ଓଦା କପଡାରୁ ପ୍ରସ୍ତୁତ ହେଲା ବିଜୁଳି, ଜାଣନ୍ତୁ ୨୪ଘଣ୍ଟାର ପରୀକ୍ଷା ପରେ କେମିତି ମିଳିଲା ସଫଳତା
କୋଲକତା: ଆଇଆଟି ଖଡକପୁରର ମେକାନିକ୍ ଇଞ୍ଜିନିୟର ଡିପାର୍ଟମେଣ୍ଟର ପରୀକ୍ଷାକର୍ତ୍ତାଙ୍କ ଏକ ବଡ ସଫଳତା । ଖରାରେ ଶୁଖିଥିବା ଓଦା କପଡାରୁ ବିଜୁଳି ଆଣିବାରେ ସଫଳତା ହାସିଲ୍ କରିଛନ୍ତି ଏହି ପରୀକ୍ଷାକର୍ତ୍ତାମାନେ। ଏହି ପରୀକ୍ଷଣ କରିବା ପାଇଁ ଧୋବା ଘାଟରେ ୩ହଜାର ବର୍ଗ ମିଟର ଅଞ୍ଚଳରେ ଶୁଖିଥିବା ୫୦ଟି ଧଳା କପଡା ଉପରେ କରାଯାଇଥିଲା । ପୁରା ପ୍ରକ୍ରୀୟାରେ ପରୀକ୍ଷାକର୍ତ୍ତାଙ୍କୁ ପାଖାପାଖି ୨୪ଘଣ୍ଟା ସମୟ ଲାଗିଥିଲା । ଏହି ସମୟର ଗୋଟେ ଧଳା ଏଲଇଡିକୁ ୧ଘଣ୍ଟାରୁ ଅଧିକ ସମୟ ଯାଏ ଜଳିବା ପାଇଁ ୧୦ ଭୋଲ୍ଟ ବିଜୁଳି ଉତ୍ପନ୍ନ କରାଯାଇ ପାରିଥିଲା ।
ଏହାସହ ପଢନ୍ତୁ:
ସୁନାର ଥାଳିକୁ ରୁପାର ଚୌକି, ଦେଖନ୍ତୁ ଏହି ହାଇପ୍ରୋଫାଇଲ୍ ନିର୍ବନ୍ଧର ଭିଡିଓ
ପ୍ରଫେସର ସୁମନ ଚକ୍ରବର୍ତ୍ତୀ କହିଛନ୍ତି କି, ଏହି ବଜୁଳି ବହୁ ସମୟ ଯାଏଁ ବ୍ଯବହାର କରିବାର ସୁବିଧା ଦେବନାହିଁ । କିନ୍ତୁ ଗ୍ରାମୀଣ କ୍ଷେତ୍ରରେ ଲୋକଙ୍କ ଜୀବନରେ ପରିବର୍ତ୍ତନ ଆଣିବା ପାଇଁ ପର୍ଯ୍ଯାପ୍ତ ହୋଇପାରେ । ଅନ୍ଯ ଜଣେ ରିସର୍ଚର ସୁଭ୍ରା ଦାସଙ୍କ ମୁତାବକ, କେବଳ ଏକ ଉପକରଣରେ ୫୦୦ ରୁ ୭୦୦ମିଲିଭୋଲ୍ଟ ବିଜୁଳି କରାଯାଇଥିଲା । ପ୍ରୟୋଗ ସମୟରେ ୪୦ ରୁ ୫୦ ଡିଭାଇସ୍ କୁ ଏକା ସାଙ୍ଗରେ ଯୋଡି ମଧ୍ଯ କେବଳ ୧୨-୧୩ ଭୋଲ୍ଟ ଇଲେକଟ୍ରିସିଟି ହିଁ ଜେନେରେଟ୍ ହୋଇଥିଲା ।
WB: Researchers at IIT Kharagpur say they’ve developed a technology to source electricity from clothes drying in open space. Prof Suman Chakraborty says “This power may not be good enough for large scale application but is good enough to change lives of rural community.” (03.11) pic.twitter.com/tBB3stUrmN
— ANI (@ANI) November 4, 2019
ଅନ୍ଯପଟେ ପ୍ରଫେସର ଚକ୍ରବର୍ତ୍ତୀଙ୍କ ମୁତାବକ କପଡା ବହୁତ ପତଳା ହୋଇଥାଏ । ଯେଉଁଥିରୁ ସେଲ୍ଯୁଲୋଜ୍ ଫାଇବର ଏକ ପ୍ରକାରର ଚାର୍ଜ ଉତ୍ପନ୍ନ କରିଥାଏ । ଏହାକୁ ଲୁଣ ଘୋଳରେ ଢାଳିବା ପରେ ଏହା ଫାଇବର ସହିତ ଆଗକୁ ଯାଇଥାଏ । ଏଥିରୁ ଲୋନାଇଜ୍ ପ୍ରସ୍ତୁତ ହୋଇଥାଏ । ଆଇଅନସ୍ ର ଲଗାତାର ଗତିଶୀଳ ଫଳରେ ସେଥିରୁ କରେଣ୍ଟ ପ୍ରସ୍ତୁତ ହୋଇଥାଏ । ଏହି ଭୋଲ୍ଟେଜକୁ କୌଣସି ବହାର ରେଜିଷ୍ଟର ସହିତ ଯୋଡା ହୋଇଥାଏ ଏହାପରେ ଛୋଟ ସ୍ତରରେ ବିଜୁଳି ଉତ୍ପନ୍ନ ହୋଇଥାଏ ।
