ଅଯୋଧ୍ୟାରେ ଅସମ୍ଭାଳ ଭିଡ଼, ସମସ୍ତ ଭକ୍ତ ଆଜି କରିପାରିବେ ନାହିଁ ଦର୍ଶନ !
ଆଜିଠୁ ଅଯୋଧ୍ୟା ଶ୍ରୀରାମ ମନ୍ଦିରରେ ଆରମ୍ଭ ହୋଇଛି ସର୍ବସାଧାରଣ ଦର୍ଶନ । ସକାଳ ୮ଟାରୁ ରାତି ୧୦ଟା ଯାଏ ରାମ ଲାଲାଙ୍କ ଦର୍ଶନ କରିପାରିବେ ଶ୍ରଦ୍ଧାଳୁ । ପ୍ରାଣ ପ୍ରତିଷ୍ଠା ପରେ ରାମଲାଲାଙ୍କ ଦର୍ଶନ ପାଇଁ ଗତକାଲି ବିଳମ୍ବିତ ରାତିରୁ ଲାଗିଛି ଭକ୍ତଙ୍କ ଭିଡ଼ । ପ୍ରଥମ ଦିନରେ ଏତେ ଲୋକ ଦର୍ଶନ କରିବା ସମ୍ଭବ ନୁହେଁ ବୋଲି ମୁଖ୍ୟ ପୂଜାରୀ ଆଚାର୍ଯ୍ୟ ସତ୍ୟେନ୍ଦ୍ର ଦାସ କହିଛନ୍ତି ।
ଅଯୋଧ୍ୟାରେ ବିରାଜିଛନ୍ତି ପ୍ରଭୁ ଶ୍ରୀରାମ । ଆଉ ରାମ ମନ୍ଦିରରେ ଭିଡ଼ । ଆଜି ସକାଳ ୮ଟାରୁ ଭକ୍ତଙ୍କୁ ଦର୍ଶନ ଦେଉଛନ୍ତି ପ୍ରଭୁ ଶ୍ରୀରାମ । ଜନସମୁଦ୍ର ପାଲଟିଛି ମନ୍ଦିର ପରିସର । ପ୍ରାଣ ପ୍ରତିଷ୍ଠା ପରେ ରାମଲାଲାଙ୍କ ଦର୍ଶନ ପାଇଁ ଗତକାଲି ବିଳମ୍ବିତ ରାତିରୁ ଲାଗିଛି ଭକ୍ତଙ୍କ ଭିଡ଼ । ହଜାର ହଜାର ଭକ୍ତଙ୍କ ସମାଗମ ହୋଇଛି । ପ୍ରବଳ ଥଣ୍ଡା ସତ୍ତ୍ବେ ଭୋର୍ ୩ଟାରୁ ପ୍ରବଳ ଗହଳି ଦେଖିବାକୁ ମିଳିଛି ।
ଅଯୋଧ୍ୟାରେ ଆଜି ସର୍ବନିମ୍ନ ତାପମାତ୍ରା ରହିଛି ୬ ଡିଗ୍ରୀ ସେଲସିୟସ୍ । ତଥାପି ରାମ ଭକ୍ତଙ୍କ ଭିତରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ଆଜିଠୁ ଅଯୋଧ୍ୟା ଶ୍ରୀରାମ ମନ୍ଦିରରେ ଆରମ୍ଭ ହୋଇଛି ସର୍ବସାଧାରଣ ଦର୍ଶନ । ସକାଳ ୮ଟାରୁ ରାତି ୧୦ଟା ଯାଏ ରାମ ଲାଲାଙ୍କ ଦର୍ଶନ କରିପାରିବେ ଶ୍ରଦ୍ଧାଳୁ ।
ପ୍ରଥମେ ସକାଳ ୮ଟାରୁ ଦିନ ଗୋଟାଏ ଓ ପରେ ୩ଟାରୁ ରାତି ୧୦ଟା ଯାଏ ଦର୍ଶନ ବ୍ୟବସ୍ଥା ରହିଛି । ତିନି ଥର ହେବ ରାମଲାଲାଙ୍କ ଆଳତି । ଦ୍ବିପ୍ରହର ୧୨ଟାରେ ଭୋଗ ଓ ଆଳତି ହେବ । ତେବେ ଅପରାହ୍ନ ୧ରୁ ୩ଟା ପର୍ଯ୍ୟନ୍ତ ରାମଲାଲାଙ୍କ ଦର୍ଶନ ବନ୍ଦ ରହିବ । ସନ୍ଧ୍ୟା ସାଢ଼େ ୭ଟାରେ ହେବ ସନ୍ଧ୍ୟା ଆଳତି । ଏହାପରେ ରାତି ୧୦ରେ ଶୟନ ଆଳତି ପରେ କପାଟ ବନ୍ଦ ରହିବ । ଟ୍ରଷ୍ଟ ପକ୍ଷରୁ ପ୍ରତିଦିନ ଦେଢ ଲକ୍ଷରୁ ଅଧିକ ଶ୍ରଦ୍ଧାଳୁଙ୍କ ଦର୍ଶନ ବ୍ୟବସ୍ଥା କରାଯାଇଛି ।
#WATCH | Ayodhya, Uttar Pradesh: Visuals from the main gate of Shri Ram Temple where devotees have gathered in large numbers since 3 am to offer prayers and have Darshan of Shri Ram Lalla on the first morning after the Pran Pratishtha ceremony pic.twitter.com/hKUJRvIOtm
— ANI (@ANI) January 23, 2024
ଅଯୋଧ୍ୟାରେ ଲୋକେ ଶ୍ରୀରାମଙ୍କ ନାରା ଲଗାଉଛନ୍ତି । ରାମଲାଲାଙ୍କ ଆରତି କିମ୍ବା ଦର୍ଶନ ପୂଜା ପାଇଁ କୌଣସି ନୂଆ ପରମ୍ପରା ଆରମ୍ଭ ହୋଇନାହିଁ ବୋଲି ମନ୍ଦିରର ଟ୍ରଷ୍ଟ ପକ୍ଷରୁ ଜଣାପଡିଛି । ପ୍ରଥମ ଦିନରେ ଏତେ ଲୋକ ଦର୍ଶନ କରିବା ସମ୍ଭବ ନୁହେଁ ବୋଲି ମୁଖ୍ୟ ପୂଜାରୀ ଆଚାର୍ଯ୍ୟ ସତ୍ୟେନ୍ଦ୍ର ଦାସ କହିଛନ୍ତି ।
#WATCH | Ayodhya, Uttar Pradesh: Heavy rush outside the Ram Temple as devotees throng the temple to offer prayers and have Darshan of Shri Ram Lalla on the first morning after the Pran Pratishtha ceremony pic.twitter.com/gQHInJ5FTz
— ANI (@ANI) January 23, 2024
ସୂଚନାଯୋଗ୍ୟ, ଜାନୁଆରୀ ୨୨ରେ ଅଯୋଧ୍ୟା ରାମମନ୍ଦିରର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମୁଖ୍ୟ ଯଜମାନ ହୋଇଥିଲେ । ଏହି ଅବସରରେ ଆରଏସଏସ ପ୍ରମୁଖ ମୋହନ ଭଗବତ, ଉତ୍ତରପ୍ରଦେଶ ରାଜ୍ୟପାଳ ଆନନ୍ଦୀ ବେନ ପଟେଲ ଏବଂ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଉପସ୍ଥିତି ରହିଥିଲେ ।
