ଗୁଜରାଟର ଜଣେ ମହିଳା ପୋଲିସକର୍ମୀଙ୍କୁ ଗତ ବର୍ଷ ଥାନାରେ ଟିକଟକ କରି ଭାଇରାଲ ହୋଇଥିବା ଖବର ତ ଆପଣଙ୍କର ମନେଥିବ। ଯେ କେମିତି ନିଜ ଡ୍ୟୁଟି ସମୟରେ ଟିକଟକ୍ ଭିଡିଓ କରିବା ମହଙ୍ଗା ପଡିଥିଲା। ଥାନାରେ ଲକ୍-ଅପ୍ ସାମ୍ନାରେ ଫିଲ୍ମ ଗୀତରେ ଡ୍ୟାନ୍ସ କରି ଭିଡିଓ କରିବା ଭାରୀ ପଡିଯାଇଥିଲା। ଭିଡିଓ ଭାଇରାଲ ହେବା ପରେ ଏହାକୁ ନେଇ ବିରୋଧ ପ୍ରଦର୍ଶନ କରାଯିବାରୁ ଅର୍ପିତାଙ୍କୁ ଚାକିରିରୁ ସସପେଣ୍ଡ କରିଦିଆଯାଇଥିଲା।
#ArpitaChaudhary, a young police woman from #Gujarat #India has been suspended after a video showing her #Dancing in front of a lock up inside a police station on a #Bollywood song. pic.twitter.com/izHmowXh1B
— Khalid Mahmood Khalid (@samaylive) July 25, 2019
video courtesy : Khalid Mahmood Khalid
ଚାକିରି ଯିବା ପରେ ସେ ଆଉ କେବେ ଜୀବନରେ ଆଗକୁ ବଢ଼ିପାରିବେ ନାହିଁ ବୋଲି ଭାବି ନେଇଥିଲେ। କିନ୍ତୁ ହଠାତ ତାଙ୍କ ଜୀବନରେ ବଡ଼ ପରିବର୍ତ୍ତନ ଆସିବ ବୋଲି ତାଙ୍କୁ ଜଣା ନଥିଲା। ଯେଉଁ ଭିଡିଓ ପାଇଁ ସେ ଦିନେ ନିଲମ୍ବିତ ହୋଇଥିଲେ, ସେହି ଭିଡିଓ ତାଙ୍କୁ ଯେ ନୂଆ ପରିଚୟ ଆଣିଦେବ, ସେ ବିଷୟରେ କେବେ ବି ଭାବି ନଥିଲେ ଅର୍ପିତା।
କିନ୍ତୁ କୁହନ୍ତି ନି ଭାଗ୍ୟ କେତେବେଳେ ଯେ କାହାର ଚମକିବ ତାହା କେହି ବି ଜାଣିନଥାନ୍ତି। ଠିକ ସେହିଭଳି ଘଟଣା ଘଟିଛି ଟିକଟିକ୍ ଭିଡିଓ ପାଇଁ ସସପେଣ୍ଡ ହୋଇଥିବା ମହିଳା ପୋଲିସକର୍ମୀଙ୍କ ସହିତ। ଟିକଟକ୍ ବନାଉଥିବା ମହିଳା କନଷ୍ଟେବଲ ଅର୍ପିତା ଗୁଜରାତରେ ଅଭିନେତ୍ରୀ ବନିଯାଇଛନ୍ତି। କେବଳ ଏତିକି ନୁହେଁ ଅର୍ପିତାଙ୍କ ଗୁଜରାଟ ଆଲବମ୍ ‘ଟିକ ଟକ ନି ଦିଓ୍ଵାନୀ’ ନିକଟରେ ଲଞ୍ଚ ହୋଇଛି। ରିଲିଜ୍ ପରେ ଏବେ ଲୋକପ୍ରିୟ ହେବାରେ ଲାଗିଛନ୍ତି ଅର୍ପିତା । ରିଲିଜ୍ ହେବାର ଦୁଇ ଦିନ ପରେ ଭିଡିଓକୁ ୨ମିଲିୟନ ଲୋକ ଦେଖିସାରିଥିବା ଜଣା ପଡ଼ିଛି।
video courtesy : VM DIGITAL