ଟିକେଟକୁ ନେଇ ଯୁକ୍ତିତର୍କ, ଟିଟିଇଙ୍କୁ ପିଟିଲେ ରେଳବାଇ ପୋଲିସ, ୪ ପୋଲିସ ନିଲମ୍ବିତ
ଉତ୍ତରପ୍ରଦେଶର ପ୍ରୟାଗରାଜରେ ଦେଖାଯାଇଛି ଏକ ଅଭାବନୀୟ ଘଟଣା । ଟିକେଟ ମାଗିବାରୁ ରେଳବାଇ ପୋଲିସ ମାଡ ମାରିଛନ୍ତି ଜଣେ ଟିଟିଇଙ୍କୁ ।ପରେ ଅବଶ୍ୟ ରେଳବାଇ ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିଛି ଓ ଅଭିଯୁକ୍ତ ପୋଲିସଙ୍କୁ ନିଲମ୍ବନ କରିଛି ।
ଲକ୍ଷ୍ନୌ : ଟିଟିଇ ଓ ଯାତ୍ରୀଙ୍କ ମଧ୍ୟରେ ଝଗଡ଼ା ହେବା ସ୍ୱାଭାବିକ । ଏମିତି ଅନେକ ସମୟରେ ଯାତ୍ରୀ ଓ ଟିଟିଇଙ୍କ ମଧ୍ୟରେ ପାଟିତୁଣ୍ଡ ହୋଇଥାଏ । ମାତ୍ର ଗୋଟିଏ ରେଳବାଇ ବିଭାଗର ଟିଟିଇ ଓ ପୋଲିସଙ୍କ ମଧ୍ୟରେ ଝଗଡା ହେବା କ୍ୱଚିତ ଦେଖାଯାଏ ।
ହେଲେ ଉତ୍ତରପ୍ରଦେଶର ପ୍ରୟାଗରାଜରେ ଦେଖାଯାଇଛି ଏକ ଅଭାବନୀୟ ଘଟଣା । ଟିକେଟ ମାଗିବାରୁ ରେଳବାଇ ପୋଲିସ ମାଡ ମାରିଛନ୍ତି ୩ ଜଣ ଟିଟିଇଙ୍କୁ ।ପରେ ଅବଶ୍ୟ ରେଳବାଇ ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିଛି ଓ ଅଭିଯୁକ୍ତ ପୋଲିସଙ୍କୁ ନିଲମ୍ବନ କରିଛି ।
ମିଳିଥିବା ସୂଚନା ଅନୁଯାୟୀ, ବିକାନିରରୁ ପ୍ରୟାଗରାଜ ଆସୁଥିବା ଏକ ଟ୍ରେନର ଏ-୨ କୋଚରେ ଚଢ଼ିଥିଲେ କିଛି ରେଲବାଇ ପୋଲିସ । ସେମାନେ ଫତେପୁରର ଜିଆରପିସ ଟିମ ବୋଲି ଜଣାପଡିଛନ୍ତି । ଟିଟିଇ ତାଙ୍କୁ ଟିକେଟ ମାଗିବାରୁ ଯୁକ୍ତିତର୍କ ହୋଇଥିଲା । ଫଳରେ ଜିଆରପିମାନେ ଟିଟିଇଙ୍କୁ ମାରଧର କରିବା ସହ କୁକୁର କହି ଗାଳିଗୁଲଜ କରିଥିଲେ ।
ट्रेन में टिकट मांगने पर टीटीई को कहा कुत्ता, SO साहब सिंह समेत चार पुलिसकर्मी ने टीटी से की मारपीट, वीडियो हुआ वायरल, प्रयागराज जीआरपी में टीटीई ने की लिखित शिकायत
एसओ के नेतृत्व में जीआरपी फतेहपुर की टीम ने बीकानेर-प्रयागराज एक्सप्रेस (20404) के ए2 कोच में तीन ऑन-बोर्ड टीटीई… pic.twitter.com/gpebe7fHkC
— आदित्य तिवारी / Aditya Tiwari (@aditytiwarilive) August 20, 2023
କୋଚରେ ଥିବା ଯାତ୍ରୀଙ୍କ ମଧ୍ୟରୁ କେହିଜଣେ ଏହାର ଭିଡିଓ ରେକର୍ଡିଂ କରି ସୋସିଆଲ ମିଡିଆରେ ଛାଡିଦେଇଥିଲା । ଏହା ଭାଇରାଲ ହେବା ପରେ ପୋଲିସ ବିଭାଗର ଦୃ ଷ୍ଟିକୁ ଆସିଥିଲା । ଟିଟିଇଙ୍କ ଅଭିଯୋଗ ହେବା ପରେ ରେଳବାଇ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ୪ ଜଣ ପୋଲିସ କର୍ମଚାରୀଙ୍କୁ ନିଲମ୍ବନ କରିଛି ।