ଆନ୍ଧ୍ରପ୍ରଦେଶର ସରକାରୀ ହସପିଟାଲରେ ୮ ରୋଗୀ ମୃତ, ଅକ୍ସିଜେନ ଅଭାବରୁ ମୃତ୍ୟୁ ହୋଇଥିବା ପରିବାର ପକ୍ଷରୁ ଅଭିଯୋଗ
ଆନ୍ଧ୍ରପ୍ରଦେଶର ନେଲ୍ଲୋର ଜିଲ୍ଲା ହସପିଟାଲରେ ୮ ଜଣ ରୋଗୀଙ୍କ ମୃତ୍ୟୁ ହୋଇଛି । ଘଟଣା ପରେ ହସପିଟାଲରେ ହଙ୍ଗାମା ହୋଇଛି । ଅକ୍ସିଜେନ ଅଭାବରୁ ରୋଗୀଙ୍କ ମୃତ୍ୟୁ ହୋଇଥିବା ପରିବାର ପକ୍ଷରୁ ଅଭିଯୋଗ ହୋଇଛି । ଏହାକୁ ଖଣ୍ଡନ କରିଛି ହସପିଟାଲ କର୍ତ୍ତୃପକ୍ଷ ।
ଆନ୍ଧ୍ରପ୍ରଦେଶର ନେଲ୍ଲୋର ସହରରେ ଥିବା ଏକ ସରକାରୀ ହସପିଟାଲରେ ଶ୍ୱାସରୁଦ୍ଧ ହୋଇ ୮ ରୋଗୀ ମୃତ୍ୟୁ ହୋଇଛି । ତେବେ ପରିବାର ପକ୍ଷରୁ ହସପିଟାଲରେ ଅକ୍ସିଜେନ ଅଭାବରୁ ହୋଇଛି ବୋଲି ଅଭିଯୋଗ ହେଉଥିବା ବେଳେ ହସପିଟାଲ କର୍ତ୍ତୃପକ୍ଷ ମନା କରୁଛନ୍ତି । ଏମାନଙ୍କ ମୃତ୍ୟୁ ରୋଗ କାରଣରୁ ହୋଇଛି ବୋଲି ହସପିଟାଲ ପକ୍ଷରୁ କୁହାଯାଇଛି ।
ଖବର ମୁତାବକ, ନେଲ୍ଲୋର ଜିଲ୍ଲା ସରକାରୀ ହସପିଟାଲରେ ୮ ଜଣଙ୍କ ମଧ୍ୟରୁ ୬ ଜଣ ଆଇସିୟୁରେ ରହିଥିଲେ । ଅକ୍ସିଜେନ ଅଭାବରୁ ଏଭଳି ଅଘଟଣ ଘଟିଛି ବୋଲି ମୃତକଙ୍କ ପରିବାର ଲୋକେ ଅଭିଯୋଗ କରୁଛନ୍ତି । ଏଭଳି ଘଟଣା ପରେ ହସପିଟାଲରେ ହଙ୍ଗାମା ହୋଇଛି । କିନ୍ତୁ ହସପିଟାଲ କର୍ତ୍ତୃପକ୍ଷ ଅଭିଯୋଗକୁ ଖଣ୍ଡନ କରିଛନ୍ତି । ଏମାନଙ୍କ ମୃତ୍ୟୁ ରୋଗ ଯୋଗୁଁ ହୋଇଛି । ହସପିଟାଲରେ ଅକ୍ସିଜେନର କୌଣସି ଅଭାବ ନାହିଁ ।
ଏହି ମାମଲାରେ ସରକାରୀ ହସପିଟାଲରେ ଅଧୀକ୍ଷକ ଅଭିଯୋଗକୁ ଖଣ୍ଡନ କରିଛନ୍ତି । ରୋଗୀ ମୃତ୍ୟୁକୁ ନେଇ ଜିଲ୍ଲାପାଳ ଯାଞ୍ଚ ପାଇଁ ନିର୍ଦ୍ଦେଶ ଦେଇଛନ୍ତି ।
