ବନ୍ଧୁମାନଙ୍କ ମେଳରେ ମସ୍ତି କରିବା ସମୟରେ କିଛି ଛୋଟ କଥାକୁ ନେଇ ବେଳେ ବେଳେ ନିଜ ନିଜ ଭିତରେ ସର୍ତ୍ତ ଲଗାଇବା ଏକ ସାଧାରଣ କଥା । କିନ୍ତୁ ବହୁତ ଥର ସର୍ତ୍ତ ଜିତିବା ପାଇଁ ଆମେ ନିଜ ଜୀବନକୁ ବାଜି ଲଗାଇ ଦେଇଥାଉ । ଏଭଳି ଏକ ଘଟଣା ଘଟିଛି ଅଷ୍ଟ୍ରେଲିଆର ବ୍ରିସବେନରେ । ଏଠାରେ ରହୁଥିବା ଡେଭିଡ୍ ଡୁବେଲ ନାମକ ଜଣେ ବ୍ୟକ୍ତିଙ୍କ ଏକ ପାର୍ଟିରେ ସର୍ତ୍ତ ରକ୍ଷା କରିବାକୁ ଯାଇ ଏକ ଝିଟିପିଟିକୁ ଖାଇ ଦେଇଥିଲେ । ଫଳରେ ପେଟରେ ସଂକ୍ରମଣ ହୋଇ ୧୦ ଦିନ ପରେ ତାଙ୍କର ମୃତ୍ୟୁ ଘଟିଲା । ଏହି ଘଟଣା ଜାଣିବା ପରେ ସମସ୍ତେ ଆଶ୍ଚର୍ଯ୍ୟ ହୋଇ ଯାଇଥିଲେ । ଡେଭିଡ୍ଙ୍କ ପତ୍ନୀ ଘଟଣାକୁ ନେଇ କହିଛନ୍ତି ଯେ କେବେବି ନବୁଝିଶୁଝି ସର୍ତ୍ତ ଲଗାଇବା ଉଚିତ ନୁହେଁ । କାରଣ ଏହା କେତେବେଳେ ବି ଆମକୁ ବିପଦମୁଖକୁ ଠେଲିଦେଇ ପାରେ ।
ଘରର କାନ୍ଥରେ ଝିଟିପିଟି ଚାଲୁଥିବାର ଦେଖିଲେ ବହୁତ ସମୟରେ ଆମେ ଏହାକୁ ଅଣଦେଖା କରିଥାଉ । କାରଣ ଆମକୁ ଲାଗିଥାଏ ଯେ ଏହି ଛୋଟ ଜୀବଟି ଆମର କିଛି କ୍ଷତି କରି ପାରିବ ନାହିଁ । ଅନେକ ଲୋକ ଏପରି ଭାବନ୍ତି କି ଝିଟିପିଟି ମଣିଷର କୌଣସି କ୍ଷତି କରିପାରେ ନାହିଁ । ଆମେ ଆପଣଙ୍କୁ ଜଣାଇବୁ ଯେ ଝିଟିପିଟି ଆପଣଙ୍କ ପାଇଁ କେତେ କ୍ଷତିକାରକ ।
ଝିଟିପିଟି କି କ୍ଷତି କରିପାରେ ?
ଝିଟିପିଟି ପ୍ରତ୍ୟକ୍ଷ ଭାବେ ମଣିଷର କୌଣସି କ୍ଷତି କରିନଥାଏ କିନ୍ତୁ ଝିଟିପିଟିର ମଳ ଆପଣଙ୍କ ସ୍ୱାସ୍ଥ୍ୟ ପାଇଁ ବହୁତ କ୍ଷତିକାରକ । ବିଶେଷ କରି ଛୋଟପିଲାମାନଙ୍କ ପାଇଁ ଏହା ଖୁବ୍ ମାରାତ୍ମକ । ଯଦି ଆପଣଙ୍କ ଘରେ ଝିଟିପିଟି ଥାଏ ତାହେଲେ ଆପଣ ଏହାର ମଳ ନିଶ୍ଚୟ ଦେଖିଥିବେ । ଏହାର ରଙ୍ଗ କଳା ଏବଂ ଅଗ୍ର ଭାଗରେ ଛୋଟ ଧଳା ରଙ୍ଗର ଲେୟାର ରହିଥାଏ । ଯଦି ଆପଣଙ୍କ ଘରେ ଝିଟିପିଟିର ମାତ୍ରା ଅଧିକ ତାହେଲେ ଏମାନଙ୍କ ମଳ ଦ୍ୱାରା ହେଉଥିବା କ୍ଷତି ମଧ୍ୟ ସେତିକି ଅଧିକ । କାରଣ ବହୁତ ଥର ପାଦତଳେ, କାନ୍ଥରେ କିମ୍ବା ଘରର କୌଣସି କୋଣରେ ପଡିଥିବା ମଳ ଆପଣଙ୍କ ପିଲାମାନଙ୍କ ସଂସ୍ପର୍ଶରେ ଆସିପାରେ ।
ଝିଟିପିଟି ଦ୍ୱାରା ହୋଇପାରେ ଫୁଡ ପଏଜନିଙ୍ଗ
ଝିଟିପିଟିର ମଳ ଏବଂ ଏହାର ଲାଳରେ ସଲମୋନେଲା ନାମକ ଏକ ବ୍ୟାକ୍ଟେରିଆ ଥାଏ, ଯାହାକି ଫୁଡ୍ ପଏଜନିଙ୍ଗର କାରଣ ସାଜିଥାଏ । ଆପଣମାନେ ଶୁଣିଥିବେ କି ଖାଇବାରେ ଝିଟିପିଟି ପଡିଯିବାରୁ କିମ୍ବା ଝିଟିପିଟି ପଡ଼ିଯାଇଥିବା ଖାଦ୍ୟ ଖାଇବା ଦ୍ୱାରା ଲୋକଙ୍କର ମୃତ୍ୟୁ ଅଥବା ଦେହ ଖରାପ ହୋଇଥାଏ । ଆସନ୍ତୁ ଜାଣିବା ଫୁଡ ପଏଜନିଙ୍ଗର ଲକ୍ଷଣ ଗୁଡିକ ।
ଝିଟିପିଟି ପଡ଼ିଥିବା ଖାଦ୍ୟ ଖାଇବା ଯୋଗୁଁ ଦେହ ବୁଲାଇବା, ବାନ୍ତି ହେବା, ପେଟ ଦରଜ କରିବା, ମୁଣ୍ଡ ବିନ୍ଧା ଆଦି ହୋଇଥାଏ । ଅଧିକ ମାତ୍ରାରେ ଫୁଡ ପଏଜନିଙ୍ଗରେ ବ୍ୟକ୍ତିର ମୃତ୍ୟୁ ମଧ୍ୟ ଘଟିପାରେ
ଆହୁରି ମଧ୍ୟ ଝିଟିପିଟିର ବୋବାଇବା ଶବ୍ଦ ଆପଣଙ୍କର କିଛି କ୍ଷତି ନକରିପାରେ କିନ୍ତୁ କିଛି ଲୋକଙ୍କୁ ଏହା ଖୁବ୍ ବିରକ୍ତ ଲାଗେ ।