ରାମଲାଲାଙ୍କ ଦର୍ଶନ ପାଇଁ ଦ୍ୱୀତିୟ ଦିନରେ ଶ୍ରଦ୍ଧାଳୁଙ୍କ ଭିଡ, ବୟସ୍କ ଏବଂ ଦିବ୍ୟାଙ୍ଗ ୨ ସପ୍ତାହ ନ ଆସିବାକୁ ଅପିଲ
ରାତିରୁ ରାମମନ୍ଦିର ବାହାରେ ଭକ୍ତଙ୍କ ଲମ୍ବା ଲାଇନ ଲାଗିଛି । ଏହା ମଧ୍ୟରେ ପ୍ରଶାସନ ବୟସ୍କ ଏବଂ ଦିବ୍ୟାଙ୍ଗକୁ ୨ ସପ୍ତାହ ନ ଆସିବାକୁ ଅପିଲ କରିଛି । ପ୍ରଶାସନ କହିବା ମୁତାବକ, ରାମମନ୍ଦିର ଭିତରେ ଏବଂ ବାହାରେ ପ୍ରବଳ ଭିଡ ଲାଗିଛି । ଶ୍ରଦ୍ଧାଳୁ କିପରି ଦର୍ଶନ କରିପାରିବେ, ସେଥିପାଇଁ ବ୍ୟବସ୍ଥା କରାଯାଇଛି ।
ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା ହୋଇସାରିଛି । ଭକ୍ତମାନଙ୍କୁ ଦର୍ଶନ ଦେଉଛନ୍ତି ରାମଲାଲା । ରାମଲାଲାଙ୍କ ଦର୍ଶନ ପାଇଁ ଲକ୍ଷ ଲକ୍ଷ ସଂଖ୍ୟାରେ ଭକ୍ତ ପହଞ୍ଚିଛି । ଭକ୍ତଙ୍କ ଭିଡ ଦେଖି ପ୍ରଶାସନ ଏକଜୁଟ ହୋଇପଡିଛି । ରାତିରୁ ରାମମନ୍ଦିର ବାହାରେ ଭକ୍ତଙ୍କ ଲମ୍ବା ଲାଇନ ଲାଗିଛି । ଏହା ମଧ୍ୟରେ ପ୍ରଶାସନ ବୟସ୍କ ଏବଂ ଦିବ୍ୟାଙ୍ଗକୁ ୨ ସପ୍ତାହ ନ ଆସିବାକୁ ଅପିଲ କରିଛି । ପ୍ରଶାସନ କହିବା ମୁତାବକ, ରାମମନ୍ଦିର ଭିତରେ ଏବଂ ବାହାରେ ପ୍ରବଳ ଭିଡ ଲାଗିଛି । ଶ୍ରଦ୍ଧାଳୁ କିପରି ଦର୍ଶନ କରିପାରିବେ, ସେଥିପାଇଁ ବ୍ୟବସ୍ଥା କରାଯାଇଛି ।
ଖବର ମୁତାବକ, ଗତକାଲି ୫ ଲକ୍ଷରୁ ଅଧିକ ଶ୍ରଦ୍ଧାଳୁ ଦର୍ଶନ ପାଇଁ ଆସିଥିଲେ । ସେହିପରି ଆଜି ସକାଳୁ ରାମମନ୍ଦିରରେ ପ୍ରବଳ ଭିଡ ଦେଖିବାକୁ ମିଳିଛି । ପ୍ରମୁଖ ଗୃହ ସଚିବ ସଞ୍ଜୟ ପ୍ରସାଦ ଏବଂ ସ୍ପେଶାଲ ଡିଜି ପ୍ରଶାନ୍ତ କୁମାର ନିଜେ ବ୍ୟବସ୍ଥା ସମ୍ଭାଳୁଥିବା ନଜର ଆସିଛନ୍ତି ।
#WATCH | Ayodhya, Uttar Pradesh: RAF Deputy Commandant Arun Kumar Tiwari says “We will ensure that the devotees do not face any difficulty. Around 1000 jawans have been deployed inside and outside the Temple. This deployment will continue for the next few days…” pic.twitter.com/Fx0QGAHJVN
— ANI (@ANI) January 24, 2024
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାମମନ୍ଦିର ଅଞ୍ଚଳ ଆକାଶ ମାର୍ଗରୁ ସର୍ଭେ କରିଛନ୍ତି । ଆଉ ଏଠିକାର ବ୍ୟବସ୍ଥା କରିବା ପାଇଁ ଉଚ୍ଚ ପଦସ୍ଥ ଅଧିକାରୀଙ୍କ ସହିତ ବୈଠକ କରିଛନ୍ତି । ମୁଖ୍ୟମନ୍ତ୍ରୀ ଆକାଶ ମାର୍ଗରୁ ମାଇକ ଯୋଗେ ଶ୍ରଦ୍ଧାଳୁଙ୍କ ସହିତ ବ୍ୟବସ୍ଥା ବଜାୟ ରଖିବାକୁ ଅପିଲ କରିଥିବା ବେଳେ ସମସ୍ତେ ଶାନ୍ତିରେ ଦର୍ଶନ କରିବାକୁ ନିବେଦନ କରିଛନ୍ତି ।
ପ୍ରଶାସନ ୨୬ ଜାନୁଆରୀ ପର୍ଯ୍ୟନ୍ତ ଶ୍ରଦ୍ଧାଳୁଙ୍କୁ ଅଯୋଧ୍ୟା ଆସିବାକୁ ରୋକ ଲାଗାଇଛନ୍ତି । ଅଯୋଧ୍ୟା ଜିଲ୍ଲାପାଳ ନୀତିଶ କୁମାରଙ୍କ ମୁତାବକ, ରାତି ୧୦ଟା ପର୍ଯ୍ୟନ୍ତ ୩ରୁ ୪ ଲକ୍ଷ ଶ୍ରଦ୍ଧାଳୁ ରାମ ମନ୍ଦିର ଆସିଥିବା କହିଛନ୍ତି । ସୁରକ୍ଷା ବ୍ୟବସ୍ଥା ପାଇଁ ଆରଏଏଫ ଡେପୁଟି କମାଣ୍ଡାଣ୍ଟ ଅରୁଣ ତିଓ୍ଵାରୀ ସମ୍ଭାଳିଛନ୍ତି । ୮ ହଜାରରୁ ଅଧିକ ସୁରକ୍ଷା କର୍ମୀ ରହିଛନ୍ତି । ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ରାମମନ୍ଦିର ବାହାରେ ଲାଇନ ଲଗାଇଛନ୍ତି ।
