ସଂସଦରେ ସୁରକ୍ଷା ଭଙ୍ଗ ଘଟଣାରେ କାର୍ଯ୍ୟାନୁଷ୍ଠାନ, ୮ ନିଲମ୍ବିତ
ସଂସଦର ସୁରକ୍ଷା ଦାୟିତ୍ୱରେ ଥିବା ୮ ଜଣଙ୍କୁ ଲୋକସଭା ସେକ୍ରେଟାରିଏଟ୍ ଦ୍ବାରା ନିଲମ୍ବିତ କରାଯାଇଛି । ସୁରକ୍ଷାରେ ତ୍ରୁଟି ଅଭିଯୋଗରେ କାର୍ଯ୍ୟାନୁଷ୍ଠାନ ହୋଇଛି । ସେମାନଙ୍କ ନାମ ରାମପାଲ, ଅରବିନ୍ଦ, ବୀରଦାସ, ଗଣେଶ, ଅନୀଲ ପ୍ରତୀପ, ବିମିତ, ନରେନ୍ଦ୍ର ବୋଲି କୁହାଯାଉଛି ।
ସଂସଦରେ ସୁରକ୍ଷା ଭଙ୍ଗ ଘଟଣାରେ କାର୍ଯ୍ୟାନୁଷ୍ଠାନ । ସଂସଦର ସୁରକ୍ଷା ଦାୟିତ୍ୱରେ ଥିବା ୮ ଜଣଙ୍କୁ ଲୋକସଭା ସେକ୍ରେଟାରିଏଟ୍ ଦ୍ବାରା ନିଲମ୍ବିତ କରାଯାଇଛି । ସୁରକ୍ଷାରେ ତ୍ରୁଟି ଅଭିଯୋଗରେ କାର୍ଯ୍ୟାନୁଷ୍ଠାନ ହୋଇଛି ।
ସେମାନଙ୍କ ନାମ ରାମପାଲ, ଅରବିନ୍ଦ, ବୀରଦାସ, ଗଣେଶ, ଅନୀଲ ପ୍ରତୀପ, ବିମିତ, ନରେନ୍ଦ୍ର ବୋଲି କୁହାଯାଉଛି । ସେପଟେ ସଂସଦରେ ସୁରକ୍ଷା ପ୍ରସଙ୍ଗରେ ବୈଠକ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କିଛି କେନ୍ଦ୍ରମନ୍ତ୍ରୀ ଓ ସାଂସଦଙ୍କ ସହ ଆଲୋଚନା କରୁଛନ୍ତି ପ୍ରଧାନମନ୍ତ୍ରୀ ।
ବୈଠକରେ ଉପସ୍ଥିତ ଅଛନ୍ତି ଅମିତ ଶାହ, ଜେ. ପି. ନଡ୍ଡା, ପ୍ରହ୍ଲାଦ ଯୋଶୀ, ଅନୁରାଗ ଠାକୁର ପ୍ରମୁଖ । ଏହି ପ୍ରସଙ୍ଗକୁ ନେଇ ଆଜି ସଂସଦରେ ହଙ୍ଗାମା ହୋଇପାରେ । ବିରୋଧୀ ଏହି ପ୍ରସଙ୍ଗକୁ ହଟ୍ଟଗୋଳ କରିଛନ୍ତି । ଗୃହ ମନ୍ତ୍ରୀ ଅମିତ ଶାହଙ୍କ ବିବୃତ୍ତି ଦାବି କରୁଛନ୍ତି । ବିରୋଧୀ ଅଧିବେଶନ ପୂର୍ବରୁ ବୈଠକରେ ଆଲୋଚନା ବି କରିଛନ୍ତି ।
ଗତକାଲି ଲୋକସଭାରେ ୨ ଜଣ ଅଜ୍ଞାତ ଯୁବକ ଦର୍ଶକ ଗ୍ୟାଲେରୀରୁ ସାଂସଦଙ୍କ ଉପରକୁ ଡେଇଁଥିଲେ । ସେମାନେ କିଛି ସ୍ପ୍ରେ କରିବା ସହିତ ସ୍ନୋକଂ ଫାୟରିଂ କରିଥିଲେ । ଏହାପରେ ସାଂସଦମାନେ ତାଙ୍କୁ କାବୁ କରିବା ପରେ ରକ୍ଷାକର୍ମୀମାନେ ସେଠାରେ ପହଞ୍ଚି ଲୁହବୁହା ଗ୍ୟାସ ପ୍ରୟୋଗ କରି ସେମାନଙ୍କୁ ଆୟତ୍ତ କରିଥିଲେ । ଆଜି ମଧ୍ୟ ସେହି ଘଟଣାରେ ସନ୍ଦିଗ୍ଧ ଯୁବକଯୁବତୀଙ୍କ ବିରୋଧରେ UAPAରେ ମାମଲା ରୁଜୁ ହୋଇଛି ।
