ଶିଶୁଙ୍କ ପ୍ରିୟ ଷ୍ଟାର ବାଲବୀର କରିବେ ଚନ୍ଦ୍ର ଅଭିଯାନ, ୩ ଲକ୍ଷ ଲୋକଙ୍କ ମଧ୍ୟରୁ ବଛା ଗଲା ଦେବଯୋଶୀଙ୍କୁ
ନୂଆଦିଲ୍ଲୀ : ସବ୍ ଟିଭିର ଚର୍ଚ୍ଚିତ ଶୋ’ ‘ବାଲବୀର’ ର ଶିଶୁ କଳାକାର ବାଲବୀର ଅର୍ଥାତ ଦେବ ଯୋଶୀଙ୍କ କଥା ଆପଣଙ୍କ ମନେଥିବ । ଏବେ ସେ ବଡ ହୋଇଗଲେଣି ଓ ଚାନ୍ଦ ମାମଙ୍କୁ ଭେଟିବାକୁ ଯାଉଛନ୍ତି । ଜାପାନର ଜଣେ ଆରବପତି ଏହି ଟ୍ରିପ ଫାଇନାଲ କରିଦେଇଛନ୍ତି । ଚନ୍ଦ୍ରକୁ ଯିବା ପାଇଁ କିଛି ଲୋକଙ୍କୁ ବଛାଯାଇଛି । ସେମାନଙ୍କ ମଧ୍ୟରେ ଦେବ ଯୋଶୀଙ୍କ ନାମ ଥିବା ଜଣାଯାଇଛି ।
୩ ଲକ୍ଷ ଲୋକଙ୍କ ମଧ୍ୟରୁ ଦେବ ଯୋଶୀଙ୍କୁ ବଛାଯାଇଛି
ଜାପାନର ଆରବପତି ୟାସୁକା ମୀଜାବା ମିଶନ ମୁନର ଘୋଷଣା କରିଛନ୍ତି । ଯାହାର ସବୁ ଟିକଟ କିଣିବା ପରେ ଚନ୍ଦ୍ରକୁ ଯିବା ପାଇଁ ଇଚ୍ଛୁକ ଥିବା ବ୍ୟକ୍ତିଙ୍କୁ ଆବେଦନ କରିବା ପାଇଁ କହିଛନ୍ତି । ଏଥିରେ ୩ ଲକ୍ଷ ଲୋକଙ୍କ ରେଜିଷ୍ଟ୍ରେସନ ହୋଇଛି । ଯେଉଁଥିରେ ସବୁଠୁ ଅଧିକ ଭାରତୀୟଙ୍କ ନାମ ଥିବା ଜଣାଯାଇଛି । ଏହା ମଧ୍ୟରୁ ୮ ଲୋକଙ୍କୁ ବଛାଯାଇଛି । ଯେଉଁଥିରେ ଦେବ ଯୋଶୀଙ୍କ ନାମ ସାମିଲ ଥିବା ଜଣାଯାଇଛି । ଏହି ବିଷୟରେ ନିଜେ ଦେବ ଯୋଶୀ ତାଙ୍କ ଇନ୍ଷ୍ଟାଗ୍ରାମରେ ପ୍ରକାଶ କରିଛନ୍ତି । ସେ ଏହି ଟ୍ରପ ପାଇଁ ବହୁତ ଉତ୍ସାହିତ ଅଛନ୍ତି । ୟାସୁକାଙ୍କ କ୍ରୁ ମେମ୍ବରଙ୍କ ତାଲିକା ଫାଇନାଲ ହୋଇ ସାରିଛି ।
କିଛି ବିଭାଗରୁ ଅନୁମତି ମିଳିବା ବାକି ରହିଛି
ଦେବ ଯୋଶୀ ଆଗାମୀ ବର୍ଷ ଏହି ଟ୍ରିପରେ ଯିବେ । ତେବେ ଏହି ଟ୍ରିପ ପାଇଁ କିଛି ବିଭାଗରୁ ଅନୁମତି ମିଳିବାକୁ ବାକି ରହିଛି । ଏହାପରେ ଟ୍ରିପ ଫାଇନାଲ ହୋଇଯିବ । ଏହି ପ୍ରୋଜେକ୍ଟ ର ନାମ ରହିଛି ‘ସ୍ପେସ୍ ଏକ୍ସ ଷ୍ଟାରସିପ ’ ।
View this post on Instagram
ଦ୍ୱିତୀୟ ଥର ପାଇଁ ଚାନ୍ଦକୁ ଯିବ ମଣିଷ
୧୯୭୨ ପରେ ଏହା ଦ୍ୱିତୀୟ ଥର ପାଇଁ କୌଣସି ମନୁଷ୍ୟ ଚନ୍ଦ୍ରକୁ ଯିବାକୁ ପ୍ରସ୍ତୁତ ହେଉଛି । ହେଲେ ଆମେରିକା ରେଗୁଲେଟର୍ସ ଏଯାଏ ଏହି ଯାତ୍ରାକୁ ଅନୁମତି ଦେଇ ନାହିଁ ।