ଲକଡାଉନରେ ଜିଲ୍ଲାପାଳ ଦେଖାଇଲେ ଦବଙ୍ଗଗିରି, ଔଷଧ ଆଣିବାକୁ ଯାଉଥିବା ଯୁବକଙ୍କୁ ମାଡ ମାରିବା ସହିତ ଭାଙ୍ଗିଲେ ଫୋନ
କରୋନା ଯୋଗୁଁ ସମଗ୍ର ଦେଶର ବିଭିନ୍ନ ରାଜ୍ଯରେ ଲକଡାଉନ ଲାଗୁ ରହିଛି। ଏମିତି ସ୍ଥଳେ ଛତିଶଗଡ ସୁରଜପୁର ଜିଲ୍ଲାରେ ମଧ୍ୟ ଲକଡାଉନ୍ ଲାଗିଛି । ଏହି ସମୟରେ ଜଣେ ଜିଲ୍ଲାପାଳଙ୍କ ଦବଙ୍ଗଗିରି ଦେଖିବାକୁ ମିଳିଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହୋଇଛି । ଏଥିରେ ଜିଲ୍ଲାପାଳ ଜଣେ ଯୁବକଙ୍କୁ ମାଡ ମାରିବା ସହ ଫୋନ୍ ବି ଭାଙ୍ଗି ଦେଇଛନ୍ତି । ଏପରିକି ପୋଲିସକୁ କହି ମଧ୍ୟ ଯୁବକଙ୍କୁ ନିସ୍ତୁକ ପିଟିଛନ୍ତି । ତେବେ ପରେ ଏହି ଘଟଣାକୁ ନେଇ ଜିଲ୍ଲାପାଳ କ୍ଷମା ମାଗିଛନ୍ତି ।
ସୋସିଆଲ ମିଡିଆରେ ଭାଇରଲ ହେଉଥିବା ଭିଡିଓ ଅନୁଯାୟୀ, ଜଣେ ଯୁବକଙ୍କୁ ପୋଲିସ ରୋକିବା ସମୟରେ ଜିଲ୍ଲାପାଳ ଆସି ଦବଙ୍ଗଗିରି ଦେଖାଇଛନ୍ତି। ସୂଚନା ଅନୁସାରେ, ସୁରଜପୁର ଜିଲ୍ଲାର ପୁରୁଣା ବଜାରରେ ସାହିଲ ଗୁପ୍ତା ନାମକ ଜଣେ ବ୍ୟକ୍ତି ଔଷଧ ପାଇଁ ବଜାରକୁ ଯାଉଥିଲେ ।
ଏହି ସମୟରେ ଭୈୟାଥାନ ଛକରେ ପୋଲିସ ଜଣକ ଯୁବକଙ୍କୁ ଅଟକାଇଥିବା ବେଳେ ଜିଲ୍ଲାପାଳ ରଣବୀର ଶର୍ମା ତାଙ୍କ ପାଖକୁ ଆସିଥିଲେ । ଯୁବକ ଔଷଧ ଆଣିବାକୁ ଯାଉଥିବା କହିଥିଲେ, ମଧ୍ୟ ଜିଲ୍ଲାପାଳ ତାଙ୍କୁ ଚାପୁଡା ମାରିଥିଲେ । ଏପିରିକି ପୋଲିସ କର୍ମୀଙ୍କୁ କହି ଲାଠିରେ ମାଡ ମାରିଥିଲେ । ଯାହାକୁ ଯୁବକଙ୍କ ପିତା ତୀବ୍ର ବିରୋଧ କରିଛନ୍ତି । ସେ କୋଭିଡ୍ ଟିକା ଲଗାଇଥିଲେ । ତେଣୁ ବାହାରକୁ ଯାଉ ନାହାଁନ୍ତି । ଜ୍ୱର ହେଉଥିବାରୁ ପୁଅକୁ ଔଷଧ ପାଇଁ ପଠାଇଥିଲେ । କିନ୍ତୁ ଜିଲ୍ଲାପାଳଙ୍କ ଏପରି ବ୍ଯବହାରରେ ନିନ୍ଦା କରିଛନ୍ତି ଯୁବକଙ୍କ ବାପା।
Chhattisgarh | In a viral video, Surajpur District Collector Ranbir Sharma was seen slapping a person and slamming his phone on the ground, for allegedly violating #COVID19 lockdown guidelines pic.twitter.com/z4l0zkdy7C
— ANI (@ANI) May 22, 2021
ଘଟଣାପରେ ଜିଲ୍ଲାପାଳଙ୍କ ଏପରି କାର୍ଯ୍ୟକୁ ବିରୋଧ କରିଛନ୍ତି । ରାଜ୍ୟରେ ମେ ୩୧ ଯାଏଁ ଲକଡାଉନ ରହିଥିବା ବେଳେ କେବଳ ଅତ୍ୟାବଶ୍ୟକ ସେବା ଚାଲୁଛି । କିନ୍ତୁ ଔଷଧ ଆଣିବାକୁ ଯାଉଥିବା ଜଣେ ଯୁବକଙ୍କୁ ଜିଲ୍ଲାପାଳ ମାଡ ମାରିବାକୁ ସମସ୍ତେ ନିନ୍ଦା କରିଛନ୍ତି । ତେବେ ଭିଡିଓ ଭାଇରାଲ ହେବାପରେ ଜିଲ୍ଲାପାଳ ଘଟଣା ପାଇଁ କ୍ଷମା ମାଗିଛନ୍ତି ।