ମଝି ଆକାଶରେ ଖରାପ ହୋଇଗଲା ଇଣ୍ଡିଗୋ ବିମାନର ହାଇଡ୍ରୋଲିକ୍ ଗ୍ରୀନ ସିଷ୍ଟମ, ଯାତ୍ରୀଙ୍କ ସୁରକ୍ଷା ପାଇଁ ଅଧାରୁ ଫେରିଆସିଲା ବିମାନ
ଦିଲ୍ଲୀରୁ ଥାଇଲାଣ୍ଡର ଫୁକେତ ଯାଉଥିବା ଏକ ଇଣ୍ଡିଗୋ ବିମାନ ଜରୁରୀ ଅବତରଣ କରିଛି । ଦିଲ୍ଲୀ ଫେରି ଜରୁରୀକାଳିନ ଅବତରଣ କରିଛି ବିମାନ । ବିମାନରେ ବୈଷୟିକ ତ୍ରୁଟି ଦେଖା ଦେବା ପରେ ଦିଲ୍ଲୀ ଫେରି ଜରୁରୀକାଳୀନ ଅବତରଣ କରିଛି ବିମାନ। ବିମାନଟି ଉଡ଼ାଣ ଭରିବାର ମାତ୍ର ଅଳ୍ପ କିଛି ସମୟ ମଧ୍ୟରେ ବିମାନରେ ବୈଷୟିକ ତ୍ରୁଟି ଦେଖାଦେଇଥିଲା ।
ଦିଲ୍ଲୀର ଇନ୍ଦିରାଗାନ୍ଧି ଇଣ୍ଟରନ୍ୟାସନାଲ ବିମାନବନ୍ଦରରୁ ଥାଇଲାଣ୍ଡ ପାଇଁ ସକାଳ ୬ଟା ୪୧ ମିନିଟ୍ରେ ବାହାରିଥିଲା ଇଣ୍ଡିଗୋ 6E-1763 ଉଡାଣ ଭରିଥିଲା। ବିମାନ ଉଡାଣ ଭରିବାର କିଛି ସମୟ ପରେ ବୈଷୟିକ ତ୍ରୁଟି ଦେଖିବାକୁ ମିଳିଥିଲା। ବିମାନର ହାଇଡ୍ରୋଲିକ୍ ଗ୍ରୀନ୍ ସିଷ୍ଟମ୍ ଖରାପ ହୋଇଯିବା କାରଣରୁ ସମସ୍ୟା ଦେଖା ଦେଇଥିଲା।
Phuket-bound IndiGo flight returns to Delhi due to technical glitch
Read @ANI Story | https://t.co/dKn5tdqECg
#PhuketboundIndiGoflight #Delhi pic.twitter.com/ktP8OANKWT— ANI Digital (@ani_digital) January 3, 2023
ବିମାନ ଉଡ଼ାଣ ବେଳେ ହାଇଡ୍ରୋଲିକ୍ ଗ୍ରୀନ୍ ରିଜର୍ଭର ଲୋ ଲେବଲ୍, ସିଷ୍ଟମ୍ ଲୋ ପ୍ରେସର୍ ଏବଂ ପମ୍ପ୍ ଲୋ ପ୍ରେସର ଚେତାବନୀ ଆରମ୍ଭ ହୋଇଯାଇଥିଲା। ଏହି କାରଣରୁ ଜରୁରୀକାଳୀନ ଘୋଷଣା ପରେ ବିମାନଟିକୁ ଜରୁରୀକାଳୀନ ଅବତରଣ କରିଥିଲା ।
ସୂଚନାନୁସାରେ, ବିମାନଟି ସକାଳ ୬. ୪୧ରେ ଉଡ଼ାଣ ଭରିଥିବା ବେଳେ ୭.୨୨ରେ ଜରୁରୀକାଳୀନ ଅବତରଣ ଘୋଷଣା ହୋଇଥିଲା।
ସୂଚନାଯୋଗ୍ୟ, ପୂର୍ବରୁ ଏଆର୍ ଇଣ୍ଡିଆର ଏ୩୨୦ ବିମାନ, ଭିଟି-ଇଏକ୍ସଭି, ଅପରେଟିଂ ଏଏଲ୍-୯୫୧ (ହାଇଦ୍ରାବାଦ୍-ଦୁବାଇ) ବିମାନଟି ୧୪୩ ଜଣ ଯାତ୍ରୀଙ୍କୁ ନେଇ ଯାଉଥିବା ବେଳେ ବିମାନରେ ୟେଲୋ ହାଇଡ୍ରୋଲିକ୍ ସିଷ୍ଟମ୍ ଫେଲ୍ ହେବା କାରଣରୁ ମୁମ୍ବାଇରେ ଅବତରଣ କରାଯାଇଥିଲା।
