ଏଣିକି ଆପଣଙ୍କ କମ୍ପ୍ୟୁଟରରେ ବି କଡା ନଜର ରଖିବେ ସରକାର, ଯାହା ବି କରିବେ ତୁରନ୍ତ ମିଳିଯିବ ଖବର
କେନ୍ଦ୍ର ସରକାରଙ୍କ ବଡ଼ ନିଷ୍ପତ୍ତି । ଏଣିକି ଆପଣଙ୍କ କମ୍ପ୍ୟୁଟର ଉପରେ ନଜର ରଖିବ ସରକାରୀ ସଂସ୍ଥା। ଏନେଇ ୧୦ଟି ସୁରକ୍ଷା ଏଜେନ୍ସିକୁ ନିର୍ଦ୍ଦେଶ ଦେଇଛି କେନ୍ଦ୍ରୀୟ ଗୃହ ମନ୍ତ୍ରୀଳୟ । ଏହି ନିର୍ଦ୍ଦେଶନାମାରେ କୁହାଯାଇଛି ସମସ୍ତ ଏହି ସୁରକ୍ଷା ଏଜେନ୍ସିକୁ ବ୍ୟକ୍ତିଗତ କମ୍ପ୍ୟୁଟରରେ ଗଛିତ ଥିବା ଡାଟା ନଜର ରଖିବା ପାଇଁ ଅଧିକାର ଦିଆଯାଇଛି । ସୂଚନା ପ୍ରାଦ୍ୟୋଗିକ ଅଧିନିୟମ ଧାରା ୬୯ ଅନୁଯାୟୀ, ଯଦି ଏହି ଏଜେନ୍ସିକୁ କୌଣସି ସଂସ୍ଥା ବା ବ୍ୟକ୍ତିଙ୍କ ଉପରେ ଦେଶବିରୋଧୀ ଗତିବିଧିରେ ସାମିଲଥ ଥିବାର ସନ୍ଦେହ ହୁଏ ତେବେ ସେମାନେ କମ୍ପ୍ୟୁଟରରେ ଥିବା ଡାଟାର ଯାଂଚ କରିପାରିବେ । ତେବେ ସାଧାରଣ ଜନତା ତଥ୍ୟ ଲୁଚାଇଲେ ବା ତଦନ୍ତରେ ସହଯୋଗ ନ କରିଲେ ସାତ ବର୍ଷ ଜେଲ ଦଣ୍ଡ ମିଳିବ।
ଏହା ସହ ପଢନ୍ତୁ ମାତ୍ର ୧୦୧ ଟଙ୍କାରେ ମିଳୁଛି Vivo ସ୍ମାର୍ଟଫୋନ୍, ଜାଣନ୍ତୁ କେମିତି ଉଠାଇବେ ଅଫରର ଫାଇଦା
ଯାଂଚ କରିବାକୁ ସ୍ୱୀକୃତି ପାଇଥିବା ସଂସ୍ଥା ତାଲିକା –
– Intelligence Bureau
– Narcotics Control Bureau
– Enforcement Directorate
– Central Board of Direct Taxes
– Directorate of Revenue Intelligence
– Central Bureau of Investigation
– National Investigation Agency
– Cabinet Secretariat (RAW)
– Directorate of Signal Intelligence (For service areas of Jammu & Kashmir, North-East and Assam only)
– Commissioner of Police, Delhi.
କମ୍ପ୍ୟୁଟରରେ କଣ ରଖିଥିଲେ ହୋଇପାରେ କାର୍ଯ୍ୟାନୁଷ୍ଠାନ :
ଏହି ପୁରା ମାମଲା ଦେଶର ସୁରକ୍ଷା ସହିତ ଜଡିତ । ତେଣୁ ଯଦି ଆପଣଙ୍କ କମ୍ପ୍ୟୁଟରରେ ଏମିତି କିଛି ଡାଟା ମିଳେ ଯାହା ଦେଶ ବିରୋଧୀ କିମ୍ବା କୌଣସି ଆଇନ୍ ଉଲଙ୍ଘନ କରୁଥିବା ସାମଗ୍ରୀ ମିଳେ ତେବେ ଆପଣ ସରକାରଙ୍କ ନଜରକୁ ଆସିପାରନ୍ତି । ଆପଣଙ୍କ କମ୍ପ୍ୟୁଟରର ଯାଂଚ ହୋଇପାରେ ଏବଂ ଆପଣ ଗିରଫ ମଧ୍ୟ ହୋଇପାରନ୍ତି ।
କମ୍ପ୍ୟୁଟରରେ ଥିବା ଡାଟା ବ୍ୟତୀତ ଆପଣ କଣ ସର୍ଚ୍ଚ କରୁଛନ୍ତି ତା ଉପରେ ମଧ୍ୟ ଏଜେନ୍ସିଙ୍କ ନଜର ରହିବ । ଏହା ଡ୍ରଗ୍ସ ଏବଂ ସ୍ମଗଲିଙ୍ଗ୍ ଉପରେ ମଧ୍ୟ ନଜର ରଖିବେ ଏ ସମସ୍ତ ଏଜେନ୍ସି ।
