କରଣୀ ସେନା ଅଧ୍ୟକ୍ଷ ସୁଖଦେବ ସିଂ ଗୋଗାମେଡିଙ୍କୁ ହତ୍ୟା ଘଟଣା : ଦୁଇ ହତ୍ୟାକାରୀଙ୍କୁ ଚିହ୍ନଟ କଲା ପୋଲିସ, ଖୁବଶୀଘ୍ର ହେବେ ଗିରଫ
କରଣୀ ସେନା ଅଧ୍ୟକ୍ଷ ସୁଖଦେବ ସିଂ ଗୋଗାମେଡିଙ୍କୁ ଗୁଳି କରି ହତ୍ୟାକାରୀକୁ ଚିହ୍ନଟ କରାଯାଇଛି । ହତ୍ୟାକାରଙ୍କୁ ଚିହ୍ନଟ କରିବା ପରେ ସେମାନଙ୍କର ସନ୍ଧାନ କରୁଛି ପୋଲିସ । ଦୁଇ ହତ୍ୟାକାରଙ୍କ ନାମ ରୋହିତ ରାଥୋଡ ଏବଂ ନୀତିନ ଫୌଜି । ପୋଲିସ ଦୁହିଁଙ୍କ ସ୍କୁଟି ମଧ୍ୟ ଜବତ କରିଛି ।
କରଣୀ ସେନା ଅଧ୍ୟକ୍ଷ ସୁଖଦେବ ସିଂ ଗୋଗାମେଡିଙ୍କୁ ଗୁଳି କରି ହତ୍ୟାକାରୀକୁ ଚିହ୍ନଟ କରାଯାଇଛି । ହତ୍ୟାକାରଙ୍କୁ ଚିହ୍ନଟ କରିବା ପରେ ସେମାନଙ୍କର ସନ୍ଧାନ କରୁଛି ପୋଲିସ । ଦୁଇ ହତ୍ୟାକାରଙ୍କ ନାମ ରୋହିତ ରାଥୋଡ ଏବଂ ନୀତିନ ଫୌଜି । ପୋଲିସ ଦୁହିଁଙ୍କ ସ୍କୁଟି ମଧ୍ୟ ଜବତ କରିଛି । ଏହା ପ୍ରତିବାଦରେ ଆଜି ରାଜ୍ୟବ୍ୟାପୀ ବନ୍ଦ ଡାକରା ଦିଆଯାଇଛି ।
ଏହି ହତ୍ୟାକାଣ୍ଡ ପଛରେ ଦୁର୍ଦ୍ଦାନ୍ତ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ଗ୍ୟାଙ୍ଗର ହାତ ଥିବା ସ୍ପଷ୍ଟ ହୋଇଛି । ଉଭୟଙ୍କୁ ଗିରଫ କରିବା ପାଇଁ ଭିନ୍ନ ସ୍ଥାନରେ ଚଢ଼ାଉ ଜାରି ରହିଥିବା ରାଜସ୍ଥାନ ପୋଲିସ କମିଶନ ସୂଚନା ଦେଇଛନ୍ତି । ତୁରନ୍ତ ଉଭୟ ଅଭିଯୁକ୍ତଙ୍କ ଗିରଫ ଦାବିରେ କରଣୀ ସେନା ପକ୍ଷରୁ ଆଜି ଜୟପୁର, ଜୋଧପୁର, ଅଲବର ସମେତ ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ କରାଯାଉଛି । ଶାନ୍ତିଶୃଙ୍ଖଳା ରକ୍ଷା ପାଇଁ ବ୍ୟାପକ ଫୋର୍ସ ମୁତୟନ କରାଯାଇଛି।
ତେବେ ଏହି ଘଟଣା ପରେ ସୋସିଆଲ ମିଡିଆ ଉପରେ କଡ଼ା ନଜର ରଖାଯାଇ ଆପତ୍ତିଜନକ ପୋଷ୍ଟ ତୁରନ୍ତ ହଟାଇବାକୁ କୁହାଯାଇଛି । ଏଥିସହ ହିଂସା ଉସକାଉଥିବା ବ୍ୟକ୍ତିଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି । ଏହି ଘଟଣାରେ ରାଜସ୍ଥାନ ପୋଲିସ ହରିୟାଣା ପୋଲିସ ମହାନିର୍ଦ୍ଦେଶକଙ୍କ ସହିତ କଥା ହୋଇ ସହଯୋଗ ଲୋଡିଛନ୍ତି ।
#WATCH राजस्थान: राष्ट्रीय राजपूत करणी सेना के राष्ट्रीय अध्यक्ष सुखदेव सिंह गोगामेड़ी की जयपुर में अज्ञात बाइक सवार अपराधियों ने गोली मारकर हत्या कर दी। अस्पताल में उन्हें डॉक्टरों ने मृत घोषित कर दिया। अधिक जानकारी की प्रतीक्षा है। pic.twitter.com/uu8g0bg2vf
— ANI_HindiNews (@AHindinews) December 5, 2023
ସୂଚନାଯୋଗ୍ୟ, ଗତକାଲି ଅପରାହ୍ନରେ ସୁଖଦେବ ସିଂହ ଗୋଗାମେଡିଙ୍କ ଘରେ ସୋଫାରେ ବସିଥିବା ବେଳେ ତାଙ୍କୁ ଦୁଇ ଯୁବକ ହଠାତ୍ ଉଠିପଡ଼ି ତାଙ୍କ ଉପରକୁ ଗୁଳି କରିଥିଲେ । ଏହି ଗୁଳିକାଣ୍ଡରେ ସୁଖଦେବ ସିଂହଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ଦୁଇ ସହଯୋଗୀଙ୍କ ମଧ୍ୟରୁ ଜଣଙ୍କର ଅବସ୍ଥା ଗୁରୁତର ରହିଛି । ଏହି ସଂପୂର୍ଣ୍ଣ ଘଟଣା ସିସି ଟିଭିରେ କଏଦ ହୋଇଥିଲା । ଯାହାକୁ ଆଧାର କରି ପୋଲିସ ଅଭିଯୁକ୍ତକୁ ଚିହ୍ନଟ କରି ଖୋଜୁଛି ।
