ଦିଲ୍ଲୀରେ ଏବେ ଲାଗୁ ହେବ ନାହିଁ ‘ଓଡ୍-ଇଭେନ୍’, ବର୍ଷା ଯୋଗୁ ପ୍ରଦୂଷଣରେ ଆସିଲା ସୁଧାର
ଦିଲ୍ଲୀରେ ନଭେମ୍ବର ୧୩ରୁ ୨୦ ପର୍ଯ୍ୟନ୍ତ ‘ଓଡ୍ ଇଭେନ୍’ ଲାଗୁ ହେବ ନାହିଁ। ଦିଲ୍ଲୀ ପରିବେଶ ମନ୍ତ୍ରୀ ଗୋପାଳ ରାୟ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଦିଲ୍ଲୀରେ ଗତକାଲି ରାତିରୁ ପାଗରେ ପରିବର୍ତ୍ତନ ହୋଇଛି। ବର୍ଷା ଯୋଗୁ ପ୍ରଦୂଷଣରେ ସୁଧାର ଆସିଛି। ଏମିତିରେ ଏବେ ଓଡ୍ ଇଭେନ୍ ଲାଗୁ ହେବ ନାହିଁ।
ଦିଲ୍ଲୀରେ ନଭେମ୍ବର ୧୩ରୁ ୨୦ ପର୍ଯ୍ୟନ୍ତ ‘ଓଡ୍ ଇଭେନ୍’ ଲାଗୁ ହେବ ନାହିଁ। ଦିଲ୍ଲୀ ପରିବେଶ ମନ୍ତ୍ରୀ ଗୋପାଳ ରାୟ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଦିଲ୍ଲୀରେ ଗତକାଲି ରାତିରୁ ପାଗରେ ପରିବର୍ତ୍ତନ ହୋଇଛି। ବର୍ଷା ଯୋଗୁ ପ୍ରଦୂଷଣରେ ସୁଧାର ଆସିଛି। ଏମିତିରେ ଏବେ ଓଡ୍ ଇଭେନ୍ ଲାଗୁ ହେବ ନାହିଁ। ଦୀପାବଳି ପରେ ସମୀକ୍ଷା ବୈଠକ ହେବ। ଏହାପରେ ଓଡ୍ ଇଭେନ୍ ଉପରେ ନିଷ୍ପତ୍ତି ନିଆଯିବ।
ଗତ ଏକ ସପ୍ତାହ ଧରି ଦିଲ୍ଲୀ-ଏନସିଆର ପ୍ରଦୂଷଣର ସମ୍ମୁଖୀନ ହୋଇଛି। ବାୟୁ ଗୁଣବତ୍ତା ସ୍ତର ଅର୍ଥାତ୍ AQI ୪୫୦ରୁ ଅଧିକ ରହିଥିଲା। ପ୍ରଦୂଷଣ ଉପରେ କାବୁ ପାଇବା ପାଇଁ ଦିଲ୍ଲୀ ସରକାର ଅନେକ ପ୍ରମୁଖ ନିଷ୍ପତ୍ତି ମଧ୍ୟ ନେଇଥିଲେ। କିନ୍ତୁ ଏଗୁଡିକ ଅନୁପଯୁକ୍ତ ପ୍ରମାଣିତ ହୋଇଥିଲା। ଏହାପରେ ଦିଲ୍ଲୀ ସରକାର ନଭେମ୍ବର ୧୩ରୁ ଓଡ୍-ଇଭେନ୍ କାର୍ଯ୍ୟକାରୀ କରିବାକୁ ଘୋଷଣା କରିଥିଲେ।
ତେବେ ଶୁକ୍ରବାର ସକାଳେ ଦିଲ୍ଲୀ-ଏନସିଆରରେ ବର୍ଷା ହେବା ଦ୍ୱାରା ଲୋକଙ୍କୁ ଆରାମ ମିଳିଛି। ଆକାଶରେ ଛାଇଥିବା କୁହୁଡି ସଫା ହୋଇଯାଇଛି। AQI ମଧ୍ୟ ୪୦୦ରୁ ୧୦୦ ସ୍ତରରେ ପହଞ୍ଚିଯାଇଛି।
ଓଡ୍ ଇଭେନ୍ କ’ଣ?
Odd-Evenର ସିଧା ସମ୍ପର୍କ ରାଜଧାନୀରେ ଚାଲୁଥିବା ଯାନ ସହିତ ରହିଛି। ଓଡ୍ ତାରିଖଗୁଡ଼ିକରେ Odd ନମ୍ବର ଥିବା ଗାଡ଼ି (ଯେଉଁ ଗାଡ଼ି ନମ୍ବରର ଶେଷ ଅଙ୍କ ୧,୩,୫,୭ ଏବଂ ୯) ଏବଂ ଇଭେନ୍ ତାରିଖଗୁଡ଼ିକରେ Even ନମ୍ବର ଥିବା ଗାଡ଼ି (ଯେଉଁ ଗାଡ଼ି ନମ୍ବରର ଶେଷ ଅଙ୍କ ୦,୨,୪,୬,୮) ଚାଲିବ।
