ବ୍ରହ୍ମାଣ୍ଡ ବିସ୍ଫୋରଣ ପରେ ହିଁ ତିଆରି ହେଇଥିଲା ସବୁକିଛି, ଜାଣନ୍ତୁ କିପରି ହୋଇଥିଲା ଏହା
ବ୍ରହ୍ମାଣ୍ଡ କିପରି ଆରମ୍ଭ ହେଲା ? ଏହାର ପ୍ରମୁଖ ତଥ୍ୟ ହେଉଛି ବିଗ୍ ବ୍ୟାଙ୍ଗ ଥିଓରି । ସରଳ ଭାବରେ କହିବାକୁ ଗଲେ ବ୍ରହ୍ମାଣ୍ଡର ଆରମ୍ଭ ବହୁତ ଅଧିକ ଉତ୍ତାପ ଏବଂ ଘନତ୍ୱର ଏକ ବିନ୍ଦୁରେ ଆରମ୍ଭ ହୋଇଥିଲା ।
ବ୍ରହ୍ମାଣ୍ଡ ଏଭଳି ଏକ ଶବ୍ଦ ଯେଉଁଥିରେ ସମ୍ପୂର୍ଣ୍ଣ ଦୁନିଆ ସାମିଲ । ତେବେ ଏହାର ଥିଓରି କଣ ? କଣ ବୈଜ୍ଞାନିକମାନେ ଏ ବିଷୟରେ ସବୁ କିଛି ସନ୍ଧାନ କରି ସାରିଛନ୍ତି ? ସମାନ ଭାବେ ଏଭଳି କିଛି ଦୁନିଆ ଅଛି କି ? ଏଭଳି କିଛି ପ୍ରଶ୍ନ ମଣିଷ ମନରେ ସର୍ବଦା ଆସିଥାଏ । ଏପରି ପରିସ୍ଥିତିରେ ପୃଥିବୀର ବିଭିନ୍ନ ସ୍ପେସ୍ ଏଜେନ୍ସି ସ୍ପେସ୍ ବିଷୟରେ ଜାଣିବା ପାଇଁ କାର୍ଯ୍ୟ କରୁଛନ୍ତି । ଭାରତର ସ୍ପେସ୍ ଏଜେନ୍ସି ISRO ମଧ୍ୟ ଏହି ଦୌଡ଼ରେ ବିଶ୍ୱର ଉନ୍ନତ ଦେଶମାନଙ୍କ ସହିତ କଡ଼ା ଟକ୍କଟ ଦେଉଛି । ତେବେ ଆସନ୍ତୁ ଜାଣିବା ବ୍ରହ୍ମାଣ୍ଡ ପଛରେ କଣ ରହସ୍ୟ ରହିଛି ।
ବ୍ରହ୍ମାଣ୍ଡ କିପରି ଆରମ୍ଭ ହେଲା ? ଏହାର ପ୍ରମୁଖ ତଥ୍ୟ ହେଉଛି ବିଗ୍ ବ୍ୟାଙ୍ଗ ଥିଓରି । ସରଳ ଭାବରେ କହିବାକୁ ଗଲେ ବ୍ରହ୍ମାଣ୍ଡର ଆରମ୍ଭ ବହୁତ ଅଧିକ ଉତ୍ତାପ ଏବଂ ଘନତ୍ୱର ଏକ ବିନ୍ଦୁରେ ଆରମ୍ଭ ହୋଇଥିଲା । ଯାହା ପରବର୍ତ୍ତୀ ୧୩.୭ ବିଲିୟନ ବର୍ଷ ପର୍ଯ୍ୟନ୍ତ ଫୁଲିବା ସହ ବ୍ୟାପିବାରେ ଲାଗିଥିଲା । ବିଗ ବ୍ୟାଙ୍ଗ ବର୍ତ୍ତମାନର ଟେକ୍ନୋଲୋଜି ଜ୍ୟୋତିର୍ବିଜ୍ଞାନୀମାନଙ୍କୁ ବ୍ରହ୍ମାଣ୍ଡ ଜନ୍ମର ପ୍ରକୃତ ସମୟ ଜାଣିବାକୁ ଅନୁମତି ଦେଇ ନାହିଁ । ଏହା ଗାଣିତିକ ସୂତ୍ର ଏବଂ ମଡେଲରୁ ଆସିଥାଏ ।
ପ୍ରାୟ ୧୩.୭ ବିଲିୟନ ବର୍ଷ ପୂର୍ବେ ବ୍ରହ୍ମାଣ୍ଡର ସବୁକିଛି ଅତି ଛୋଟ ଥିଲା ଯାହା ଅସୀମ ଘନତ୍ୱ ଏବଂ ଉତ୍ତାପର ଏକ ବିନ୍ଦୁରେ ଘନୀଭୂତ ଥିଲା । କିନ୍ତୁ ହଠାତ୍ ଏକ ବିସ୍ଫୋରଣ ହୋଇଥିଲା ଯେଉଁଥିରେ ଆମ ବ୍ରହ୍ମାଣ୍ଡ ଆଲୋକର ବେଗଠାରୁ ବି ଅଧିକ ବେଗରେ ବାହାରକୁ ଫୁଲି ଥିଲା । ପଦାର୍ଥବିଜ୍ଞାନୀ ଏଲେନ୍ ଗୁଥଙ୍କ ୧୯୮୦ ସିଦ୍ଧାନ୍ତ ଅନୁଯାୟୀ, ଏହା ବ୍ରହ୍ମାଣ୍ଡର ଇନଫ୍ଲେସନର ଅବଧି ଥିଲା ଯାହାକି ଏକ ସେକେଣ୍ଡର କିଛି ଭଗ୍ନାଂଶ ପ୍ରାୟ 10 ^ -32 ସେକେଣ୍ଡ ପର୍ଯ୍ୟନ୍ତ ରହିଥିଲା । ଯାହା ବିଗ୍ ବ୍ୟାଙ୍ଗ ବିଷୟରେ ଆମର ଚିନ୍ତାଧାରାକୁ ସବୁଦିନ ପାଇଁ ବଦଳାଇଥିଲା ।
ନାସା ଅନୁଯାୟୀ ବ୍ରହ୍ମାଣ୍ଡ ଆରମ୍ଭ ହେବାର ପ୍ରଥମ ସେକେଣ୍ଡ ମଧ୍ୟରେ ହିଁ ଏହି ସବୁ ଘଟିଥିଲା । ଯେତେବେଳେ ସବୁକିଛିର ତାପମାତ୍ରା ପ୍ରାୟ ୧୦ ବିଲିୟନ ଡିଗ୍ରୀ ଫାରେନହାଇଟରେ ପହଞ୍ଚିଥିଲା । ବ୍ରହ୍ମାଣ୍ଡରେ ବର୍ତ୍ତମାନ ନିଉଟ୍ରନ୍, ଇଲେକ୍ଟ୍ରନ୍ ଏବଂ ପ୍ରୋଟନ୍ ପରି ମୌଳିକ କଣିକାର ଏକ ବିଶାଳ ଭଣ୍ଡାର ସାମିଲ ଅଛି । ତେବେ ବର୍ତ୍ତମାନ ପୃଥିବୀରେ ଯେଉଁ କଞ୍ଚାମାଲ ମିଳୁଛି ତାହା ଏହି ବିସ୍ଫୋରଣର ଫଳାଫଳ ବୋଲି କୁହାଯାଏ ।
