ସମୁଦ୍ର କୂଳରେ ବୁଲିବା ମଜା କିଛି ନିଆରା । ସାଧାରଣ ଲୋକଙ୍କୁ କିଛିଟା ଫୁରସତ ମିଳିବା କ୍ଷଣି ସେମାନେ ପ୍ରଥମେ ପରିବାର ସହିତ ଛୁଟି କାଟିବା ନେଇ ଯୋଜନା କରନ୍ତି । ଆଉ ଏଥିପାଇଁ ପ୍ରଥମ ପସନ୍ଦ ସମୁଦ୍ର କୁଳ ହିଁ ହୋଇଥାଏ । ଏମିତିରେ ତ ପ୍ରାୟ ସବୁ କୂଳର ଏକ ଖାସ ସୌନ୍ଦର୍ଯ୍ୟ ଥାଏ । କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ବିଚ ବିଷୟରେ କହିବାକୁ ଯାଉଛୁ ଯାହା ବିଷୟରେ ହୁଏତ ଆପଣ ଆଗରୁ କେବେ ଜାଣି ନଥିବେ କି ଶୁଣି ବି ନଥିବେ ।ଆପଣ କେବେ କାଚ ପ୍ରସ୍ତୁତ ବିଚ ବିଷୟରେ ଶୁଣିଛନ୍ତି କି ? ବିଚ ପୁଣି କାଚରେ ତିଆରି ହୋଇଥିବ । ଶୁଣିବାକୁ ଅଜବ ଲାଗୁଛି ନା ।ରୁଷରେ ଏମିତି ଏକ ସମୁଦ୍ର କୁଳ ଆସିଛି ଯାହାର କୂଳକୁ କେବଳ କାଚ ବୋତଲରେ ହିଁ ସଜ୍ଜା ଯାଇଛି । ଏହା କୂଳରେ ଠିଆ ହେଲେ ଚାରି ପାଖରେ କେବଳ ରଙ୍ଗ ବିରଙ୍ଗ କାଚ ହିଁ ନଜର ଆସିବ । ଏହି ଦୃଶ୍ୟ ଦେଖିଲେ ଯା କାହାର ବି ମନ ମୋହିଯିବ । ଆଉ ଏହି ସ୍ୱତନ୍ତ୍ର ସମୁଦ୍ର କୂଳର ମଜା ନେବା ନେବା ପାଇଁ କାହିଁ କେଉଁ ଦୂରରୁ ଲୋକଙ୍କ ସୁଅ ଛୁଟୁଛି ।
ରୁଷର ଏହି ବିଚର “ଗ୍ଲାସ ବିଚ” ନାଁରେ ପୁରା ବିଶ୍ୱରେ ପ୍ରସିଦ୍ଧି ଲାଭ କରିଛି । ଆଉ ଏହା ପଛରେ ବି ଏକ ସ୍ୱତନ୍ତ୍ର ଇତିହାସ ବି ଅଛି । ସ୍ଥାନୀୟ ଲୋକଙ୍କ ଅନୁସାରେ କିଛି ବର୍ଷ ତଳେ ଏହି ବିଚ କୂଳରେ ବସି ଲୋକେ ମଦ ପିଉଥିଲେ । ଆଉ ଖାଲି ବୋତଲକୁ ସମୁଦ୍ର କୂଳରେ ହିଁ ଫୋପାଡ଼ି ଦେଇ ପଳାଉଥିଲେ । ଏହି କାରଣରୁ ହିଁ ସେଠାକାର ସରକାର ଏହି ବିଚ ସର୍ବସାଧାରଣଙ୍କ ପାଇଁ ନିଷେଧାଦେଶ ଜାରି କରିଥିଲେ । କିନ୍ତୁ କିଛି ଦିନ ପରେ ରଙ୍ଗ ବିରଙ୍ଗ ବୋତଲ ତଥା ପଥରରେ ଏହାକୁ ସଜ୍ଜା ଯାଇଥିଲା । ଯାହାକି କୂଳର ସୌନ୍ଦର୍ଯ୍ୟକୁ ଅନେକ ଗୁଣା ବଢ଼ାଇ ଦେଇଛି ।