କୁହାଯାଏ କୁକୁର ହେଉଛି ପଶୁମାନଙ୍କ ମଧ୍ୟରେ ସବୁଠାରୁ ବିଶ୍ୱସ୍ତ। ଚଳଚ୍ଚିତ୍ରର ଅନେକ ଦୃଶ୍ୟରେ, ଆପଣ ନିଶ୍ଚୟ ଦେଖିଥିବେ ଯେ କୁକୁର କିପରି ମାଲିକକୁ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଏ। ତାମିଲନାଡୁର ନାମାକ୍କାଲ ସହରରୁ ମଧ୍ୟ ଏଭଳି ଏକ ଘଟଣା ସାମ୍ନାକୁ ଆସିଛି। ସେଠାରେ ଜଣେ ବୃଦ୍ଧଙ୍କୁ ପୁଅ ମାଡ ମାରୁଥିବାବେଳେ ଏକ କୁକୁର ମହିଳାଙ୍କୁ ରକ୍ଷା କରିବା ପାଇଁ ବାରମ୍ବାର ଚେଷ୍ଟା କରୁଥିଲା। କିନ୍ତୁ ପୁଅ ସେହି କୁକୁରକୁ ମଧ୍ୟ ଆକ୍ରମଣ କରିବାକୁ ଚେଷ୍ଟା କରୁଥିବାର ଦେଖାଯାଇଛି। ଯେତେବେଳେ କୁକୁର ଟିକିଏ ପଛକୁ ଆସୁଥିଲା, ପୁଅ ନିଜ ମା’ଙ୍କୁ ଘୋଷାଡି ନେଉଥିଲେ। ଯଦିଓ କୁକୁର ତାଙ୍କୁ ଅନେକ ଥର କାମୁଡ଼ିବାକୁ ଚେଷ୍ଟା କରେ କିନ୍ତୁ ସେ ତଥାପି ସେ ମା’ଙ୍କ ବାରମ୍ବାର ମାଡ ମାଡ ମାରୁଥିଲେ। ଏଥିରେ ତାଙ୍କ ସ୍ତ୍ରୀଙ୍କ ସହ ତାଙ୍କ ଶ୍ୱଶୂର ଘର ଲୋକେ ମଧ୍ୟ ତାଙ୍କୁ ସମର୍ଥନ କରୁଥିଲେ।
A man in #TamilNadu ‘s Ponneripatti brutally attacked his mother for money while her dog tried to protect her. #brothersisterlove #Chennai #Chiranjeevi #HappyRakshaBandhan #HBDMegastarChiranjeevi #Manipur #MadrasDay #WhyModiAvoidsMSP #WorldSanskritDay pic.twitter.com/qQbnYQpCua
— Vijay kumar🇮🇳 (@vkvkmarwat) August 22, 2021
ସ୍ବାମୀଙ୍କ ମୃତ୍ୟୁ ପରେ ଉକ୍ତ ସମ୍ପୃକ୍ତ ମହିଳା ନଲ୍ଲମ୍ମଲ ପୋନେରିପଟୀରେ ଏକାକୀ ରହୁଥିଲେ। ସେ ନିଜ ଜମିକୁ ପୁଅ ନାଁରେ କରିଦେଇଥିଲେ। ସେ ନିଜ ପେଟ ପୋଷିବା ପାଇଁ ମନରେଗା ସ୍କିମ ଅଧୀନରେ କାମ କରୁଥିଲେ। ନଲ୍ଲମ୍ମଲଙ୍କ ପୁଅ ଶାନମୁଗମ ଏବେ ତାଙ୍କ ମା’ଙ୍କ ରୋଜଗାର ଟଙ୍କା ହଡପ କରିବାକୁ ଚାହୁଁଛନ୍ତି। ସୂଚନା ଅନୁଯାୟୀ, ମାତା ନଲ୍ଲମ୍ମଲ ତିନି ଲକ୍ଷ ଟଙ୍କା ଜମା କରିଥିଲେ ଏବଂ ସେ ଏହି ଟଙ୍କାକୁ ନିଜ ଘରେ ସୁରକ୍ଷିତ ରଖିଥିଲେ। ତେଣୁ ଶାନମୁଗମ ତାଙ୍କ ମା’ଙ୍କୁ ରାସ୍ତାରେ ଟାଣି ନେଇ ଘରର ଚାବି ଛଡ଼େଇ ନେବାକୁ ଚେଷ୍ଟା କରିଥିଲେ। ଏହି ସମୟରେ, ନଲ୍ଲମ୍ମଲଙ୍କ ପୋଷା କୁକୁର ନିଜ ମାଲିକକୁ ବଞ୍ଚାଇବା ପାଇଁ ଯଥାସମ୍ଭବ ଚେଷ୍ଟା କରୁଥିଲା। ଏହି ପ୍ରୟାସରେ ଶାନମୁଗମକୁ ମଧ୍ୟ ଅନେକ ଥର ଆକ୍ରମଣ କରିଥିଲା ଏଥିସହ ଭିଡିଓ ଭାଇରାଲ ହେବା ପରେ ପୁଅକୁ ଗିରଫ କରାଯାଇଛି ଏବଂ ତାଙ୍କ ସ୍ତ୍ରୀଙ୍କୁ ଖୋଜା ଚାଲିଛି। ପରେ ନାଲ୍ଲାମ୍ମୁଲଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି।