ଆରମ୍ଭ ହୋଇଯାଇଛି ଖରମାସ ବା ମଳମାସ। ଏହି ମାସରେ ସ୍ୱତନ୍ତ୍ର ଭାବେ ସୂର୍ଯ୍ୟଦେବ ଓ ଭଗବାନ ବିଷ୍ଣୁଙ୍କ ପୂଜା ଉପାସନା କରିବାର ବିଶେଷ ମହତ୍ତ୍ୱ ରହିଛି। ଏଥିସହ ତୀର୍ଥସ୍ଥଳରେ ସ୍ନାନ ଏବଂ ଦାନ ଆଦି କରିବାକୁ ପୁରାଣରେ ବର୍ଣ୍ଣନା କରାଯାଇଛି। ଏହି ମାସରେ ପ୍ରତିଦିନ ଦାନଧର୍ମ କଲେ ସମସ୍ତ ସମସ୍ୟା ଦୂର ହୁଏ ବୋଲି ବିଶ୍ୱାସ ରହିଛି। ଆସନ୍ତୁ ଜାଣିବା ମଳମାସରେ କ’ଣ କ’ଣ ଦାନଧର୍ମ କରିବା ଉଚିତ…
ପ୍ରତିପଦା: ପ୍ରତିପଦା ତିଥିରେ ଘିଅରେ ପୂର୍ଣ୍ଣ ଏକ ଚାନ୍ଦିର ପାତ୍ର ଦାନ କରନ୍ତୁ, ଏହା ଦ୍ୱାରା ଆପଣଙ୍କୁ ମାନସିକ ଶାନ୍ତି ମିଳିବ।
ଦ୍ୱିତୀୟା ତିଥି: ଦ୍ୱିତୀୟା ଦିନ କଂସାର ପାତ୍ରରେ ସୁନା ରଖି ଦାନ କରନ୍ତୁ ଆପଣଙ୍କ ଘରେ କେବେ ଧନଧାନ୍ୟର ଅଭାବ ରହିବ ନାହିଁ।
ତୃତୀୟା: ତୃତୀୟା ତିଥିରେ ଚଣା ଦାନ କରିବା ଦ୍ୱାରା ଜୀବନରେ ସୁଖ ପ୍ରାପ୍ତି ହୋଇଥାଏ।
ଚତୁର୍ଥୀ: ଚତୁର୍ଥୀ ତିଥିରେ ଖାରକ ଦାନ କରିବା ଦ୍ୱାରା ଲାଭ ମିଳିଥାଏ।
ପଞ୍ଚମୀ: ଏହି ତିଥିରେ ଗୁଡ଼ ଦାନ କରିବା ଦ୍ୱାରା ମାନସମ୍ମାନ ବୃଦ୍ଧି ହୋଇଥାଏ।
ଷଷ୍ଠୀ: ଏହି ଦିନ ଔଷଧ ଦାନ କରିବା ଦ୍ୱାରା ରୋଗ ବିକାର ଦୂର ହୋଇଥାଏ।
ସପ୍ତମୀ: ଏହି ତିଥିରେ ଲାଲ୍ ଚନ୍ଦନ ଦାନ କରନ୍ତୁ, ବଳ ବୁଦ୍ଧି ବଢ଼ିବ।
ଅଷ୍ଟମୀ: ଅଷ୍ଟମୀ ତିଥିରେ ରକ୍ତ ଚନ୍ଦନ ଦାନ କରିବା ଦ୍ୱାରା ପରାକ୍ରମ ବଢ଼ିଥାଏ।
ନବମୀ: ନବମୀରେ କେସର ଦାନ କରନ୍ତୁ ଭାଗ୍ୟ ଉଦୟ ହେବ।
ଦଶମୀ: ଏହି ତିଥିରେ କସ୍ତୁରୀ ଦାନ କରିବା ଦ୍ୱାରା ମନୋସ୍କାମନା ପୂର୍ଣ୍ଣ ହୋଇଥାଏ।
ଏକାଦଶୀ: ଏହି ଦିନ ଗୋରୋଚନ ଦାନ କରିବା ଦ୍ୱାରା ବୁଦ୍ଧି ବଢ଼େ।
ଦ୍ୱାଦଶୀ: ଦ୍ୱାଦଶୀରେ ଶଙ୍ଖ ଦାନ କରିବା ଦ୍ୱାରା ଧନ ବୃଦ୍ଧି ହୋଇଥାଏ ତଥା ଧନ ଲାଭ ହୋଇଥାଏ।
ତ୍ରୟୋଦଶୀ: ତ୍ରୟୋଦଶୀ ତିଥିରେ କୌଣସି ମନ୍ଦିରରେ ଘଣ୍ଟି ଦାନ କରିବା ଦ୍ୱାରା ପାରିବାରିକ ସୁଖ ପ୍ରାପ୍ତି ହୋଇଥାଏ।
ଚତୁର୍ଦ୍ଦଶୀ: ଏହି ତିଥିରେ ଧଳା ମୋତି ଦାନ କରନ୍ତୁ ମନୋବିକାର ଦୂର ହେବ।
ଅମାବାସ୍ୟା: ଅମାବାସ୍ୟାରେ ନିଶ୍ଚିତ ଭାବେ ଅଟା ଦାନ କରନ୍ତୁ, ଏହା ଦ୍ୱାରା ସମସ୍ତ ସମସ୍ୟା ଦୂର ହୋଇଥାଏ।
ପୂର୍ଣ୍ଣିମା: ପୂର୍ଣ୍ଣିମାରେ ରତ୍ନ ଦାନ କରିବା ଦ୍ୱାରା ଅପାର ଧନ ପ୍ରାପ୍ତି ହୋଇଥାଏ।