କେନ୍ୟୁଜ୍: ଆଜି ପ୍ରକାଶ ପାଇବ ଜେଇଇ ଆଡଭାନ୍ସ ପରୀକ୍ଷାଫଳ। ସକାଳ ୧୦ଟାରେ ଜେଇଇ ଆଡଭାନ୍ସ ୱେବସାଇଟରେ ରେଜଲ୍ଟ ଉପଲବ୍ଧ ହେବ। ର୍ୟାଙ୍କ ପାଇଥିବା ଛାତ୍ରଛାତ୍ରୀ ଭୁବନେଶ୍ୱର ସମେତ ଦେଶରେ ଥିବା ୨୨ଟି ଆଇଆଇଟିରେ ନାମଲେଖାଇବେ। ୧୧ ହଜାର ୨୭୯ ସିଟରେ ନାମ ଲେଖାଇବେ ଛାତ୍ରଛାତ୍ରୀ। ଜେଇଇ ମେନ୍ ପରୀକ୍ଷାର ଶ୍ରେଷ୍ଠ ୨ ଲକ୍ଷ ୪୫ ହଜାର ଛାତ୍ରଛାତ୍ରୀ ଜେଇଇ ଆଡଭାନ୍ସ ଦେବାକୁ ଯୋଗ୍ୟ ବିବେଚିତ ହୋଇଥିଲେ। ସେମାନଙ୍କୁ ମଧ୍ୟରୁ ୧ ଲକ୍ଷ ୭୩ ହଜାର ପରୀକ୍ଷାର୍ଥୀ ଦେଇଥିଲେ ଜେଇଇ ଆଡଭାନ୍ସ। ଓଡ଼ିଶାରୁ ୫ ହଜାର ଛାତ୍ରଛାତ୍ରୀ ଯୋଗ୍ୟ ବିବେଚିତ ହୋଇଥିବା ବେଳେ ପରୀକ୍ଷା ଦେଇଥିଲେ ୩ ହଜାର ୨୬୧ ଛାତ୍ରଛାତ୍ରୀ।