ତାମିଲନାଡୁରେ ଘଟିଛି ଏକ ଅଭାବନୀୟ ଘଟଣା । ଏଠାକାର କୋୟମ୍ବଟୁରରେ ରହୁଥିବା ଏକ ୧୦ ବର୍ଷର ପିଲା ଭୁଲବଶତଃ ଚକଲେଟ ଭାବି ଖାଇଦେଇଥିଲା ମୂଷା ମରା ଔଷଧ । ଯେଉଁ କାରଣରୁ ଗତକାଲି ତାର ମୃତ୍ୟୁ ହୋଇଯାଇଛି ।
ସୂଚନା ଅନୁଯାୟୀ ତେଲୁଙ୍ଗୁପଲାୟମରେ ପଞ୍ଚମ ଶ୍ରେଣୀରେ ପଢ଼ୁଥିବା ଛାତ୍ର ମୁଥୁସେଲଵନ ନିଜ ସାଙ୍ଗମାନଙ୍କ ସହ ଖେଳୁଥିବା ସମୟରେ ସେ କୀଟନାଶକର ଏକ ଗୋଳିକୁ ଭୁଲରେ ଚକଲେଟ ଭାବି ଖାଇଦେଇଥିଲା । ତା’ର ସାଙ୍ଗମାନଙ୍କ କହିବା ଅନୁଯାୟୀ ଏହାକୁ ଖାଇବା ପରେ ପ୍ରଥମେ ସେ ବେହୋସ ହୋଇଯାଇଥିଲେ ଏବଂ ତାଙ୍କ ମୁଁହରୁ ଲାଳ ବାହାରିଥିଲା । ଏହାପରେ ସାଙ୍ଗମାନେ ତାର ମାତାପିତାଙ୍କୁ ଜଣାଇଥିଲେ ।
ଏହାସହ ପଢନ୍ତୁ ଓଃ ପାଠପଢା ଭାରି ବିରକ୍ତ ! ସ୍କୁଲ ଯିବାକୁ ନେଇ ଚିଡିଯାଇ ପିଲାଟି କହିଲା ଏମିତି କଥା, ଦେଖନ୍ତୁ ଭିଡିଓ
ପିଲାକୁ ଦେଖିବା ପରେ ବାପା ମା ବୁଝି ଯାଇଥିଲେ ଯେ ପିଲାଟି ବିଷ ଖାଇଦେଇଛି ସେଥିପାଇଁ ସେମାନେ ତୁରନ୍ତ ତାକୁ ଡାକ୍ତରଖାନା ନେଇଯାଇଥିଲେ । ପୋଲିସର କହିବା ଅନୁଯାୟୀ ସେଠାକାର ଏକ ସରକାରୀ ହସ୍ପିଟାଲରେ ଚିକିତ୍ସିତ ହେଉଥିବା ସମୟରେ ପିଲାଟିର ମୃତ୍ୟୁ ଘଟିଥିଲା ।