ବୈଜ୍ଞାନିକଙ୍କ ଦାବି ଏବେ ଏଡ଼ସ ଭଳି ମାରାତ୍ମକ ରୋଗ କବଳରେ କୁକୁର
ଏଡସ ଭଳି ମାରାତ୍ମକ ରୋଗ କୁକୁରମାନଙ୍କ ମଧ୍ୟରେ ବି ବିସ୍ତାର ହେଉଛି ନିକଟରେ ଏମିତି ଏକ ଆଶ୍ଚର୍ଯ୍ୟକର ଦାବି କରିଛନ୍ତି ବୈଜ୍ଞାନିକ । ବୈଜ୍ଞାନିକମାନଙ୍କ କହିବା ଅନୁଯାୟୀ ଯଦି ଏହି ରୋଗ କୁକୁରମାନଙ୍କଠାରେ ଦେଖାଯାଏ । ତେବେ ଚିକିତ୍ସା ନହେବା ପରେ ସେମାନେ କିଛି ଦିନ ମଧ୍ୟରେ ମରିଯାଆନ୍ତି । ନିକଟରେ ହୋଇଥିବା ଏକ ପରୀକ୍ଷଣ ଦ୍ୱାରା ଅନେକ କୁକୁର ଏଡସ୍ ପଜିଟିଭ୍ ବୋଲି ଜଣାପଡିଛି ।
ଲୁଭାସର ପରଜୀବୀ ବିଭାଗର ବୈଜ୍ଞାନିକମାନେ କିଛି ପଶୁଙ୍କ ନମୁନା ପରୀକ୍ଷା କରିବା ପରେ ସେମାନେ ଏଡସ୍ ପଜିଟିଭ୍ ବୋଲି ଦାବି କରିଛନ୍ତି । ବୈଜ୍ଞାନିକମାନେ ଦୀର୍ଘ ଅନୁସନ୍ଧାନ ପରେ ଜାଣିବାକୁ ପାଇଲେ ଯେ କୁକୁର, ମେଣ୍ଢା ଏବଂ ଠେକୁଆଠାରେ ଏରଲିସିଆ ନାମକ ଏକ ପରଜୀବୀ ଦ୍ୱାରା ଏଡସ ବ୍ୟାପିଥାଏ ।
ସାରା ବିଶ୍ୱରେ 90 ନିୟୁତ କୁକୁର ଅଛନ୍ତି । ଭାରତରେ କୁକୁର ସଂଖ୍ୟା 9 ହଜାର ଲକ୍ଷ ବୋଲି କୁହାଯାଉଛି । ଯଦି ଆମେ ହରିୟାଣା ବିଷୟରେ କହିବା ତାହେଲେ ଏଠାରେ ପ୍ରାୟ 19 ଲକ୍ଷ କୁକୁର ଅଛନ୍ତି । ଲୁଭାସର ପରଜୀବୀ ବିଭାଗର ମୁଖ୍ୟ ଡକ୍ଟର ସୁଖଦୀପ ଭୋହ୍ରା ଏବଂ ବୈଜ୍ଞାନିକ ଡକ୍ଟର ଅନିଲ କୁମାର ନେହେରା କହିଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ବିଦେଶୀ ପ୍ରଜାତିର କୁକୁରମାନଙ୍କରେ ଏଡସ ରୋଗ ଦେଖିବାକୁ ମିଳିଛି ।
ଏହି ବୈଜ୍ଞାନିକମାନଙ୍କ କହିବା ଅନୁଯାୟୀ ଏହି ରୋଗ ଦକ୍ଷିଣ ଆଫ୍ରିକାର କୁକୁରମାନଙ୍କଠାରେ ଅଧିକ ଏବଂ ବର୍ତ୍ତମାନ ଏହା ଆମେରିକା ଏବଂ ଭାରତର କୁକୁରମାନଙ୍କଠାରେ ବ୍ୟାପିଛି । ଭାରତର ପ୍ରତ୍ୟେକ ରାଜ୍ୟରୁ କୁକୁରମାନଙ୍କଠାରେ ଏଡସ୍ ରୋଗ ହୋଇଥିବା ଜଣାପଡିଛି । ତେବେ ଏହି ରୋଗ ପ୍ରଥମେ ଶରୀରରେ ବ୍ୟାପିଥାଏ ଏବଂ ଭାଇରସ ରକ୍ତରେ ପହଞ୍ଚିବା ପରେ କୁକୁରକୁ ପ୍ରଭାବିତ କରିଥାଏ ଏବଂ ଯଦି ତିନିରୁ ଚାରି ଦିନ ମଧ୍ୟରେ ଚିକିତ୍ସା କରାନଯାଏ ତାହେଲେ କୁକୁରର ମୃତ୍ୟୁ ହୋଇଯାଇଥାଏ ।
ଲୁଭାସର ଜୀବବିଜ୍ଞାନ ବିଭାଗର ମୁଖ୍ୟ ଡକ୍ଟର ସୁଖଦୀପ ଭୋହ୍ରା କହିଛନ୍ତି ଯେ ଏଡସ୍ ପଜିଟିଭ୍ ହେବା ପରେ ପଶୁ ଦୁର୍ବଳ ହେବାକୁ ଲାଗେ । ତାଙ୍କର ଶାରୀରିକ ବିକାଶ ମଧ୍ୟ ସଂପୂର୍ଣ୍ଣ ବନ୍ଦ ହୋଇଯାଏ । ନାକରୁ ରକ୍ତ ପ୍ରବାହିତ ହେବାକୁ ଲାଗେ । ପେଟ ଏବଂ ଡିମ୍ବାଣୁ ଫୁଲିଯାଏ, ଆଖି ମଧ୍ୟ ଲାଲ ହୋଇଯାଏ ।
