ଲମ୍ବା ଜୀବନ ଜିଇଁବାର ଇଚ୍ଛା ସମସ୍ତଙ୍କୁ ହୋଇଥାଏ କିନ୍ତୁ ଦୁନିଆରେ ଏପରି କିଛି ଲୋକ ଅଛନ୍ତି ଯେଉଁମାନେ ଅତି ଗମ୍ଭୀର ରୋଗରେ ପୀଡିତ ଅଥବା ଅନ୍ୟ କୌଣସି କାରଣରୁ ସରକାରଙ୍କୁ ଇଚ୍ଛାମୃତ୍ୟୁ ମାଗିଛନ୍ତି । ଯଦିଓ ଏମାନଙ୍କ ସଂଖ୍ୟା ଖୁବ କମ ରହିଥାଏ କିନ୍ତୁ ଦୁନିଆରେ ଏକ ଏପରି ଦେଶ ରହିଛି ଯେଉଁଠି ଜଣେ କିମ୍ବା ଦୁଇଜଣ ନୁହେଁ ବରଂ ୧୦,୧୫୬ ଜଣ ଲୋକ ଈଛାମୃତ୍ୟୁ ମାଗିଛନ୍ତି । ତେବେ ଏହି ସମସ୍ତ ଲୋକଙ୍କ ବୟସ ୫୫ ବର୍ଷରୁ ଅଧିକ । ତେବେ ଆସନ୍ତୁ ଜାଣିବା ଏ ସମ୍ପର୍କରେ ବିସ୍ତୃତ ତଥ୍ୟ ।
ସୂଚନା ଅନୁଯାୟୀ ଏହି ଦେଶର ନାମ ହେଉଛି ନେଦରଲ୍ୟାଣ୍ଡ । ଗତ ଶୁକ୍ରବାର ସଂସଦରେ ଦେଶର ସ୍ୱାସ୍ଥ୍ୟମନ୍ତ୍ରୀ କହିଥିଲେ ଯେ ନେଦରଲ୍ୟାଣ୍ଡରେ ଇଚ୍ଛାମୃତ୍ୟୁ ମାଗିଥିବା ଲୋକଙ୍କ ସଂଖ୍ୟା ଦେଶର ଜନସଂଖ୍ୟାର ୧୮ ପ୍ରତିଶତ ଅଟେ । ଯଦିଓ ଏହି ଲୋକମାନେ ଅତି ଗମ୍ଭୀର ରୋଗରେ ପୀଡିତ ଏବଂ ସେମାନେ ନିଜ ଜୀବନକୁ ନିଜେ ଶେଷ କରିବାକୁ ଚାଁହାନ୍ତି ।
The Van Wijgarden କମିଶନ ପକ୍ଷରୁ ଇଚ୍ଛାମୃତ୍ୟୁର ଏକ ରିପୋର୍ଟ ପ୍ରସ୍ତୁତ କରାଯାଇଛି । ସ୍ୱାସ୍ଥ୍ୟମନ୍ତ୍ରୀଙ୍କ କହିବା ଅନୁଯାୟୀ ସରକାର ଓ ସମାଜ ପାଇଁ ଏହା ଏକ ପ୍ରମୁଖ ସାମାଜିକ ସମସ୍ୟା ଅଟେ । ଏହା ଉପରେ ତୁରନ୍ତ କିଛି ପଦକ୍ଷେପ ନେବା ଆବଶ୍ୟକ । ସରକାର ଇଚ୍ଛାମୃତ୍ୟୁ ମାଗିଥିବା ଲୋକଙ୍କୁ ସାହାଯ୍ୟ କରିବା ସହିତ ସେମାନଙ୍କୁ ବଂଚିବା ପାଇଁ ପ୍ରେରିତ କରିବା ଆବଶ୍ୟକ ବୋଲି ସେ ପରାମର୍ଶ ଦେଇଛନ୍ତି ।
ସୂଚନା ଅନୁଯାୟୀ ଇଚ୍ଛାମୃତ୍ୟୁକୁ ବ୍ୟାନ କରିଥିବା ପ୍ରଥମ ଦେଶ ହେଉଛି ନେଦରଲ୍ୟାଣ୍ଡ । ରିପୋର୍ଟ ଅନୁଯାୟୀ ୨୦୦୧ ମସିହାରେ ଦେଶରେ ବଡସଂଖ୍ୟାର ଲୋକେ ଈଛାମୃତ୍ୟୁ ମାଗିଥିଲେ । ତେବେ ଦିନକୁ ଦିନ ଏହା ବଢିବା କାରଣରୁ ସରକାର ଏହା ଉପରେ ପ୍ରତିବନ୍ଧକ ଲଗାଇ ଦେଇଥିଲେ ।