ଆଖୁଚାଷୀଙ୍କୁ ମୋଦି ସରକାର ଦେଲେ ଉପହାର, କ୍ୱିଣ୍ଟାଲ ପ୍ରତି ୩୧୫ ଟଙ୍କାରେ ହେବ ବିକ୍ରି
ଆଖୁଚାଷୀଙ୍କ ପାଇଁ ଖୁସି ଖବର । ୨୦୨୩-୨୪ ପାଇଁ ଆଖୁ କ୍ୱିଣ୍ଟାଲ ୩୧୫ ଟଙ୍କାରେ ବିକ୍ରି ହେବ ବୋଲି ନିଷ୍ପତ୍ତି ନିଆଯାଇଛି । ଫଳରେ ୫ କୋଟି ଆଖୁଚାଷୀ ଉପକୃତ ହେବେ ।
ଆଖୁ ଚାଷୀଙ୍କୁ ବଡ ଉପହାର ଦେଇଛନ୍ତି ମୋଦି ସରକାର । କେନ୍ଦ୍ରୀୟ ମନ୍ତ୍ରୀମଣ୍ଡଳ ବୈଠକରେ ୨୦୨୩-୨୪ ପାଇଁ ଆଖୁ କ୍ୱିଣ୍ଟାଲ ୩୧୫ ଟଙ୍କାରେ ବିକ୍ରି ହେବ ବୋଲି ନିର୍ଦ୍ଧାରିତ କରାଯାଇଛି । କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ଏହି ସୂଚନା ଦେଇଛନ୍ତି । କ୍ୟାବିନେଟ ୨୦୨୩ –୨୪ ପାଇଁ ଆଖୁ କ୍ୱିଣ୍ଟାଲ ପ୍ରତି ୩୧୫ ଟଙ୍କା ଧାର୍ଯ୍ୟ କରାଯାଇଛି । ଏହି ନିଷ୍ପତ୍ତି ଯୋଗୁଁ ୫ କୋଟି ଆଖୁଚାଷୀଙ୍କୁ ଲାଭ ମିଳିବ । ଏହାସହିତ ଚିନି ମିଲ୍ ଏବଂ ସମ୍ବନ୍ଧୀୟ କ୍ଷେତ୍ରରେ କାମ କରୁଥିବା ୫ ଲକ୍ଷ ଶ୍ରମିକଙ୍କୁ ଲାଭ ମିଳିବ ।
ଗତ ସିଜିନରେ ଆଖୁର ସର୍ବନିମ୍ନ ମୂଲ୍ୟ ୩୦୫ ଟଙ୍କା ପ୍ରତି କ୍ୱିଣ୍ଟାଲ ରହିଥିଲା । ଅନୁରାଗ ଠାକୁର ସୂଚନା ଦେଇ କହିଛନ୍ତି, ଆଖୁର ସର୍ବନିମ୍ନ ମୂଲ୍ୟ ୨୦୧୪-୧୫ରେ କ୍ୱିଣ୍ଟାଲ ପ୍ରତି ୨୧୦ ଟଙ୍କା ଥିଲା । ଯାହା ଚଳିତବର୍ଷ ଅର୍ଥାତ୍ ୨୦୨୩-୨୪ରେ ଏହା ୩୧୫ ଟଙ୍କା କ୍ୱିଣ୍ଟାଲ ପିଛା ମୂଲ୍ୟ ବଢିଛି । ପ୍ରଧାନମନ୍ତ୍ରୀ ମୋଦି ସବୁବେଳେ ଅନ୍ନଦାତାଙ୍କ ସହିତ ରହିଛନ୍ତି । କୃଷି ଏବଂ କୃଷକଙ୍କୁ ସରକାର ସବୁବେଳେ ପ୍ରାଥମିକତା ଦେଉଛନ୍ତି ।
#WATCH | Delhi: The cabinet has approved the highest ever Fair and Remunerative Price of Rs.315/qtl for Sugarcane Farmers for sugar season 2023-24. The decision to benefit 5 crore sugarcane farmers and their dependents, as well as 5 lakh workers employed in the sugar mills and… pic.twitter.com/mW5RgQZIl9
— ANI (@ANI) June 28, 2023
କ୍ୟାବିନେଟ୍ ଏହାସହିତ ପିଏମ ପ୍ରଣାମ ଯୋଜନା ଏବଂ ୟୁରିଆ ଗୋଲ୍ଡ ଯୋଜନା ସମତେ ଅନ୍ୟ ଯୋଜନାକୁ ମଞ୍ଜୁରୀ ଦେଇଛନ୍ତି। କୃଷି ପ୍ରବନ୍ଧନ ଯୋଜନା ପାଇଁ ବିକଳ୍ପ ପୋଷକ ତତ୍ତ୍ୱକୁ ଅଗ୍ରାଧିକାର ଦେବା ଉଦ୍ଦେଶ୍ୟରେ ଜୈବ ସାରକୁ ମଧ୍ୟ ଅଗ୍ରାଧିକାର ଦେଇଛନ୍ତି । ୨୦୨୩-୨୪ ବଜେଟରେ ଅର୍ଥମନ୍ତ୍ରୀ ନିର୍ମତା ସୀତାରମନ ଏହି ଯୋଜନା ବିଷୟରେ ଘୋଷଣା କରିଥିଲେ ।
