ଲକ ଡାଉନର ଛଡାଇନେଲା ଭାଲୁଙ୍କ ମୁହଁରୁ ଆହାର, ଖାଦ୍ୟ ନ ପାଇ କେମିତି ବିକଳ ହେଉଛନ୍ତି ଦେଖନ୍ତୁ ଏହି ଭିଡିଓ
ବିଶ୍ୱବ୍ୟାପୀ କରୋନା ଭାଇରସର କରାଳ ରୂପ ଦିନକୁ ଦିନ ବଢ଼ିବାରେ ଲାଗିଛି । ଏହାର ପ୍ରଭାବକୁ ନିୟନ୍ତ୍ରଣ କରିବା ପାଇଁ ବିଶ୍ୱ ତଥା ଦେଶର ଅଧିକାଂଶ ସ୍ଥାନରେ ଲକ ଡାଉନର ଘୋଷଣା କରା ଯାଇଛି । ଏହି ଲକ ଡାଉନ ସମୟରେ ମଣିଷ ତ ମଣିଷ ଜୀବଜନ୍ତୁ ମାନେ ବି ଖୁବ ହଇରାଣ ହେଉଥିବାର ଅନେକ ଘଟଣା ସାମ୍ନାକୁ ଆସିଛି । ଲୋକ ମାନେ ଘରୁ ନ ବାହାରୁ ଥିବାରୁ ଏହି ଜୀବ ମାନଙ୍କୁ ଆବଶ୍ୟକତା ଅନୁସାରେ ଖାଦ୍ୟ ମିଳୁନାହିଁ । ନିକଟରେ ଘଟିଥିବା ଏମିତି ହିଁ ଏକ ଘଟଣା ସାମ୍ନାକୁ ଆସିଛି । ଛତିଶଗଡ଼ ରାଜ୍ୟର ମହାସମୁନ୍ଦ ଜିଲ୍ଲା ସ୍ଥିତ ଘୁଁଚପଲି ପାହାଡ ଉପରେ ଶ୍ରୀ ଚଣ୍ଡି ମାତାଙ୍କ ମନ୍ଦିର ଅବସ୍ଥିତ ।
ବର୍ଷ ବର୍ଷ ଧରି ପାଖ ଜଙ୍ଗଲରୁ ଅନେକ ଭାଲୁ ମନ୍ଦିର ପରିସରକୁ ନିୟମିତ ଭାବେ ଆସିଥାନ୍ତି | ମନ୍ଦିରକୁ ଆସୁଥିବା ଶ୍ରଦ୍ଧାଳୁ ମାନେ ବି ବଡ ଶ୍ରଦ୍ଧାର ସହ ଏମାନଙ୍କୁ ଖାଇବାକୁ ଦିଅନ୍ତି । କିନ୍ତୁ ଜାରି ହୋଇଥିବା ଲକ ଡାଉନ କାରଣରୁ ନା ମନ୍ଦିରକୁ କୌଣସି ଶ୍ରଦ୍ଧାଳୁ ଆସୁଛନ୍ତି ନା ଭାଲୁ ମାନନ୍କୁ ଖାଇବାକୁ ମିଳୁଛି । ଫଳରେ ଏମାନଙ୍କୁ ଭୋକିଲା ହିଁ ରହିବାକୁ ପଡୁଛି ।ମନ୍ଦିରକୁ ଆସି ଭୋକିଲା ପେଟରେ ରହିବାକୁ ପଡୁଥିବାରୁ ଏହି ବନ୍ୟ ଜନ୍ତୁ ମାନେ ବି ଅସ୍ତବ୍ୟସ୍ତ ହୋଇଗଲେଣି । ଆଉ କିଛି ନ ପାଇ ଶେଷରେ ମନ୍ଦିରକୁ ଆସିଥିବା ଭାଲୁ ମାନେ ମନ୍ଦିର ପରିସରରେ ଥୁଆ ହୋଇଥିବା ଅଳିଆ ଆବର୍ଜନା ଡବା ଗୁଡିକୁ ଏଣେ ତେଣେ ପକାଉଛନ୍ତି ।
Temples are closed. So sloth bears are not finding any food. Coming & going back. Here two scrambling the dustbin or playing with it in temple in Chattisgarh. That is why it is suggested that wild animals should not be provided food. Sent by a friend via whatsapp. pic.twitter.com/ke131vrYz3
— Parveen Kaswan, IFS (@ParveenKaswan) April 13, 2020
ଭାଲୁ ମାନଙ୍କ ପେଟ ବିକଳର ଦୃଶ୍ୟର ଭିଡିଓ ଟିକୁ ”ଇଣ୍ଡିଆନ ଫରେଷ୍ଟ ସର୍ଭିସ”ରେ କାର୍ଯ୍ୟରତ ଜଣେ ବରିଷ୍ଠ ଅଫିସର ପ୍ରବୀଣ କାସବାନ । ଶ୍ରୀଯୁକ୍ତ କାଶବାନ ଭାଲୁ ମନ୍ଦିର ପରିସରରେ ଖାଦ୍ୟ ଖୋଜୁଥିବାର ଭିଡିଓ ଟିକୁ ସୋସିଆଲ ମିଡିଆରେ ସେୟାର କରିଛନ୍ତି । ଭିଡିଓ ଟିକୁ ସେୟାର କରି ପ୍ରବୀଣ ତଳେ କ୍ୟାପ୍ସନରେ ଲେଖିଛନ୍ତିକି, “‘ଲକ ଡାଉନ କାରଣରୁ ମନ୍ଦିର ବନ୍ଦ ହେବା ଫଳରେ ଭାଲୁ ମାନଙ୍କୁ ଆଗ ଭଳି ଆଉ ଖାଦ୍ୟ ମିଳୁନାହିଁ । ସେମାନେ ପ୍ରତିଦିନ ଆସୁଛନ୍ତି । ଆଉ ଭୋକିଲା ପେଟରେ ଚାଲି ଯାଉଛନ୍ତି । ମନ୍ଦିରକୁ ଆସିଥିବା ଦୁଇଟି ଭାଲୁ ଖାଦ୍ୟ ନପାଇ ରାଗିକି ମନ୍ଦିର ପରିସରରେ ଥିବା ଡଷ୍ଟବିନ ଗୁଡିକୁ ଏଣେତେଣେ ପକେଇବାକୁ ଲାଗିଲେ ।
ଶ୍ରୀ କାଶବାନଙ୍କ ଅନୁଯାୟୀ ଜଙ୍ଗଲୀ ଜନ୍ତୁଙ୍କୁ ଖାଦ୍ୟ ନଦେବା ପାଇଁ ସବୁବେଳେ ପରାମର୍ଶ ଦିଆଯାଇଥାଏ ।” ଟ୍ୱିଟରରେ ସେୟାର ହୋଇଥିବା ଏହି ଭିଡିଓ ଟିକୁ ଏଭିତରେ 12 ହଜାର ଲୋକ ଦେଖି ସାରିଲେଣି । ଏହା ସହ 1000 ରୁ ଅଧିକ ଲାଇକ୍ସ ମିଳିଵା ସହ 200 ରୁ ଅଧିକ ଜଣ ରିଟ୍ୱିଟ କରି ସାରିଲେଣି ।
