ପାକିସ୍ତାନରେ ଅବସ୍ଥାପିତ ଆଫଗାନିସ୍ତାନ ରାଜଦୂତଙ୍କ ଝିଅ ହେଲେ ଅପହରଣ, ଛାଡ଼ିବା ପୂର୍ବରୁ ଦେଲେ ନିର୍ଯାତନା
କାବୁଲ : ପାକିସ୍ତାନରେ ଅବସ୍ଥାପିତ ଆଫଗାନସ୍ତାନ ରାଜଦୂତ ନଜିବୁଲ୍ଲା ଅଲିଖିଲଙ୍କ ଝିଅକୁ କିଛି ଅଜ୍ଞାତ ବ୍ୟକ୍ତି ଅପହରଣ ପରେ ଛାଡିଦେଇଛନ୍ତି । ତେବେ ତାଙ୍କୁ ଛାଡ଼ିବା ପୂର୍ବରୁ ନିର୍ଯାତନା ଦିଆଯାଇଥିବା ଅଭିଯୋଗ ହୋଇଛି । ଏଭଳି କାର୍ଯ୍ୟକୁ ଆଫଗାନ ବିଦେଶ ମନ୍ତ୍ରଣାଳୟ କଡ଼ା ନିନ୍ଦା କରିଛି ।
ଗତକାଲି ନଜିବୁଲ୍ଲାଙ୍କ ଝିଅଙ୍କୁ ତାଙ୍କ ଘର ନିକଟରୁ ଅପହରଣ କରିନେଇଥିଲେ । ତେବେ ତାଙ୍କୁ ଗମ୍ଭୀର ଭାବେ ନିର୍ଯାତନା ଦେବା ପରେ ଅଜ୍ଞାତ ଲୋକେ ଛାଡ଼ିଦେଇଥିଲେ । ଏବେ ସେ ହସପିଟାଲରେ ଚିକିତ୍ସିତ ହେଉଛନ୍ତି ।
Daughter of Afghan Ambassador in Pakistan was released after being kidnapped, says Pak Media
— ANI (@ANI) July 17, 2021
ଆଫଗାନ ବିଦେଶ ମନ୍ତ୍ରଣାଳୟ ଏହି କାର୍ଯ୍ୟର ଦୃଢ଼ ନିନ୍ଦା କରିବା ସହ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ପାକ୍ ସରକାରଙ୍କ ଠାରେ ଦାବି କରିଛି ।