors were brought to shore while 32 bodies were recovered. Search and rescue efforts continue and we fear more lives were lost.
Initial reports suggest up to 400 people were onboard. pic.twitter.com/7TBTWiHs84
— IOM – UN Migration 🇺🇳 (@UNmigration) June 14, 2023
ସୂଚନାଯୋଗ୍ୟ ଯେ, ଗତ ୨୦୨୧ ମସିହା ଜୁଲାଇ ମାସରେ ଆଫ୍ରିକୀୟ ପ୍ରବାସୀଙ୍କୁ ନେଇ ଯାଉଥିବା ଗୋଟିଏ ଡଙ୍ଗା ଲିବିୟା ଉପକୂଳରେ ଓଲଟି ପଡ଼ିବାରୁ ୫୭ ଜଣ ଲୋକଙ୍କର ମୃତ୍ୟୁ ଘଟିଥିଲ ।
ଗତକାଲି ନାଇଜେରିଆରେ ଡଙ୍ଗା ବୁଡ଼ି କାରଣରୁ ୧୦୩ ଜଣ ଲୋକଙ୍କର ଜୀବନ ଚାଲିଯାଇଥିଲା । ଏକ ବିବାହ କାର୍ଯ୍ୟରେ ଯୋଗ ଦେଇ ଫେରୁଥିବା ସମୟରେ ଘଟିଥିଲା ଏପରି ଏକ ଅଘଟଣ । ଏହି ବୋଟ ଦୁର୍ଘଟଣାରେ ୯୭ ଜଣ ଯାତ୍ରୀ ମଧ୍ୟ ନିଖୋଜ ହୋଇଯାଇଥିଲେ ।
