ଚାଷୀଙ୍କ ଧାରଣା ଶେଷ, ୬ ଘଣ୍ଟା ପରେ ଖୋଲିଲା ଦିଲ୍ଲୀ-ନୋଏଡା ରାସ୍ତା; ଭୟଙ୍କର ଜାମ୍ରେ ଫସିଥିଲେ ଲୋକେ
ଧରଣାରେ ବସିଥିବା ଚାଷୀ ପାଖାପାଖି ୬ ଘଣ୍ଟା ପରେ ନୋଏଡା ଏକ୍ସପ୍ରେସ ୱେରୁ ହଟିଛନ୍ତି । ଉଚ୍ଚସ୍ତରୀୟ କମିଟି ଗଠନର ଆଶ୍ୱସନା ମିଳିବା ପରେ ଚାଷୀଙ୍କ ଧାରଣା ଶେଷ ହୋଇଛି । କମିଟିର ପଦାଧିକାରୀମାନଙ୍କ ସହିତ ୮ ଦିନ ଭିତରେ ଚାଷୀଙ୍କ ଦାବି ସମାଧାନ ହେବ ବୋଲି ଆଶ୍ୱସନା ଦିଆଯାଇଛି ।
ଧରଣାରେ ବସିଥିବା ଚାଷୀ ପାଖାପାଖି ୬ ଘଣ୍ଟା ପରେ ନୋଏଡା ଏକ୍ସପ୍ରେସ ୱେରୁ ହଟିଛନ୍ତି । ଉଚ୍ଚସ୍ତରୀୟ କମିଟି ଗଠନର ଆଶ୍ୱସନା ମିଳିବା ପରେ ଚାଷୀଙ୍କ ଧାରଣା ଶେଷ ହୋଇଛି । କମିଟିର ପଦାଧିକାରୀମାନଙ୍କ ସହିତ ୮ ଦିନ ଭିତରେ ଚାଷୀଙ୍କ ଦାବି ସମାଧାନ ହେବ ବୋଲି ଆଶ୍ୱସନା ଦିଆଯାଇଛି । ଏପଟେ ଚାଷୀମାନେ ଧାରଣାରୁ ହଟିବା ଫଳରେ ଭୟଙ୍କର ଟ୍ରାଫିକ୍ ଜାମ୍ ମଧ୍ୟ ହଟିଛି । ଦିଲ୍ଲୀ-ନୋଏଡା ସୀମାରେ ଚାଷୀଙ୍କ ପ୍ରଦର୍ଶନ ହେତୁ ପ୍ରବଳ ଟ୍ରାଫିକ୍ ଜାମ୍ର ସ୍ଥିତି ଉପୁଜିଥିଲା । ଲୋକେ ଦିନସାରା ହନ୍ତସନ୍ତ ହୋଇଥିଲେ ।
ଚାଷୀମାନେ ରାତି ୮ଟାରେ ନୋଏଡା କମିଶନର ଲକ୍ଷ୍ନୀ ସିଂଙ୍କ ସହିତ ବୈଠକ କରିବେ । ନୋଏଡା କମିଶନରଙ୍କ ଆଶ୍ୱସନା ପରେ ଚାଷୀମାନେ ଏକ୍ସପ୍ରେସ୍ ୱେ ଛାଡ଼ି ଦେଇଛନ୍ତି । କମିଶନରଙ୍କ ତତ୍ତ୍ୱାବଧାନରେ ଏକ କମିଟି ଗଠନ କରାଯିବ । ଏକ ସପ୍ତାହ ମଧ୍ୟରେ ପ୍ରାଧିକରଣର ଅଧିକାରୀମାନଙ୍କ ସହିତ ଚାଷୀମାନଙ୍କୁ କଥାବାର୍ତ୍ତା କରାଯିବ । ଏହି ବୈଠକରେ ସରକାରୀ ସ୍ତରର ମନ୍ତ୍ରୀମାନେ ସାମିଲ ହେବେ ।
ଭାରତୀୟ କିସାନ ପରିଷଦର ଅଧ୍ୟକ୍ଷ ସୁଖବୀର ଖଲିଫା କହିଛନ୍ତି ଯେ ଆମେ ରାସ୍ତା ଖାଲି କରି ନିଜ ନିଜ ଧାରଣାସ୍ଥଳରେ ପହଞ୍ଚିଛୁ । ଆମେ ମିଥ୍ୟା ଆଶ୍ୱାସନା ସହିତ ନାହୁଁ । ଯଦି ଆମର ଦାବି ପୂରଣ ନ ହୁଏ, ତେବେ ଦିଲ୍ଲୀ ବହୁତ ଦୂର ନୁହେଁ । ୮ ଦିନ ମଧ୍ୟରେ ଚାଷୀଙ୍କ ଦାବି ସମାଧାନ ହେବ ବୋଲି କମିଟି ଅଧିକାରୀଙ୍କଠାରୁ ନିଶ୍ଚିତତା ମିଳିଛି । କମିଟିର ରିପୋର୍ଟ ପରେ କୃଷକମାନେ ଆଗାମୀ ରଣନୀତି ପ୍ରସ୍ତୁତ କରିବେ ।