ବିହାର : ମୂଷାଙ୍କ କାରାନାମା ସହ ଆପଣମାନେ ଭଲ ଭାବେ ପରିଚିତ । କାରଣ ଅଧିକାଂଶ ଘରେ ମୁଣ୍ଡ ବିନ୍ଧାର କାରଣ ମୂଷା । ମୂଷାଙ୍କ ନଜରରୁ ଡାଲି ଚାଉଳକୁ ରକ୍ଷା କରିବା ମୁସ୍କିଲ୍ ନୁହେଁ ନାମୁମକିନ୍ । ତେବେ ଆଜି ଆମେ ଗୋଟିଏ ମୂଷାର ଏକ ଅଜବ କାରନାମା ବିଷୟରେ କହିବୁ ଯାହାକୁ ଶୁଣିଲେ ମୁଣ୍ଡରେ ହାତ ଦେବେ ।
ଏକ ହାଇପ୍ରୋଫାଇଲ୍ ଚୋରି କରିଛି ଗୋଟିଏ ମୂଷା । ପାଟନାର ଏକ ଗହଣା ଦୋକାନରୁ ହୀରାର କାନଫୁଲ ଚୋରି ହୋଇଯାଇଛି । ଆଉ ଯେତେବେଳେ ସିସିଟିଭି ଫୁଟେଜ୍ ଚେକ୍ ହୋଇଥିଲା ସେତେବେଳେ ମାଲିକଙ୍କ ହୋସ୍ ଉଡିଯାଇଥିଲା ।
ସିସିଟିଭିରୁ ଜଣାପଡିଥିଲା ଚୋରୀ କେହି ମଣିଷ ନୁହେଁ ବରଂ କରିଛି ଏକ ମୂଷା । ମୂଷାଟି ଆରାମରେ ଦୋକାନର କାଉଣ୍ଟରକୁ ଗଲା । ଏବଂ ସେଠାରେ ଏକ ପ୍ଲାଷ୍ଟିକ୍ ପ୍ୟାକରେ ଥିବା ହୀରାର କାନ ଫୁଲକୁ ପାଟିରେ ଧରି ଚାଲିଗଲା । ଏପର୍ୟ୍ୟନ୍ତ ଏହି କାନଫୁଲ ମିଳିନାହିଁ ।