କେନ୍ୟୁଜ୍(ବ୍ୟୁରୋ): ଯବାନଙ୍କ ସହ ଦଶହରା ମନାଇଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ପଶ୍ଚିମବଙ୍ଗର ଦାର୍ଜିଲିଂରେ ଥିବା ସୁକନା ଓ୍ଵାର ମେମୋରିଆଲରେ ପ୍ରତିରକ୍ଷା ମନ୍ତ୍ରୀ ଶସ୍ତ୍ର ପୂଜା କରିଛନ୍ତି ।ଏହି ସମୟରେ ସେନା ମୁଖ୍ୟ ଏମଏମ ନରୱାନେ ମଧ୍ୟ ଉପସ୍ଥିତ ଥିଲେ। ତେବେ ଆଜି ରାଜନାଥ ଭାରତୀୟ ସେନା ବ୍ୟବହାର କରୁଥିବା ଏକ ଅତ୍ୟାଧୁନିକ ରାଇଫଲ ଧରିଥିବାର ନଜର ଆସିଥିଲେ ।
#WATCH West Bengal: Defence Minister Rajnath Singh inspects a Tavor assault rifle at Sukna War Memorial in Darjeeling. https://t.co/CfgqAgplWY pic.twitter.com/8X2uzOipwc
— ANI (@ANI) October 25, 2020
ପୂର୍ବ ଲଦ୍ଦାଖରେ ଭାରତ-ଚୀନ୍ ମଧ୍ୟରେ ଉତ୍ତେଜନା ଦେଖାଦେଇ ଥିବାବେଳେ ଯବାନଙ୍କ ମନୋବଳ ବୃଦ୍ଧି କରିବା ପାଇଁ ସେନା ସହ ଦଶହରା ପାଳନ କରିଛନ୍ତି ରାଜନାଥ । ଏହି ଅବସରରେ ପ୍ରତିରକ୍ଷା ମନ୍ତ୍ରୀ କହିଛନ୍ତି, ଭାରତ ଚାହୁଁଛି ଦୁଇ ଦେଶ ମଧ୍ୟରେ ସୀମା ଉତ୍ତେଜନା ବନ୍ଦ ହେଉ । ଶାନ୍ତି ରକ୍ଷା କରାଯାଉ । ଭାରତୀୟ ଯବାନ ଦେଶର ଇଞ୍ଚେ ବି ଜମି କାହାରିକୁ ନେବାକୁ ଦେବେ ନାହିଁ । ୨୦୧୯ରେ ରାଜନାଥ ବିଜୟା ଦଶମୀ ଅବସରରେ ଫାନ୍ସରେ ଶସ୍ତ୍ର ପୂଜା କରିଥିଲେ । ଏହି ୨ ଦିନିଆ ଗସ୍ତ ଅବସରରେ ଶନିବାର ଦାର୍ଜିଲିଂରେ ଯବାନଙ୍କୁ ଭେଟିଥିଲେ । ଫରୱାର୍ଡ ଅଞ୍ଚଳରେ ସେନାର କିପରି ପ୍ରସ୍ତୁତି ରହିଛି ସେନେଇ ସମୀକ୍ଷା କରିଥିଲେ ରାଜନାଥ । ପ୍ରତ୍ୟେକ ପରିସ୍ଥିତିରେ ପ୍ରସ୍ତୁତ ରହିବାକୁ ଯବାନଙ୍କୁ ପରାମର୍ଶ ଦେଇଥିଲେ ।