ହରିୟାଣା ସ୍କୁଲ ବସ୍ ଦୁର୍ଘଟଣା: ଗିରଫ ହେଲେ ପ୍ରିନ୍ସିପାଲ, ରଦ୍ଦ ହେବ ସ୍କୁଲର ଲାଇସେନ୍ସ
ପିଲାଙ୍କ ମୃତ୍ୟୁ ପରେ ହରିୟାଣା ସରକାର ସ୍କୁଲ ପ୍ରିନି୍ସପାଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଛନ୍ତି । ସ୍କୁଲ ପ୍ରିନ୍ସିପାଲ ଦିପ୍ତୀ ରାଓଙ୍କୁ ପୋଲିସ ଗିରଫ କରିଛି । ହରିୟାଣାର ମହେନ୍ଦ୍ରଗଢ ଜିଲ୍ଲାରେ ହୋଇଥିବା ସ୍କୁଲ ବସ୍ ଦୁର୍ଘଟଣାରେ ୬ ଜଣ ପିଲାଙ୍କ ଜୀବନ ଚାଲିଯାଇଛି ।
ହରିୟାଣାର ମହେନ୍ଦ୍ରଗଢ ଜିଲ୍ଲାରେ ହୋଇଥିବା ସ୍କୁଲ ବସ୍ ଦୁର୍ଘଟଣାରେ ୬ ଜଣ ପିଲାଙ୍କ ଜୀବନ ଚାଲିଯାଇଛି । ପିଲାଙ୍କ ମୃତ୍ୟୁ ପରେ ହରିୟାଣା ସରକାର ସ୍କୁଲ ପ୍ରିନି୍ସପାଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଛନ୍ତି । ସ୍କୁଲ ପ୍ରିନ୍ସିପାଲ ଦିପ୍ତୀ ରାଓଙ୍କୁ ପୋଲିସ ଗିରଫ କରିଛି । ତେବେ ସ୍କୁଲର ପ୍ରିନ୍ସିପାଲଙ୍କ ଦାୟିତ୍ୱହୀନତା ସାମ୍ନାକୁ ଆସିଛି । ନିଶାରେ ଥିବା ବସ୍ ଡ୍ରାଇଭରଙ୍କୁ ଖେଡି ଗାଁ ଲୋକେ ରୋକିଥିଲେ । ଆଉ ଡ୍ରାଇଭର ନିଶାରେ ଥିବା ନେଇ ଲୋକେ ପ୍ରିନ୍ସିପାଲଙ୍କୁ ଜଣାଇଥିଲେ । କିନ୍ତୁ ପ୍ରିନ୍ସିପାଲ ଗାଁ ଲୋକଙ୍କୁ ଆଶ୍ୱାସନା ଦେଇଥିଲେ, ଆଜି ଡ୍ରାଇଭରଙ୍କୁ ଛାଡି ଦିଅନ୍ତୁ, କାଲିଠାରୁ ତାଙ୍କୁ ଚାକିରିରୁ ହଟାଇଦିଆଯିବ । ଯଦି ପ୍ରିନ୍ସିପାଲ ଉଚିତ କାର୍ଯ୍ୟାନୁଷ୍ଠାନ ନେଇଥାନ୍ତେ, ତେବେ ଆଜି ପିଲାଙ୍କ ଜୀବନ ବଞ୍ଚିଯାଇଥାନ୍ତି । ବସ୍ ଡ୍ରାଇଭରଙ୍କ ଘର ସେହଲଙ୍ଗ ଗାଁରେ । ଦୁର୍ଘଟଣା ସମୟରେ ବସ୍ ଡ୍ରାଇଭର ନିଶାରେ ଥିବା ଜଣାପଡିଛି । ଏହାଛଡା ସ୍କୁଲର ଲାଇସେନ୍ସ ରଦ୍ଦ ହେବ ବୋଲି କୁହାଯାଇଛି ।
ସ୍କୁଲ ପ୍ରିନ୍ସିପାଲଙ୍କୁ ସ୍କୁଲରୁ ପୋଲିସ ଗିରଫ କରିଛି । ପୋଲିସ କିଛି କାଗଜ ମଧ୍ୟ ଜବତ କରିଛି । ତେବେ ଏହି ମାମଲାରେ ମହେନ୍ଦ୍ରଗଢ ପୋଲିସ ଅଧିକ୍ଷକ ଅର୍ଶ ବର୍ମା କହିଛନ୍ତି, ବସ୍ ଡ୍ରାଇଭରଙ୍କୁ ଗିରଫ କରାଯାଇଛି । ତାଙ୍କର ମେଡିକାଲ ଯାଞ୍ଚ ଚାଲିଛି ।
#WATCH | Haryana Bus Accident | Former Deputy CM of Haryana, Dushyant Chautala says, “This is a serious issue as the school was operational on a holiday and there is information that the driver was drunk…An inquiry needs to be made and it should be checked as to why such an… pic.twitter.com/A24har2M7q
— ANI (@ANI) April 11, 2024
ସୂଚନାଯୋଗ୍ୟ, ହରିୟାଣାର ମହେନ୍ଦ୍ରଗଢ ଜିଲ୍ଲାରେ ଘରୋଇ ବସ୍ଟି ଜିଏଲ ପବ୍ଲିକ ସ୍କୁଲର ବୋଲି ଜଣାପଡିଛି । ବସ୍ ଉହ୍ନାଣୀ ଗାଁ ପାଖରେ ପିଲାଙ୍କୁ ନେଇ ଯାଉଥିବା ବେଳେ ଦୁର୍ଘଟଣାର ଶିକାର ହୋଇଥିଲା । ତେବେ ଇଦ ହୋଇଥିବା ବେଳେ ସରକାରୀ ଛୁଟି ଥିବା ବେଳେ କେତେକ ଘରୋଇ ସ୍କୁଲ ଖୋଲାଯାଇଛି । ସେଥିପାଇଁ ଏହି ଘରୋଇ ସ୍କୁଲ ଆଜି ଖୋଲାଥିଲା । ଆଉ ପିଲାଙ୍କ ସହିତ ଏଭଳି ଦୁର୍ଘଟଣା ଘଟିଗଲା । ଏଠାରେ ସ୍କୁଲ ବସ୍ ଓଲଟିବାରୁ ୬ ଜଣ ପିଲାଙ୍କ ଜୀବନ ଚାଲିଯାଇଛି । ଅନେକ ପିଲା ଆହତ ହୋଇଛନ୍ତି । ଆଜି ସକାଳେ ଏକ ଘରୋଇ ସ୍କୁଲ ବସ୍ କନିନା ପାଖରେ ଦୁର୍ଘଟଣାର ଶିକାର ହୋଇଛି । ପ୍ରଶାସନ ତରଫରୁ ୬ ଜଣ ପିଲାଙ୍କର ମୃତ୍ୟୁ ହୋଇଥିବା କୁହାଯାଉଛି । ଦୁର୍ଘଟଣାରେ ଆହତ ୧୫ ଜଣ ପିଲାଙ୍କ ଗୁରୁତର ବୋଲି ଜଣାପଡିଛି । ଦୁର୍ଘଟଣାରେ ଆହତ ହୋଇଥିବା ପିଲାଙ୍କୁ ସ୍ଥାନୀୟ ହସପିଟାଲରେ ଭର୍ତ୍ତି କରାଯାଇଛି । ମୃତ୍ୟୁବରଣ କରିଥିବା ପିଲାଙ୍କ ପରିଜନ ଭାଙ୍ଗିପଡିଛନ୍ତି । ତେବେ ବସ୍ ଡ୍ରାଇଭର ନିଶା ଅବସ୍ଥାରେ ଗାଡି ଚଲାଉଥିଲା ବୋଲି ପୋଲିସ କହିଛି । ପୋଲିସ ଡ୍ରାଇଭରକୁ ଗିରଫ କରି ମେଡିକାଲ ଯାଞ୍ଚ ପାଇଁ ପଠାଯାଇଛି ।
