ରାସ୍ତା ପାର୍ ହେଉଥିବା ସମୟରେ ମୃତ୍ୟୁମୁଖରୁ ଅଳ୍ପକେ ବର୍ତ୍ତିଲେ ମହିଳା, ଭିଡିଓ ହେଲା ଭାଇରାଲ
ପ୍ରଳୟଙ୍କାରୀ ବାତ୍ୟା ତାଉତେ ତା’ର କରାଳ ରୂପ ଦେଖାଇଛି । ଏଥିରେ ଅନେକଙ୍କ ଜୀବନ ମଧ୍ୟ ହାନି ହୋଇଛି । ଘର ସମ୍ପତ୍ତି ନଷ୍ଟ ହୋଇଛି । ତେବେ ବାତ୍ୟା ପରେ ମଧ୍ୟ ଲୋକ ଅନେକ ସମସ୍ୟାର ସମ୍ମୁଖିନ ହେଉଛନ୍ତି । ରକ୍ଷାକାରୀ ଟିମ ସେଠାରେ ପହଞ୍ଚି ଅନେକ କାର୍ଯ୍ୟ ମଧ୍ୟ ଆରମ୍ଭ କରିସାରିଛି । ତେବେ ଏହି ବାତ୍ୟାରେ ଅନେକ ଗଛ ନଷ୍ଟ ହୋଇଥିବାର ମଧ୍ୟ ଦେଖିବାକୁ ମିଳିଛି । ଏବେ ଏହାକୁ ନେଇ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଏହି ଭିଡିଓଟି ମୁମ୍ବାଇ ସ୍ଥିତ ଡୋମ୍ବିବାଲୀ ଇଲାକାର । ଏଠାରେ ଏକ ମହିଳା ରାସ୍ତା ପାର୍ କରିବା ସମୟରେ ପାଖରେ ଥିବା ଏକ ଗଛର ବଡ଼ ଡାଳ ଅଚାନକ ଭାଙ୍ଗି ପଡିଥିଲା । ଏହି ବିଷୟରେ ମହିଳା ଜଣକ ଅବଜ୍ଞ ଥିଲେ । ଭାଗ୍ୟ ବଳରୁ ଅଳ୍ପକେ ବର୍ତ୍ତିଲେ ମହିଳା । ଏହି ଘଟଣାଟି ସିସିଟିଭି କ୍ୟାମେରାରେ କଏଦ ହୋଇଥିଲା । ଯାହାର ଭିଜୁଆଲ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଦେଖନ୍ତୁ ଏହି ଭିଡିଓ..
#WATCH | Mumbai: A woman had a narrow escape when she managed to move away from the spot just in time as a tree uprooted and fell there. (17.05.2021)
Mumbai received heavy rain and wind yesterday in wake of #CycloneTauktae
(Source: CCTV footage) pic.twitter.com/hsYidntG7F
— ANI (@ANI) May 18, 2021
ଏହି ଭିଡିଓକୁ ନ୍ୟୁଜ ଏଜେନ୍ସି ଏଏନଆଇ ମଙ୍ଗଳବାର ସେୟାର କରିଥିଲେ । ଏହି ୮ ସେକେଣ୍ଡର ଭିଡିଓ ଏବେ ଚାରିଆଡେ ଘୂରି ବୁଲୁଛି । ମୃତ୍ୟୁମୁଖରୁ ଅଳ୍ପକେ ବର୍ତ୍ତିଥିବା ଏହି ମହିଳା ଜଣକ ଭିଡିଓକୁ ଏବେ ଖୁବ ପସନ୍ଦ କରାଯାଉଛି ।
