ଇରାନ ଖ୍ୟାତନାମା ପରମାଣୁ ବୈଜ୍ଞାନିକ ମୋହସିନ୍ ଫଖରିଜାଦେହଙ୍କୁ ଦିନ ଦ୍ୱିପ୍ରହରରେ ଗୁଳିକରି ହତ୍ୟା, ଇସ୍ରାଏଲର ହାତ ଥିବା ନେଇ ସନ୍ଦେହ
ଇରାନର “ପରମାଣୁ ବୋମା କାର୍ଯ୍ୟକ୍ରମ ଜନକ” ଭାବେ ଜଣା ପ୍ରସିଦ୍ଧ ବୈଜ୍ଞାନିକ ମୋହସିନ୍ ଫଖରିଜାଦେହଙ୍କୁ ଶୁକ୍ରବାର ହତ୍ୟା କରାଯାଇଛି । ଏହି ହତ୍ୟାକାଣ୍ଡ ଦୁବୃତ୍ତ ମାନେ ଦିନ ଦ୍ବିପହରରେ ଇରାନର ଅବିସ୍ୱାର୍ଡ ସହରର ବିଚ ରାସ୍ତାରେ ଘଟାଇଛନ୍ତି । ଏହି ସହର ଇରାନ ରାଜଧାନୀ ତେହରାନ ଠାରୁ ପ୍ରାୟ 50 ମାଇଲ ଦୂରରେ ଅବସ୍ଥିତ । ଏହି ହୃଦୟ ବିଦାରକ ଘଟଣା ପାଇଁ ଇରାନ ସରକାର ଇସ୍ରାଏଲ ଗୁଇନ୍ଦା ବିଭାଗ “ମୋସାଦ” ଥିବା ନେଇ ସନ୍ଦେହ କରାଯାଉଛି । ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ, ଆକ୍ରମଣ କାରୀ ମାନେ ମୋହସିନ୍ଙ୍କ ଗାଡ଼ି ଉପରେ ଅତର୍କିତ ଗୁଳି ଚାଳନା କରିଥିଲେ । ଯେଉଁଥିରେ ତାଙ୍କର ମୃତ୍ୟୁ ହୋଇଥିଲା । ଇରାନର ଏହି ପ୍ରସିଦ୍ଧ ବୈଜ୍ଞାନିକଙ୍କ ମୃତ୍ୟୁ ପରେ ଏସିଆର ପଶ୍ଚିମ ପ୍ରାନ୍ତରେ ଯୁଦ୍ଧ ଆଶଙ୍କା ଦେଖାଦେଇଛି ।
ଇରାନ ବିଦେଶ ମନ୍ତ୍ରୀ ଏହାକୁ ଆତଙ୍କବାଦୀଙ୍କ ଚକ୍ରାନ୍ତ ବୋଲି କହିଥିବା ବେଳେ ସିଧାସଳଖ ଇସ୍ରାଏଲ ଏଥିପାଇଁ ଦାୟୀ କରିଛନ୍ତି । କିନ୍ତୁ ଏହି ଘଟଣାକୁ ନେଇ ଇସ୍ରାଏଲ ନିଜ ତରଫରୁ କୌଣସି ପକ୍ଷ ରଖିନାହିଁ । ଏହା ପୂର୍ବରୁ ଇସ୍ରାଏଲ ପ୍ରଧାନମନ୍ତ୍ରୀ, ଆମେରିକା ବିଦେଶ ମନ୍ତ୍ରୀ, ସାଉଦି ଆରବ ରାଜକୁମାରଙ୍କର ଏକ ଗୋପନୀୟ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକ ହତ୍ୟାକାଣ୍ଡ ପଛର ପ୍ରମୁଖ କାରଣ ହୋଇପାରେ ବୋଲି ଆଶଙ୍କା କରାଯାଉଛି । କହିରଖିବା ଉଚିତ ହେବକି ମୋହସିନ୍ ଫଖରିଜାଦେହ ଇରାନରେ ପରମାଣୁ ହାତ ହଥିୟାରକୁ ନେଇ ଏକ କାର୍ଯ୍ୟକ୍ରମ “ଅମାଦ” ବା “ହୋପ”ର ନେତୃତ୍ୱ ନେଇଥିଲେ । ଏହି କାରଣରୁ ତାଙ୍କୁ “ପରମାଣୁ ବୋମା କାର୍ଯ୍ୟକ୍ରମ ଜନକ” ଆଖ୍ୟା ଦିଆଯାଇଛି ।
