ଭିଉଅରସିପ ଡାଟାକୁ ନେଇ ଟିଭି ନ୍ୟୁଜ୍ ଚ୍ୟାନେଲଗୁଡିକ ମଧ୍ୟରେ ବିବାଦ ପରେ Broadcast Audience Research Council (BARC) ଟିଭି ନ୍ୟୁଜ୍ ଚ୍ୟାନେଲଗୁଡିକର ସାପ୍ତାହିକ ମୂଲ୍ୟାୟନକୁ ତିନିମାସ ପାଇଁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛି । ଏକ ଘୋଷଣାରେ, BARC କହିଛି ଯେ ଡାଟାର ମାପ ଏବଂ ରିପୋର୍ଟର ବର୍ତ୍ତମାନର ମାନକର ସମୀକ୍ଷା ବୃଦ୍ଧି କରିବା ଜାରି ରଖିବ । ଏହାସହିତ କୁହାଯାଇଛି ଯେ ରାଜ୍ୟ ତଥା ଭାଷା ଦ୍ୱାରା ସମାଚାରର ଶୈଳୀ ପାଇଁ ସାପ୍ତାହିକ ଦର୍ଶକଙ୍କ ଆକଳନ ଜାରି ରହିବ। ନିଲମ୍ବନ ଉପରେ ପ୍ରତିକ୍ରିୟା ପ୍ରକାଶ କରି ନ୍ୟୁଜ୍ ବ୍ରୋଡକାଷ୍ଟର୍ସ ଆସୋସିଏସନ୍ (NBA) ସଠିକ୍ ଦିଗରେ ପଦକ୍ଷେପ ଭାବରେ ଏହି ନିଷ୍ପତ୍ତିକୁ ସ୍ୱାଗତ କରିଛି।
BARC ଏହାର ସିଷ୍ଟମଗୁଡିକୁ ସଂପୂର୍ଣ୍ଣ ରୂପେ ଠିକ କରିବା ଏବଂ ‘ଇଣ୍ଡିଆ କଣ ଦେଖୁଛି’ ତାହା ବିଷୟରେ ସଂଗ୍ରହ କରୁଥିବା ତଥ୍ୟର ବିଶ୍ୱସନୀୟତାକୁ ପୁନଃସ୍ଥାପିତ କରିବା ପାଇଁ BARC ଏହି ବାରଟି ସପ୍ତାହ ବ୍ୟବହାର କରିବା ଉଚିତ୍ ବୋଲି NBA ଏକ ପ୍ରେସ ବିବୃତ୍ତିରେ କହିଛି । BARC ପ୍ରସାରଣକାରୀ, ବିଜ୍ଞାପନଦାତା ଏବଂ ବିଜ୍ଞାପନ ଏଜେନ୍ସି ତରଫରୁ ଟିଭି ଭିଉଅରସିପକୁ ମାପିଥାଏ ।
ରେଟିଂ ଏଜେନ୍ସି BARC ପାଖରେ ହାନସା ରିସର୍ଚ୍ଚ ଗ୍ରୁପ୍ କିଛି ଟେଲିଭିଜନ୍ ଚ୍ୟାନେଲ୍ ଟିଆରପି ନମ୍ବର ଜାଲିଆତି କରୁଥିବା ଅଭିଯୋଗ କରିବା ପରେ ଏହି ନକଲି ଟିଆରପି ସ୍କାମ ସାମ୍ନାକୁ ଆସିଥିଲା । ଅଭିଯୋଗ ହୋଇଥିଲା ଯେ ଭିଉଅରସିପ ଡାଟା ସଂଗ୍ରହ ପାଇଁ ଯେଉଁ ସବୁ ଘରୁ ଡାଟା ସଂଗ୍ରହ କରାଯାଉଥିଲା ସେହି ପରିବାରକୁ ଏକ ନିର୍ଦ୍ଦିଷ୍ଟ ଚ୍ୟାନେଲରେ ଟ୍ୟୁନ୍ କରିବା ପାଇଁ ଲାଞ୍ଚ ଦିଆଯାଉଥିଲା । ଗତ ସପ୍ତାହରେ ମୁମ୍ବାଇ ପୋଲିସ କମିଶନର ପରମ ବୀର ସିଂ କହିଥିଲେ ଯେ ରିପବ୍ଲିକ୍ ଟିଭି ଏବଂ ଦୁଇଟି ମରାଠୀ ଚ୍ୟାନେଲ୍ – ବକ୍ସ ସିନେମା ଏବଂ ଫାକ୍ଟ ମରାଠୀ – ଭଲ ବିଜ୍ଞାପନ ରାଜସ୍ୱ ପାଇଁ ଟିଆରପି ହେରଫେର କରିଛି ।