ଭାରତୀୟ ବୈଜ୍ଞାନିକଙ୍କୁ ମିଳିଲା ବଡ ସଫଳତା, ପ୍ରଥମଥର ମାଇକ୍ରୋସ୍କୋପରେ କଏଦ ହେଲା କରୋନା ଭାଇରସର ଫଟୋ, ଏବେ ନୂଆ ଆଶାରେ ବୈଜ୍ଞାନିକ
ସାରା ଦୁନିଆରେ ଏବେ କରୋନା ପାଇଁ ଆତଙ୍କ ଦେଖିବାକୁ ମିଳିଛି । ଏହି ମହାମାରୀ ଯୋଗୁଁ ପ୍ରତିଦିନ ହଜାର ହଜାର ଲୋକ ପ୍ରାଣ ହରାଉଛନ୍ତି । ତେବେ ଏହା ମଧ୍ୟରେ ଭାରତର ବୈଜ୍ଞାନିକମାନେ ଏକ ବଡ ସଫଳତା ହାସଲ କରିଛନ୍ତି । ପ୍ରଥମଥର ପାଇଁ ବୈଜ୍ଞାନିକ ମାନେ କରୋନା ଭାଇରସର ମାଇକ୍ରୋସ୍କୋପ ଦ୍ଵାରା ନିଆଯାଇଥିବା ଫଟୋ ଜାରି କରିଛନ୍ତି । କୁହାଯାଉଛି ଯେ ଏହି ଫଟୋ ବୈଜ୍ଞାନିକମାନଙ୍କୁ ଆଗକୁ ରିସର୍ଚ୍ଚ କରିବାରେ ସାହାଯ୍ୟ କରିବ । ଏହାସହିତ ଭାରତରେ କରୋନା ଭାଇରସର ଚିକିତ୍ସା ପାଇଁ ଏହା ଭ୍ୟାକ୍ସିନ ବନାଇବାରେ ସାହାଯ୍ୟ କରିବ ବୋଲି ଆଶା କରାଯାଉଛି ।
In a first, Indian scientists have revealed a microscopy image of SARS-CoV-2 virus (COVID19). Scientists took the throat swab sample from first laboratory-confirmed COVID19 case in India, reported on Jan 30 in Kerala. The findings are published in the latest edition of the IJMR. pic.twitter.com/1JQcf4VS8y
— ANI (@ANI) March 27, 2020
ସୂଚନା ଅନୁଯାୟୀ ଭାରତରେ ପ୍ରଥମ କରୋନା ମାମଲା ଜାନୁଆରୀ ୩୦ ତାରିଖରେ କେରଳରୁ ଆସିଥିଲା । ବୈଜ୍ଞାନିକମାନେ ଏହି ମାରାତ୍ମକ ଭାଇରସ୍ କବଳରେ ଆସିଥିବା ଦେଶର ପ୍ରଥମ ବ୍ୟକ୍ତିର ଗଳାରୁ କରୋନା ଭାଇରସର ସାମ୍ପଲ ନେଇଥିଲେ । ତେବେ ପ୍ରଥମେ ଏହାକୁ ଇଣ୍ଡିଆନ୍ ଜର୍ଣ୍ଣାଲ ଅଫ ମେଡିକାଲ ରିସର୍ଚ୍ଚ (IJMR) ରେ ବିସ୍ତାର ଭାବେ ପ୍ରକାଶ କରାଯାଇଥିଲା ।
କରୋନା ଭାଇରସର ଭ୍ୟାକ୍ସିନ ପ୍ରସ୍ତୁତ କରିବା ପାଇଁ ଭାରତ ବିଶ୍ୱ ସ୍ୱାସ୍ଥ୍ୟ ସଂଗଠନ ସହ ମିଶି ତମାମ ଦେଶରେ ଚାଲିଥିବା କରୋନା ଚିକିତ୍ସାର ରିସର୍ଚ୍ଚରେ ଭାଗନେବ ବୋଲି ICMR (Indian Council of Medical Research) ର ଅଧ୍ୟକ୍ଷ ସୂଚନା ଦେଇଛନ୍ତି ।