ସ୍ୱାମୀଙ୍କ ପ୍ରେମିକାକୁ ସାହିପାରିନଥିଲେ ପତ୍ନୀ, ରାଗରେ ଜର୍ଜରିତ ହୋଇ ପ୍ରେମିକାଙ୍କ ପ୍ରାଇଭେଟ ପାର୍ଟରେ ଭରିଦେଲେ ଲଙ୍କାଗୁଣ୍ଡ, ଆଉ ତାପରେ..

ନିଜ ସ୍ୱାମୀ ସବୁବେଳେ ନିଜ ପାଖରେ ରହୁ ଏହା ସବୁ ନାରୀଙ୍କର ଇଛା । କିନ୍ତୁ ଯେତେବେଳେ ତାଙ୍କ ଜୀବନରେ ପତ୍ନୀ ଛଡା ଅନ୍ୟ କେହି ଝିଅ ଆସେ ତାହେଲେ ଏହାକୁ ସହଜରେ ଗ୍ରହଣ କରିପାରେନାହିଁ ଗୋଟେ ସ୍ତ୍ରୀ । ତେବେ ଅହମଦାବାଦରେ ଜଣେ ସ୍ତ୍ରୀ ନିଜ ସ୍ୱାମୀର ପ୍ରେମିକା ଠାରୁ ଏଭଳି ଭାବେ ପ୍ରତିଶୋଧ ନେଇଛି ଯାହା ଶୁଣିଲା ପରେ ଆପଣ ବିଶ୍ୱାସ କରିପାରିବେ ନାହିଁ । ପ୍ରେମିକାର ଅଭିଯୋଗ ଅନୁଯାୟୀ ତାଙ୍କ ପ୍ରାଇଭେଟ ପାର୍ଟରେ ପ୍ରେମିକର ସ୍ତ୍ରୀ ଓ ତାଙ୍କର ତିନିସାଙ୍ଗ ମିଶି ଲଙ୍କାଗୁଣ୍ଡ ଭର୍ତ୍ତି କରିଦେଇଛନ୍ତି । ତାହେଲେ ଆସନ୍ତୁ ଜାଣିବା ସମ୍ପୂର୍ଣ୍ଣ ଘଟଣା ।

ସୂଚନା ଅନୁଯାୟୀ ପୀଡିତା ଯୁବତୀ ଜଣକ ଅହମଦାବାଦ ନାରାନପୁରା ଅଂଚଳରେ ଏକ କପଡା ଦୋକାନରେ କାମ କରୁଥିଲେ ଏବଂ ସେହି ସମୟରେ ଗିରିଶ ଗୋସ୍ୱାମୀ ନାମକ ଏକ ଯୁବକ ସହ ତାଙ୍କର ପ୍ରେମ ସମ୍ପର୍କ ଗଢି ଉଠିଥିଲା । ତେବେ ଦୁଇବର୍ଷ ପରେ ଯୁବତୀ ଜଣକ ସେହି କପଡା ଦୋକାନ ଛାଡ଼ିଦେବା ସହିତ ତାଙ୍କସହ ସମସ୍ତ ସମ୍ପର୍କ କାଟି ଦେଇଥିଲେ ।

ପୀଡ଼ିତାଙ୍କ କହିବା ଅନୁଯାୟୀ ଦୁଇ ମାସ ତଳେ ଗିରିଶ ଗୋସ୍ୱାମୀ ତାଙ୍କୁ ଦେଖା କରିବାପାଇଁ ଡାକିଥିଲେ ଯାହାକି ତାଙ୍କ ପତ୍ନୀ ଜାନୁ ଗୋସ୍ଵାମୀଙ୍କୁ ଜଣା ପଡିଯାଇଥିଲା । ତେବେ ରାଗରେ ଜର୍ଜରିତ ହୋଇ ଜାନୁ ତାଙ୍କ ତିନି ସାଙ୍ଗ ସହ ମିଶି ପ୍ରଥମେ ଉକ୍ତ ଯୁବତୀଙ୍କୁ ସ୍କୁଟି ଉପରୁ ଅପହରଣ କରିନେଇଥିଲେ । ତାପରେ ତାଙ୍କୁ ଏକ କୋଠରୀ ଭିତରକୁ ନେଇଯାଇ ସେଠାରେ ତାଙ୍କର ସମସ୍ତ ଲୁଗାପଟା ଖୋଲିଦେଇଥିଲେ ଓ ତାଙ୍କ ପ୍ରାଇଭେଟ ପାର୍ଟରେ ଲଙ୍କାଗୁଣ୍ଡ ଭର୍ତ୍ତି କରିଦେଇଥିଲେ । ଯନ୍ତ୍ରଣାରେ ଛଟପଟ ହେଉଥିବା ସମୟରେ ଜାନୁ ଓ ତାଙ୍କ ତିନି ସାଙ୍ଗ ମିଶି ତାଙ୍କର ଭିଡିଓ ମଧ୍ୟ ବନାଇଥିଲେ ବୋଲି ପୀଡିତା ଯୁବତୀ ନିଜ ବୟାନରେ କହିଛନ୍ତି । କେବଳ ସେତିକି ନୁହେଁ ପୁଣି କେବେ ଗିରିଶଙ୍କ ସହ ଦେଖାକଲେ ତାଙ୍କ ଉପରେ ଏସିଡ ପକେଇ ଦେବେ ବୋଲି ସେମାନେ ଉକ୍ତ ଯୁବତୀଙ୍କୁ ଧମକ ମଧ୍ୟ ଦେଇଥିଲେ ।

ଗିରିଶଙ୍କ ସ୍ତ୍ରୀ ଜାନୁ ପୀଡ଼ିତାଙ୍କୁ 50 ଲକ୍ଷ ଟଙ୍କା ଦାବି କରିଥିଲେ ବୋଲି ପୀଡିତା ଅଭିଯୋଗ କରିଛନ୍ତି । କାରଣ ତାଙ୍କ କହିବା ଅନୁଯାୟୀ ଗିରିଶ ଗୋସ୍ୱାମୀ ଉକ୍ତ ଯୁବତୀଙ୍କ ଉପରେ ଅନେକ ଟଙ୍କା ଖର୍ଚ୍ଚ କରିଛନ୍ତି । ତେବେ ଏସବୁ ପରେ ଉକ୍ତ ଯୁବତୀଙ୍କୁ ସେଠାରେ ଯନ୍ତ୍ରଣାରେ ଛଟପଟ ହେଉଥିବା ଦେଖି ସମସ୍ତେ ସେଠାରୁ ଚାଲି ଯାଇଥିଲେ । ଏହି ମାମଲାକୁ ନେଇ ଅହମଦାବାଦ ପୋଲିସ କହିଛି ଯେ ଯୁବତୀଙ୍କ ପ୍ରାଇଭେଟ ପାର୍ଟରେ ଲଙ୍କାଗୁଣ୍ଡ ପକାଇଥିବା ତିନିଜଣ ମହିଳାଙ୍କୁ ଗିରଫ କରାଯାଇଛି ଓ ବର୍ତ୍ତମାନ ଘଟଣାର ତଦନ୍ତ ଜାରି ରହିଛି ।