ଇଡିକୁ ମିଳିଲା ବଡ ସଫଳତା, ମହାଦେବ ବେଟିଂ ଆପ୍ର ମାଷ୍ଟରମାଇଣ୍ଡ ରବି ଉପ୍ପଲ ଦୁବାଇରେ ଗିରଫ
ମହାଦେବ ବେଟିଂ ଆପ୍ର ମାଷ୍ଟର ମାଇଣ୍ଡ ରବି ଉପ୍ପଲଙ୍କୁ ଦୁବାଇ ପୋଲିସ ଗିରଫ କରିଛି । ରବିଙ୍କୁ ଧରିବାକୁ ଇଡିର ଅନୁରୋଧ କ୍ରମେ ଇଣ୍ଟରପୋଲ ଦ୍ୱାରା ରେଡ ନୋଟିସ ଜାରି କରାଯାଇଥିଲା । ଏହାପରେ ଦୁବାଇ ପୋଲିସ ରବିଙ୍କୁ ଅଟକ ରଖିଥିବା ଜଣାପଡିଛି ।
ମହାଦେବ ବେଟିଂ ଆପ୍ ମାମଲାରେ ଭାରତୀୟ ଯାଞ୍ଚ ଏଜେନ୍ସୀକୁ ବଡ଼ ସଫଳତା । ଆପ୍ର ମାଷ୍ଟର ମାଇଣ୍ଡ ରବି ଉପ୍ପଲଙ୍କୁ ଦୁବାଇ ପୋଲିସ ଗିରଫ କରିଛି । ରବିଙ୍କୁ ଧରିବାକୁ ଇଡିର ଅନୁରୋଧ କ୍ରମେ ଇଣ୍ଟରପୋଲ ଦ୍ୱାରା ରେଡ ନୋଟିସ ଜାରି କରାଯାଇଥିଲା । ଏହାପରେ ଦୁବାଇ ପୋଲିସ ରବିଙ୍କୁ ଅଟକ ରଖିଥିବା ଜଣାପଡିଛି ।
ରବି ଉପ୍ପଲଙ୍କ ବିରୋଧରେ ଛତିଶଗଡ଼ ଓ ମୁମ୍ବାଇ ପୋଲିସ ଯାଞ୍ଚ ଚଳାଇଛି । ମହାଦେବ ବେଟିଂ ଆପ୍କୁ ନେଇ ଇଡି ଖୋଳତାଡ଼ ଜାରି ରଖିଛି । ରବି ଏହି ଆପରର ମୁଖ୍ୟ ଅଭିଯୁକ୍ତ ସୌରବ ଚନ୍ଦ୍ରାକରଙ୍କ ସହଯୋଗୀ ବୋଲି ଜଣାପଡିଛି ।
ଗତ ସପ୍ତାହରେ ୪୩ ବର୍ଷର ଉପ୍ପଲଙ୍କୁ ଗିରଫ କରାଯାଇଥିଲା ଏବଂ ଇଡି ଅଧିକାରୀମାନେ ତାଙ୍କୁ ଭାରତକୁ ପଠାଇବା ପାଇଁ ଦୁବାଇ କର୍ତ୍ତୃପକ୍ଷଙ୍କ ସହ ଯୋଗାଯୋଗ କରୁଛନ୍ତି ବୋଲି ସେ କହିଛନ୍ତି । ଛତିଶଗଡ ପୋଲିସ ଏବଂ ମୁମ୍ବାଇ ପୋଲିସ ବ୍ୟତୀତ ଅପପାଲଙ୍କୁ ବେଆଇନ ବେଟିଂ ସହ ଜଡିତ ଅର୍ଥ ହେରଫେର ମାମଲାରେ ଇଡି ଯାଞ୍ଚ କରୁଛି ।
In a significant success for the Enforcement Directorate, Dubai Police yesterday arrested Ravi Uppal, one of the two prime accused in the Mahadev Book online betting syndicate. Uppal may soon be extradited to India pic.twitter.com/r5pDdlxuR9
— ANI (@ANI) December 13, 2023
ଛତିଶଗଡ଼ ବିଧାନସଭାର ପ୍ରଥମ ପର୍ଯ୍ୟାୟ ନିର୍ବାଚନ ପୂର୍ବରୁ ମହାଦେବ ବୁକ୍ ବେଟିଂ ଆପ୍କୁ ବ୍ୟାନ୍ କରି ଦିଆଯାଇଥିଲା । ଇଡିର ଅନୁରୋଧ କ୍ରମେ କେନ୍ଦ୍ର ସରକାରଙ୍କ ଆଇଟି ମନ୍ତ୍ରାଳୟ ପକ୍ଷରୁ ଏହି ଆପ୍ ଉପରେ ପ୍ରତିବନ୍ଧକ ଲଗାଯାଇଥିଲା । ଏହି ବେଟିଂ ଆପ୍ ମାମଲାରେ ମୁମ୍ବାଇ, କୋଲକାତା, ଭୋପାଳ ସମେତ ୩୯ଟି ସ୍ଥାନରେ ଚଢ଼ାଉ କରି ୪ଶହ କୋଟିରୁ ଅଧିକ ଟଙ୍କାର ସଂପତ୍ତି ଜବତ କରିଛି ଇଡି । ଏଥିସହ ବହୁ ବଲିଉଡ୍ ସେଲିବ୍ରିଟିଙ୍କୁ ବି ପଚରାଉଚରା କରାଯାଇଛି ।
ମହାଦେବ ବେଟିଂ ଆପ୍ ମାଲିକ ସୌରଭ ଚନ୍ଦ୍ରାକର ଓ ରବିଙ୍କ ନିକଟରେ ୬ ହଜାର କୋଟିରୁ ଅଧିକ ଟଙ୍କା ଥିବା ଅନୁମାନ କରାଯାଉଛି । ବହୁ ଟଙ୍କା ଦୁବାଇ ପଠାଇ ଦିଆଯାଇଥିବା ଅନୁମାନ କରାଯାଉଛି ।