ବିହାରର କଟିହାରରେ ରିଭମ ରାମ ନାମକ ଜଣେ ଛାତ୍ର SAT (Scholastic Assessment Test) ପରୀକ୍ଷା ପାସ୍ କରିସାରିବା ପରେ ଇତିହାସ ରଚିଛନ୍ତି। ରିଭମ ବର୍ତ୍ତମାନ କାଲିଫର୍ଣ୍ଣିଆ ୟୁନିଭର୍ସିଟିରେ ପଢୁଛନ୍ତି ଏବଂ ଜଣେ ବୈଜ୍ଞାନିକ ହେବାର ସ୍ୱପ୍ନ ଦେଖୁଛନ୍ତି । ଏହି ପରୀକ୍ଷାରେ ରିଭମ ସାରା ବିଶ୍ଵରେ ତୃତୀୟ ସ୍ଥାନ ଗ୍ରହଣ କରିଥିଲେ । ତେବେ ଏହି ପରୀକ୍ଷା ୨୦୦ଟି ଦେଶର ଛାତ୍ରଛାତ୍ରୀମାନେ ଦେଇଥିବା ବେଳେ ୧୦ ଜଣ ଭାରତୀୟ ଏଥିରେ ସଫଳତା ହାସିଲ କରିଛନ୍ତି । ରିଭମ ରାଜ ମହାନ ବୈଜ୍ଞାନିକ ଅଲବର୍ଟ ଆଇନଷ୍ଟାଇନଙ୍କର ଦ୍ରବ୍ୟମାନ ଉର୍ଜା ସମୀକରଣ(E = mc2) ଉପରେ ଏକ ପ୍ରୋଜେକ୍ଟ ପ୍ରସ୍ତୁତ କରୁଛନ୍ତି । ରିଭମଙ୍କ କହିବା ଅନୁଯାୟୀ ତାଙ୍କର ପ୍ରୋଜେକ୍ଟ ଥିଓରିଟିକାଲି ପସିବୁଲ ଅଟେ ଏବଂ ଯଦି ଏହା ଦୁନିଆକୁ ଆସିବ ତାହେଲେ ବିନା ତେଲରେ ଇଂଜିନ ଚାଲିପାରିବ ଓ ଏହି ଇଂଜିନର ଲାଇଫ ୧୦ ବର୍ଷ ପର୍ଯ୍ୟନ୍ତ ରହିବ ।
ଏହା ସାଧାରଣ ଇଂଜିନ ଠାରୁ ଅଧିକ ଶକ୍ତିଶାଳୀ ରହିବ । ସୂଚନା ଅନୁଯାୟୀ ରିଭମଙ୍କୁ ପ୍ରଧାନମନ୍ତ୍ରୀ କାର୍ଯ୍ୟାଳୟର ଉଦ୍ୟୋଗ ମନ୍ତ୍ରଣାଳୟ ଷ୍ଟାଟଅପ ଇଣ୍ଡିଆରେ ପ୍ରୋଜେକ୍ଟ ଆଣିବା ପାଇଁ ଅଫର ଦେଇଛନ୍ତି । ତେବେ ଏଠାରେ କହି ରଖିବାକୁ ଚାହିଁବୁ ଯେ ଆମେରିକା ଏବଂ କାନାଡ଼ାରେ ଅଣ୍ଡରଗ୍ରାଜୁଏଟ ସ୍କୁଲରେ ଆଡ଼ମିସନ କରାଇବା ପାଇଁ SAT ପରୀକ୍ଷା ଦିଆଯାଇଥାଏ ।