୧୯ ବର୍ଷର ଏହି ବାଳକ ନଡିଆ ଖୋଳ ସହିତ କଲେ କିଛି ଏପରି କାରନାମା, ଯାହାକୁ ଦେଖି ରହିଗଲା ସାରା ଦୁନିଆ
ଅଦରକାରୀ ଜିନିଷକୁ କିପରି ଉପଯୋଗ କରିପାରିବା ଏଥିପାଇଁ ଏକ ଉଦାହରଣ ସାଜିଛନ୍ତି ମଧ୍ୟପ୍ରଦେଶରେ ରହୁଥିବା ଗଜେନ୍ଦ୍ର ଶର୍ମା । କେବଳ ୭୨ ଟଙ୍କା ବିନିମୟରେ କଞ୍ଚା ନଡିଆ ଖୋଳରେ ସେ ବିଶ୍ବର ୫୧ଟି ଐତିହାସିକ କ୍ଷେତ୍ରର ଚିତ୍ର ତିଆରି କରିଛନ୍ତି । ଗଜେନ୍ଦ୍ରଙ୍କ ବୟଷ ୧୯ବର୍ଷ ହୋଇଥିବାବେଳେ ସେ ବିଏସସି ଫାଇନାଲ ଇୟର୍ ପଢୁଛନ୍ତି । ନିଜର ଏହି କଳା କାରଣରୁ ସେ ଏବେ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ସାଉଁଟୁଛନ୍ତି ।
ବିଶ୍ବ ବିଜ୍ଞାନ ଦିବସରେ ସେ ଏହି ଚିତ୍ର ସବୁକୁ ହୋଲକର ସାଇନ୍ସ କଲେଜରେ ପ୍ରଦର୍ଶନ କରିଥିଲେ । ସେଠାରେ କଲେଜର ସବୁ ପ୍ରଫେସରଙ୍କ ସହିତ ନାଗାଲାଣ୍ଡର ପ୍ରଫେସର ମଧ୍ୟ ଉପସ୍ଥିତ ଥିଲେ । ଯିଏ ଗଜେନ୍ଦ୍ରଙ୍କର ଏହି କାମକୁ ଦେଖିଥିଲେ ଏବଂ ଇଣ୍ଡିଆ ବୁକ୍ ଅଫ୍ ରେକର୍ଡସ୍ ରେ ଦେବାକୁ ଉପଦେଶ ଦେଇଥିଲେ ।
ଏହାସହ ପଢନ୍ତୁ : ହିନ୍ଦୁଧର୍ମରେ ନଡ଼ିଆ ବା ଶ୍ରୀ ଫଳର ରହିଛି ଅନେକ ମହତ୍ୱ, ଜାଣନ୍ତୁ ଏହାର…
ଗଜେନ୍ଦ୍ର କହିଛନ୍ତି କି, ସେ ଫେବ୍ରୁଆରୀ ମାସରେ ପ୍ରଥମେ ନଡିଆର ଏକ ଖୋଳରେ ଲାଲକିଲା ଆଙ୍କିଥିଲେ । ଏହାପରେ କୁତୁବମିନାର,ହବାମେହଲ,ଚୀନର କବାଟ,ତାଜମହଲ ସମେତ ୟୁନେସ୍କୋ ର ସୂଚୀରେ ସାମିଲ ୫୧ଟି ଐତିହାସିକ ସ୍ଥଳୀକୁ ଚିତ୍ର ମାଧ୍ୟମରେ ଜୀବନ୍ତ ରୂପ ଦେଇଥିଲେ ।
ଏଠାରେ କହି ରଖୁଛୁ ଯେ, ଗଜେନ୍ଦ୍ରଙ୍କର ଏହି କଳା ଇଣ୍ଡିଆ ବୁକ୍ ଅଫ୍ ରେକର୍ଡସ୍ ଏବଂ ଲିମ୍କା ବୁକ୍ ଅଫ୍ ରେକର୍ଡସରେ ମାକ୍ସ ୱାଲ୍ଡ ହେରିଟେଜ୍ ସ୍କେଚ୍ ଅନ୍ ବେଷ୍ଟ କୋକୋନଟ୍ ସେଲ୍ ଶୀର୍ଷକ ନାମରେ ସାମିଲ୍ କରାଯାଇଛି।
