ହନୁମାନ ଭକ୍ତଙ୍କ ଉପରେ ସବୁବେଳେ ଆଶୀର୍ବାଦ ରଖିଥାନ୍ତି ଶନିଦେବ, ଶନିଦୋଷରୁ ମୁକ୍ତି ପାଇଁ କରନ୍ତୁ ଏହି ଉପାୟ
ହିନ୍ଦୁ ଧର୍ମ ଗ୍ରନ୍ଥରେ ବର୍ଣ୍ଣିତ କଥା ଏବଂ ଜ୍ଯୋତିଷ ମୁତାବକ, ଶନିଙ୍କୁ ନ୍ଯାୟର ଦେବତା କୁହାଯାଏ। ଶନିବାର ଦିନ ଏହି ପୂଜା କରାଯାଏ। ଏହି ଦିନରେ ପୂଜା କରିବା ଫଳରେ ଶନି ଦୋଷ ପ୍ରଭାବରୁ ମୁକ୍ତି ମିଳିଥାଏ। ଏହାଛଡା ପ୍ରଭୁ ଶ୍ରୀରାମଙ୍କ ଭକ୍ତ ହନୁମାନଙ୍କ ପୂଜା କରିବା ଫଳରେ ହନୁମାନ ଭକ୍ତଙ୍କୁ ଶନି ଦୋଷରୁ ମୁକ୍ତି ମିଳିଥାଏ। ମାନ୍ଯତା ଅନୁସାରେ ହନୁମାନ ଭକ୍ତଙ୍କ ଉପରେ ଶନିଙ୍କ ପ୍ରଭାବ ପଡେ ନାହିଁ। କୁହାଯାଏ, ହନୁମାନଙ୍କ ଭକ୍ତ ଉପରେ ଶନିଦେବ ସବୁବେଳେ ଆଶୀର୍ବାଦ ପ୍ରଦାନ କରନ୍ତି।
ମାନ୍ଯତା ଅନୁଯାୟୀ ଶନିବାର ଦିନ ହନୁମାନଙ୍କ ପୂଜା କରିବା ଦ୍ବାରା ବିଶେଷ ଫଳ ପ୍ରାପ୍ତି ହୋଇଥାଏ ଏବଂ ଶନି ଦୋଷରୁ ମୁକ୍ତି ମିଳିଥାଏ। ହନୁମାନଙ୍କ କୃପାରୁ ଶନିଙ୍କ ଅଶୁଭ ପ୍ରଭାବ ପଡିବ ନାହିଁ। ହନୁମାନଙ୍କ କୃପା ପାଇବା ଦ୍ବାରା ଭକ୍ତ ଏହି ସରଳ ଉପାୟ କରିବା ଉଚିତ।
ହନୁମାନଙ୍କୁ ଏମିତି କରନ୍ତୁ ପୂଜା:
ମଙ୍ଗଳବାର ଏବଂ ଶନିବାର ଦିନ ହନୁମାନଙ୍କ ପୂଜା ଅବଶ୍ଯ କରନ୍ତୁ। ଏହାଛଡା ଭକ୍ତ ହନୁମାନଙ୍କ ପୂଜା ପ୍ରତିଦିନ କରିବା ଉଚିତ। ଯେଉଁ ଭକ୍ତ ହନୁମାନଙ୍କ ପୂଜା ପ୍ରତିଦିନ କରେ , ତା ଉପରେ ଶନି ଦୋଷ ପ୍ରଭାବ ପଡେ ନାହିଁ। ଶନିବାର ଦିନ ହନୁମାନଙ୍କ ସମ୍ମୁଖରେ ଦୀପ ନିଶ୍ଚିତ ଲଗାନ୍ତୁ।
ପ୍ରତିଦିନ ହନୁମାନ ଚାଳିଶା ନିୟମିତ ପାଠ କରନ୍ତୁ। ଏମିତି କଲେ ଶନି ଦୋଷରୁ ମୁକ୍ତି ମିଳିବ। ଏହାକୁ ୫, ୭, କିମ୍ବା ୧୧ ଥର ପାଠ କରନ୍ତୁ।
ସୁନ୍ଦରକାଣ୍ଡ ପାଠ କରିବା ଦ୍ବାରା ମଧ୍ୟ ଶନି ଦୋଷର ପ୍ରଭାବ କମ ହୁଏ। ପ୍ରତି ଶନିବାର ଦିନ ସୁନ୍ଦରକାଣ୍ଡ ନିୟମିତ ପାଠ କରିବା ଦ୍ବାରା ଭକ୍ତଙ୍କ ଉପରୁ ଶନି ଦୋଷ ପ୍ରଭାବ ରହେ ନାହିଁ।
ହିନ୍ଦୁ ଧର୍ମରେ ଦୁଃଖ ଏବଂ କଷ୍ଟରୁ ମୁକ୍ତି ପାଇବା ପାଇଁ ମନ୍ତ୍ର ଜପ କରିବାର ବିଶେଷ ମହତ୍ତ୍ବ ରହିଛି। ଶନି ଦୋଷରୁ ମୁକ୍ତି ପାଇଁ ପାଇଁ ଏହି ମନ୍ତ୍ର ଜପ କରନ୍ତୁ।
ଓଁ ରାମ ରାମଦୁତାୟ ନମଃ
ଓଁ ହଁ ହନୁମତେ ନମଃ
