IBPS ୪୦୦୦ରୁ ଅଧିକ ପଦବୀ ଭର୍ତ୍ତି ପାଇଁ ବଢିଲା ତାରିଖ, ଆବେଦନ କରିନଥିଲେ ତୁରନ୍ତ କରନ୍ତୁ
IBPS ଅଧିନରେ କ୍ଲର୍କ ଭର୍ତ୍ତି ପାଇଁ ଆଉ ଏକ ସୁବର୍ଣ୍ଣ ସୁଯୋଗ । ୪୦୦୦ ପଦବୀ ଭର୍ତ୍ତି ପାଇଁ ଆବେଦନ କରିବାର ଶେଷ ତାରିଖ ୨୧ ଜୁଲାଇ ରହିଥିଲା, ଯାହାକୁ ଏବେ ବଢାଇ ଦିଆଯାଇଛି । ଆବେଦନ କରିବାର ଶେଷ ତାରିଖ ୨୮ ଜୁଲାଇ ରହିଛି ।
ବ୍ୟାଙ୍କରେ ଚାକିରି ଖୋଜୁଥିବା ଯୁବପିଢିଙ୍କ ପାଇଁ ଖୁସି ଖବର । IBPS ଅଧିନରେ କ୍ଲର୍କ ଭର୍ତ୍ତି ପାଇଁ ଆଉ ଏକ ସୁବର୍ଣ୍ଣ ସୁଯୋଗ । ଏହି ପଦବୀ ଭର୍ତ୍ତି ପାଇଁ ଆବେଦନ କରିବାର ଶେଷ ତାରିଖ ୨୧ ଜୁଲାଇ ରହିଥିଲା, ଯାହାକୁ ଏବେ ବଢାଇ ଦିଆଯାଇଛି । ଆବେଦନ କରିବାର ଶେଷ ତାରିଖ ୨୮ ଜୁଲାଇ ରହିଛି । ଯେଉଁମାନେ ଫର୍ମ ଭରିନାହାନ୍ତି, ସେମାନେ ତୁରନ୍ତ ଏଥିପାଇଁ ଆବେଦନ କରିପାରିବେ । ଏହି ଭର୍ତ୍ତି ଅଧିନରେ ବିଭିନ୍ନ ବ୍ୟାଙ୍କରେ ୪ ହଜାରରୁ ଅଧିକ ପଦବୀରେ ଭର୍ତ୍ତି କରାଯିବ । ଆପଣ ଆଇବିପିଏସର ଅଫିସିଆଲ ୱେବସାଇଟ୍ ibps.in କୁ ଯାଇ ଆବେଦନ କରିପାରିବେ । ଏଥିପାଇଁ ପ୍ରାରମ୍ଭିକ ପରୀକ୍ଷା ଅଗଷ୍ଟ କିମ୍ବା ସେପ୍ଟେମ୍ବରରେ ଏବଂ ମୁଖ୍ୟ ପରୀକ୍ଷା ଅକ୍ଟୋବରରେ ହେବ ।
ପଦବୀ ବିବରଣୀ : ୪୦୪୫
ଜରୁରୀ ତାରିଖ : ଆବେଦନ କରିବାର ଶେଷ ତାରିଖ ୨୮ ଜୁଲାଇ ୨୦୨୩ ରହିଛି ।
ଶିକ୍ଷାଗତ ଯୋଗ୍ୟତା : ଏଥିରେ ଆବେଦନ କରିବା ପାଇଁ ଇଚ୍ଛୁକ ପ୍ରାର୍ଥୀ କୌଣସି ମାନ୍ୟତାପ୍ରାପ୍ତ ବିଶ୍ୱବିଦ୍ୟାଳୟରୁ କୌଣସି ବିଷୟରେ ଗ୍ରାଜୁଏସନ କରିଥିବା ଜରୁରୀ ।
ବୟସ ସୀମା : ଆବେଦନ ପାଇଁ ଇଚ୍ଛୁକ ଥିବା ପ୍ରାର୍ଥୀଙ୍କ ବୟସ ସୀମା ୨୦ରୁ ୨୮ ବର୍ଷ ହେବା ଜରୁରୀ ।
ଆବେଦନ ଶୁଳ୍କ : ଏହି ଭର୍ତ୍ତି ପାଇଁ ଆବେଦନ ଶୁଳ୍କ ଭରିବାକୁ ପଡିବ । ସାମାନ୍ୟ ବର୍ଗ ପ୍ରାର୍ଥୀଙ୍କ ପାଇଁ ୮୫୦ ଟଙ୍କା ଆବେଦନ ଶୁଳ୍କ ରହିଥିବା ବେଳେ ଅନୁସୂଚିତ ଜାତି/ଜନଜାତି/ ପିଡବ୍ଲ୍ୟୁଡି ପ୍ରାର୍ଥୀଙ୍କୁ ୧୭୫ ଟଙ୍କା ଶୁଳ୍କ ଦେବାକୁ ହେବ । ଅଧିକ ଜାଣିବା ପାଇଁ ଅଫିସିଆଲ ୱେବସାଇଟ୍ ଚେକ୍ କରିଦିଅନ୍ତୁ ।
କେମିତି କରିବେ ଆବେଦନ :
ଇଚ୍ଛୁକ ପ୍ରାର୍ଥୀ ପ୍ରଥମେ ଆଇବିପିଏସ୍ର ଅଫିସିଆଲ ୱେବସାଇଟ୍ ibps.in କୁ ଯାଆନ୍ତୁ ।
ତା’ ପରେ ହୋମ ପେଜରେ ଆଇବିପିଏସ୍ କ୍ଲର୍କ ଭର୍ତ୍ତି ୨୦୨୩ ଉପରେ କ୍ଲିକ୍ କରନ୍ତୁ ।
ତା’ ପରେ ରେଜିଷ୍ଟ୍ରେସନ କରନ୍ତୁ ।
ରେଜିଷ୍ଟ୍ରସନ କରିବା ପରେ ସମସ୍ତ ଆବଶ୍ୟକ ଦସ୍ତାବିଜ ଅପଲୋଡ କରିବା ପରେ ଆବେଦନ ଶୁଳ୍କ ଭରନ୍ତୁ ।
ଏହାପରେ ସବମିଟ୍ କରନ୍ତୁ ଏବଂ ପେଜ୍ ଡାଉନଲୋଡ କରି ରଖନ୍ତୁ ।
ଶେଷରେ ଏକ ହାର୍ଡ କପି ନିଜ ପାଖରେ କାଢି ରଖନ୍ତୁ ।
ଅଧିକ ଜାଣିବା ପାଇଁ ଏଠାରେ କ୍ଲିକ୍ କରନ୍ତୁ :
https://www.careerpower.in/blog/wp-content/uploads/2023/07/01001952/ibps-clerk-notification-2023.pdf
