ସାଧାରଣତଃ ସବୁ ଦେଶର ଲୋକେ ଗାଈ ପାଳିଥାନ୍ତି କାରଣ ଏମାନଙ୍କଠାରୁ କ୍ଷୀର, ଦହି ଓ ଘିଅ ଇତ୍ୟାଦି ମିଳିଥାଏ । ସେଥିପାଇଁ ଗାଈକୁ ଭଲ ଖାଇବାକୁ ଦେବା ମଧ୍ୟ ବହୁତ ଜରୁରୀ ହୋଇଥାଏ । ତାଛଡା ଏହା ମଧ୍ୟ ଧ୍ୟାନ ରଖିବା ନିହାତି ଜରୁରୀ ଯେ ଗାଈ ଏପରି କିଛି ଖାଇନଦେଉ ଯାହାଦ୍ୱାରା ତାକୁ କୌଣସି କ୍ଷତି ପହଞ୍ଚାଇବ ।
ଏଥିରୁ ବଂଚିବା ପାଇଁ ଆମେରିକାରେ ସର୍ଜରୀ ମାଧ୍ୟମରେ ଗାଈ ପେଟରେ ଏକ କଣା କରାଯାଇଥାଏ ଏବଂ ଏହା କେବଳ ଗାଈର ସୁରକ୍ଷା ପାଇଁ ହିଁ କରାଯାଇଥାଏ । ଯାହାଦ୍ୱାରା ଗାଈକୁ ଆଉ କୌଣସି ପ୍ରକାର କ୍ଷତି ପହଂଚିନଥାଏ । ତାହେଲେ ଆସନ୍ତୁ ଜାଣିବା ଏପରି ଛିଦ୍ର କାହିଁକି କରାଯାଇଥାଏ ।
ଆମେରିକାରେ ଚାଷୀମାନେ ଗାଈକୁ ସାରାଦିନ ଘାସ ଖାଇବା ପାଇଁ ଛାଡି ଦେଇଥାନ୍ତି । ଏହି ସମୟରେ ଗାଈ ଘାସ ସହିତ ଏପରି କିଛି ଖାଦ୍ୟ ଖାଇଦେଇଥାଏ ଯାହାକୁ ହଜମ କରିବା ତାପାଇଁ ବହୁତ ମୁସ୍କିଲ ହୋଇପଡେ ଯେପରିକି ପ୍ଲାଷ୍ଟିକ । ତେବେ ଗାଈ ପେଟରେ ଏହି ଛିଦ୍ର କରିବାର କାରଣ ଏହା ସାହାଯ୍ୟରେ ଗାଈ ପେଟକୁ ସଫା କରାଯାଇଥାଏ ଏବଂ ପ୍ଲାଷ୍ଟିକ ଭଳି ଜିନିଷକୁ ଗାଈ ପେଟରୁ ବାହାର କରାଯାଇଥାଏ । ଯାହାଦ୍ୱାରା ଆଉ ଗାଈକୁ କୌଣସି ଅସୁବିଧା ହୋଇନଥାଏ ।
ଏହି ଛିଦ୍ର ଦେଖିବା ପାଇଁ ବହୁତ ଭୟଙ୍କର ଲାଗିଥାଏ ସତ କିନ୍ତୁ ଏହାକୁ ବନାଇବା ସମୟରେ ଗାଈକୁ କୌଣସି ପ୍ରକାରର କ୍ଷତ ପହଞ୍ଚା ଯାଇନଥାଏ ଏବଂ ଏହି ଛିଦ୍ର ବନାଇବା ସମୟରେ ଗାଈକୁ ଟିକିଏ ବି କଷ୍ଟ ହୋଇନଥାଏ ।