ଜ୍ୱର, ମୁଣ୍ଡବିନ୍ଧା ଏବଂ ମାଇଗ୍ରେନ ପାଇଁ ବ୍ୟବହାର ହେଉଥିବା ୧୪ ପ୍ରକାର ଔଷଧ ଉପରେ ପ୍ରତିବନ୍ଧକ ଲଗାଇଲେ ସରକାର
କେନ୍ଦ୍ର ସରକାର ସଙ୍ଗେ ସଙ୍ଗେ ଆରାମ ଦେଉଥିବା ୧୪ଟି ଫିକ୍ସଡ୍ ଡୋଜ୍ କମ୍ବିନେସନ୍ (ଏଫଡିସି) ମେଡିସିନ ଉପରେ ପ୍ରତିବନ୍ଧକ ଲଗାଇଛନ୍ତି । ଜ୍ୱର, ମୁଣ୍ଡବିନ୍ଧା ଏବଂ ମାଇଗ୍ରେନ ପାଇଁ ବ୍ୟବହାର ହେଉଥିବା ଔଷଧ ମଧ୍ୟ ସାମିଲ । ପାରାସିଟାମଲ ମଧ୍ୟ ଏଥିରେ ସାମିଲ ।
କେନ୍ଦ୍ର ସରକାର ସଙ୍ଗେ ସଙ୍ଗେ ଆରାମ ଦେଉଥିବା ୧୪ଟି ଫିକ୍ସଡ୍ ଡୋଜ୍ କମ୍ବିନେସନ୍ (ଏଫଡିସି) ମେଡିସିନ ଉପରେ ପ୍ରତିବନ୍ଧକ ଲଗାଇଛନ୍ତି । ଏହି ମେଡିସିନଗୁଡିକ ଆଉ ବଜାରରେ ବିକ୍ରି ହେବ ନାହିଁ । ପାରାସିଟାମୋଲ, ନିମେସୁଲାଇଡ୍ ଭଳି ପ୍ରଚୁର ମାତ୍ରାରେ ବିକ୍ରି ହେଉଥିବା ଔଷଧ ସାମିଲ ରହିଛି । ଏହି ଔଷଧ ତୁରନ୍ତ ଆରାମ ଦେଇଥାଏ କିନ୍ତୁ ଜୀବନ ପ୍ରତି ବିପଦ ରହିଥାଏ ।
ଏକ ବିଶେଷଜ୍ଞ କମିଟିର ପରାମର୍ଶ କ୍ରମେ କେନ୍ଦ୍ର ସରକାର ଏହି ମେଡିସିନ ଉପରେ ପ୍ରତିବନ୍ଧକ ଲଗାଇଛନ୍ତି । ଏହି ମେଡିସିନଗୁଡ଼ିକ ଲୋକଙ୍କ ସ୍ୱାସ୍ଥ୍ୟ ଉପରେ କ୍ଷତି ପହଞ୍ଚାଇବ ବୋଲି ଆଶା କରାଯାଉଥିଲା ।
କେଉଁ ମେଡିସିନ ଉପରେ ଲାଗିଛି ପ୍ରତିବନ୍ଧକ :
• nimesulide + paracetamol
• Chlorpheniramine + Codeine Syrup
• pholcodine + promethazine
• amoxicillin + bromhexine
• Bromhexine + Dextromethorphan + Ammonium Chloride Menthol
• Paracetamol + Bromhexine Phenylephrine + Chlorpheniramine + Guaifenesin
• salbutamol + chlorpheniramine
ଏଫଡିସି ମେଡିସିନ କ’ଣ?
ଏଫଡିସିର ଅର୍ଥ ହେଉଛି ଫିକ୍ସଡ୍ ଡୋଜ୍ କମ୍ବିନେସନ୍ । ଏହି ମେଡିସିନଗୁଡିକ ଦୁଇ କିମ୍ବା ଅଧିକ ମେଡିସିନର ମିଶ୍ରଣରେ ହୋଇଥାଏ । ଏମାନଙ୍କୁ କକଟେଲ ମେଡିସିନ ମଧ୍ୟ କୁହାଯାଏ । ଏଭଳି ମିଶ୍ରଣ କରାଯିବା ଉଚିତ କି ନୁହେଁ, ସେନେଇ ବାରମ୍ବାର ଆଲୋଚନା ଚାଲିଛି । ଆମେରିକା ଏବଂ ଅନ୍ୟାନ୍ୟ ଦେଶରେ ଏଫଡିସି ମେଡିସିନର ପ୍ରଚୁରତା ଉପରେ ରୋକ୍ ଲଗାଇଛନ୍ତି ।
