ଆଖି ବନ୍ଦ କରି GPS ଉପରେ ଭରସା କରିଥିଲେ ମହିଳା, ୱାକିଂ ବ୍ରିଜରେ ଫସିଗଲା କାର
ବର୍ତ୍ତମାନ ଯଦି ଆମକୁ କୌଣସି ସ୍ଥାନକୁ ଯିବାର ଅଛି, ତେବେ ଲୋକଙ୍କୁ ପଚାରିବା ପରିବର୍ତ୍ତେ, ଆମେ ଜିପିଏସର ସାହାଯ୍ୟ ନେଉଛେ । ନିକଟରେ ଜଣେ ମହିଳା ମଧ୍ୟ ଏହା ହି କରିଥିଲେ । କିନ୍ତୁ ଜିପିଏସ୍ ହେତୁ ସେ ଏପରି ଏକ ସ୍ଥାନରେ ଅଟକି ଯାଇଥିଲେ ଯାହା ଏକ ପାଦଚଲା ବ୍ରିଜ ଥିଲା ଏବଂ ଏଥପାଇଁ ମହିଳା ଜଣଙ୍କ ଏକ ଗୁରୁତର ଅସୁବିଧାର ସମ୍ମୁଖୀନ ହୋଇଥିଲେ । ଏବେ ଏହି ଘଟଣା ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ଟେକ୍ନୋଲୋଜି ଏବେ ଆମ ଜୀବନର ଏକ ଅଂଶ ହୋଇଯାଇଛି । ବର୍ତ୍ତମାନ, ଖାଦ୍ୟ ଅର୍ଡର କରିବା ଠାରୁ ଆରମ୍ଭ କରି ସପିଂ ପର୍ଯ୍ୟନ୍ତ,ସବୁକିଛି ଆମେ ମୋବାଇଲ୍ ମାଧ୍ୟମରେ ହିଁ କରିଥାଉ । ବର୍ତ୍ତମାନ ଯଦି ଆମକୁ କୌଣସି ସ୍ଥାନକୁ ଯିବାର ଅଛି, ତେବେ ଲୋକଙ୍କୁ ପଚାରିବା ପରିବର୍ତ୍ତେ, ଆମେ ଜିପିଏସର ସାହାଯ୍ୟ ନେଉଛେ । ନିକଟରେ ଜଣେ ମହିଳା ମଧ୍ୟ ଏହା ହି କରିଥିଲେ । କିନ୍ତୁ ଜିପିଏସ୍ ହେତୁ ସେ ଏପରି ଏକ ସ୍ଥାନରେ ଅଟକି ଯାଇଥିଲେ ଯାହା ଏକ ପାଦଚଲା ବ୍ରିଜ ଥିଲା ଏବଂ ଏଥପାଇଁ ମହିଳା ଜଣଙ୍କ ଏକ ଗୁରୁତର ଅସୁବିଧାର ସମ୍ମୁଖୀନ ହୋଇଥିଲେ । ଏବେ ଏହି ଘଟଣା ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ଜଣେ ମହିଳାଙ୍କ କାର ୧୨୦ ମିଟର ଲମ୍ବା କାଠ ଝୁଲା ବ୍ରିଜ (ୱିଆଙ୍ଗ ଥାଙ୍ଗ ବ୍ରିଜ) ଉପରେ ଅଟକି ଯାଇଥିଲା । ଏହି ବ୍ରିଜଟି ୟୋମ ନଦୀ ଉପରେ ନିର୍ମିତ ଏବଂ ସୁଙ୍ଗ ମେନ ଜିଲ୍ଲାର ଦୁଇଟି ଗାଁକୁ ଯୋଡ଼ିଥାଏ । ଏହି ଘଟଣା ଜାନୁଆରୀ ୨୮ ରେ ସଂଧ୍ୟା ପ୍ରାୟ ୫:୪୦ ସମୟରେ ଘଟିଥିଲା, ଏହି ଦୃଶ୍ୟ କୌଣସି ଫିଲ୍ମର ସୁଟିଂ ଭଳି ଲାଗୁଥିଲା । ନାଙ୍ଗ ମୁଆଙ୍ଗ ଖାଇ ଜିଲ୍ଲାର ବାସିନ୍ଦା ୩୮ ବର୍ଷିୟ ଡ୍ରାଇଭର ନିଜ ସାଙ୍ଗଙ୍କୁ ଭେଟିବାକୁ ସୁଙ୍ଗ ମେନ ଯାଉଥିଲେ । ସେ ଏହି ଅଞ୍ଚଳ ସହିତ ଅପରିଚିତ ଥିଲେ ଏବଂ କେବଳ ତାଙ୍କ ଜିପିଏସ୍ ଉପରେ ନିର୍ଭର କରି ଚାଲୁଥିଲେ, ଯାହା ତାଙ୍କ ବନ୍ଧୁ ତାଙ୍କୁ ପଠାଇଥିଲେ ।
କିନ୍ତୁ ଯେତେବେଳେ ତାଙ୍କର ଜିପିଏସ୍ ତାଙ୍କୁ ବିଆଙ୍ଗ ଥାଙ୍ଗ ବ୍ରିଜ ପାର ହେବାର ରାସ୍ତା ଦେଖାଇଲା ସେତେବେଳେ ତାଙ୍କର ଅସୁବିଧା ଆରମ୍ଭ ହୋଇଥିଲା । ଏହି ୪୦ ବର୍ଷ ପୁରୁଣା ବ୍ରିଜ କେବଳ ଛୋଟ ମୋଟରସାଇକେଲ ଏବଂ ପଥଚାରୀଙ୍କ ପାଇଁ ନିର୍ମିତ ହୋଇଛି । କିନ୍ତୁ ଡ୍ରାଇଭର, ବ୍ରିଜ ବିଷୟରେ ଜାଣି ନ ଥିବାରୁ ଅନ୍ଧ ଭାବରେ ଜିପିଏସ୍ ଉପରେ ବିଶ୍ୱାସ କରିଥିଲେ । ମହିଳା ଜଣଙ୍କ ଗଣମାଧ୍ୟମକୁ କହିଛନ୍ତି, “ସେ କେବଳ ଜିପିଏସକୁ ଦେଖୁଥିଲେ, ଚାରିଆଡ଼େ ଚାହିଁ ନଥିଲେ । ସେ ଭାବିଲେ ଯେ ବ୍ରିଜଟି ଶକ୍ତିଶାଳୀ ହୋଇଥିବ ଏବଂ ବୋଧହୁଏ ଅନ୍ୟ ଲୋକମାନେ ମଧ୍ୟ ସମାନ ମାର୍ଗ ଦେଇ ଯିବା ଆସିବା କରନ୍ତି ।” କିନ୍ତୁ କାରଟି ମାତ୍ର ୧୫ ମିଟର ଯିବାପରେ ପରେ ହଠାତ୍ ଅଟକି ଗଲା । ବାସ୍ତବରେ, କାରର ଆଗ ବାମ ଚକଟି ଏକ ଫାଙ୍କରେ ଅଟକି ଯାଇଥିଲା ।
ବିବ୍ରତ ଡ୍ରାଇଭର ଜଣଙ୍କ କହିଛନ୍ତି, “ସେ ବହୁତ ଭୟଭୀତ ହୋଇଯାଇଥିଲେ କାରଣ ସେ ୟୋମ ନଦୀ ମଝିରେ ଥିବା ବ୍ରିଜରେ ଅଟକି ଯାଇଥିଲେ । କାରଟି ନଦୀରେ ପଡିଯିବା ଭୟରେ ମହିଳା ଜଣଙ୍କ ଖୁବ ଭୟଭୀତ ହୋଇଯାଇଥିଲେ ।” କିନ୍ତୁ ଖୁସିର କଥା ହେଉଛି ଯେ ଯେଉଁମାନେ ଏହି ବ୍ରିଜ୍ ପାର ହେଉଥିଲେ ସେମାନେ ଏହି ଫସିରହିଥିବା କାରକୁ ଦେଖିଥିଲେ ଏବଂ ସାହାଯ୍ୟ ପାଇଁ ମହିଳାଙ୍କ ସ୍ୱର ଶୁଣିଥିଲେ । ସେମାନେ ଏହି ମାମଲାକୁ ଖୁବ ଗୁରୁତର ଭାବେ ନେଇଥିଲେ ତେଣୁ ଲୋକମାନେ ତୁରନ୍ତ ସୁରକ୍ଷାକର୍ମୀଙ୍କୁ ଡାକିଥିଲେ । ସୁରକ୍ଷାକର୍ମୀଙ୍କ ଟିମ୍ ମଧ୍ୟ ବିଳମ୍ବ ନକରି ପରିସ୍ଥିତିର ଅନୁଧ୍ୟାନ କରି କାରକୁ କ୍ଷତି ନ ପହଞ୍ଚାଇ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଶେଷରେ, ଦୁଇଟି ଟ୍ରାକ୍ଟର ସାହାଯ୍ୟରେ ହୋଣ୍ଡା ସେଡନକୁ ସୁରକ୍ଷିତ ଭାବେ ଟାଣି ନିଆଯାଇଥିଲା । ଏହି ଉପାୟରେ ମହିଳାଙ୍କ କାରକୁ ବ୍ରିଜରୁ ସୁରକ୍ଷିତ ଭାବେ ବାହାର କରାଯାଇଥିଲା ।
