ରାହୁଲଙ୍କୁ ଆଶ୍ୱସ୍ତି: ଫେରିପାଇଲେ ଲୋକସଭା ସାଂସଦ ପଦ, ୨ ବର୍ଷ ଦଣ୍ଡାଦେଶ ଉପରେ ରୋକ ଲଗାଇଲେ ସୁପ୍ରିମ କୋର୍ଟ
କଂଗ୍ରେସ ନେତା ରାହୁଲ ଗାନ୍ଧି ସଂସଦର ସଦସ୍ୟତା ପଦ ଫେରିପାଇଛନ୍ତି । ଲୋକସଭା ସଚିବାଳୟ ପକ୍ଷରୁ ଏକ ନୋଟିସ ଜାରି ହୋଇ କୁହାଯାଇଛି । ମୋଦି ସାଙ୍ଗିଆ ମାମଲାରେ ହରାଇଥିଲେ ସାଂସଦ ପଦ ।
କଂଗ୍ରେସ ନେତା ରାହୁଲ ଗାନ୍ଧି ସଂସଦର ସଦସ୍ୟତା ପଦ ଫେରିପାଇଛନ୍ତି । ଲୋକସଭା ସଚିବାଳୟ ଦ୍ୱାରା ନୋଟିସ ଜାରି କରାଯାଇଛି । ମୋଦି ସାଙ୍ଗିଆ ମାମଲାରେ ରାହୁଲଙ୍କୁ ସୁରତର ଏକ କୋର୍ଟ ୨ ବର୍ଷ ପାଇଁ ଦଣ୍ଡାଦେଶ ଶୁଣାଇଥିଲେ । ଯାହା ଉପରେ ଗତ ଶୁକ୍ରବାର ଦିନ ସୁପ୍ରିମ କୋର୍ଟ ରୋକ ଲଗାଇଥିଲେ । ଆଉ ଏଥିପାଇଁ ନିଜର ସାଂସଦ ସଦସ୍ୟତା ପଦ ଫେରିପାଇଛନ୍ତି ।
ଲୋକସଭା ସଚିବାଳୟ ଦ୍ୱାରା ନୋଟିସ ଜାରି କରାଯାଇଛି । ଏଥିରେ କୁହାଯାଇଛି, ୨୪ ମାର୍ଚ୍ଚରେ ରାହୁଲଙ୍କ ସାଂସଦ ସଦସ୍ୟତା ପଦ ରଦ୍ଦ କରାଯାଇଥିଲା । ଏହାପରେ ସୁପ୍ରିମକୋର୍ଟ ନୂଆ ଆଦେଶ ଦେଇଛନ୍ତି । ରାହୁଲଙ୍କ ଦଣ୍ଡାଦେଶ ଉପରେ ରୋକ ଲଗାଯିବା ସହିତ ୪ ଅଗଷ୍ଟରେ ଆସିଥିବା ଆଦେଶରେ ରାହୁଲଙ୍କ ସାଂସଦ ପଦ ଫେରିପାଇଛନ୍ତି । ସୁପ୍ରିମକୋର୍ଟ କହିଛନ୍ତି, ରାହୁଲ ଗାନ୍ଧିଙ୍କ ଆବେଦନର ଶୁଣାଣି ଶେଷ ନହେବା ଯାଏ ଦଣ୍ଡାଦେଶ ଉପରେ ରୋକ ଜାରି ରହିବ । ସୁପ୍ରିମକୋର୍ଟ ଦଣ୍ଡାଦେଶ ଉପରେ ରୋକ ଲଗାଇ ନଥିଲେ ୨୦୨୪ ନିର୍ବାଚନ ସେ ଲଢ଼ି ପାରି ନଥାଆନ୍ତେ ।
Rahul Gandhi’s Lok Sabha membership restored
Read @ANI Story | https://t.co/WP09JLfyDK#RahulGandhi #LokSabha #MemberOfParliament pic.twitter.com/z0rFkPzkf6
— ANI Digital (@ani_digital) August 7, 2023
ସୂଚନାଯୋଗ୍ୟ, ୨୦୧୯ର ଏହି ନିର୍ବାଚନୀ ସଭାରେ ମୋଦି ସାଙ୍ଗିଆକୁ ନେଇ କଟୁକ୍ତି ପ୍ରକାଶ କରିଥିବା ରାହୁଲଙ୍କ ବିରୋଧରେ ରାୟ ପ୍ରକାଶ କରି ସୁରଟ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଥିଲେ । ରାହୁଲଙ୍କ ଏହି ବୟାନ ପୂରା ମୋଦି ସମାଜ ପ୍ରତି ଅପମାନ ବୋଲି ଦର୍ଶାଇ ବିଜେପି ବିଧାୟକ ପୁର୍ଣ୍ଣେଶ ମୋଦି ଏକ ମାନହାନି ମାମଲା ରୁଜୁ କରିଥିଲେ । ମାର୍ଚ୍ଚ ୨୩ରେ ଦୁଇ ବର୍ଷ ଦଣ୍ଡାଦେଶ ଶୁଣାଇଥିଲେ କୋର୍ଟ । ଯାହାକୁ ଚ୍ୟାଲେଞ୍ଜ କରି ରାହୁଲ ଗୁଜରାଟ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଦୋଷୀ ସାବ୍ୟସ୍ତ ହେବା ପରେ ରାହୁଲ ଗାନ୍ଧି ଲୋକସଭା ସଦସ୍ୟତା ପଦ ହରାଇଥିଲେ ।
