ଯେତେବେଳେ ଆମେ ଦୋୖଡୁ କିମ୍ବା ଚାଲୁଥାଉ, ଭୂମିରେ ଥିବା ଜିନିଷ ପ୍ରତି ଆମେ ଧ୍ୟାନ ଦେଇ ନଥାଉ। ଏହି କାରଣରୁ, ବେଳେବେଳେ କିଛି ଜିନିଷ ପାଦରେ ଚାପି ହୋଇଯାଏ। ସେହିପରି ସମୁଦ୍ର କୂଳରେ ଦୌଡୁ ଥିବା ସମୟରେ ଜଣେ ବ୍ୟକ୍ତିଙ୍କ ସହ ସମାନ ଘଟଣା ଘଟିଥିଲା । ଚାଲିବାବେଳେ ସେ ଏକ ରହସ୍ୟମୟ ଜୀବକୁ ଦେଖିଲେ। ଯେତେବେଳେ ସେ ରହସ୍ୟମୟ ଜୀବକୁ ଅନୁସନ୍ଧାନ କରିବାକୁ ଚିନ୍ତା କଲେ,ତାର ଦାନ୍ତ ତାଙ୍କ ଗୋଡରେ ବାଜିଲା। ସେ ଏହା ଦେଖିବା ମାତ୍ରେ ଆଶ୍ଚର୍ଯ୍ୟ ହୋଇଗଲେ।
ଖବର ଅନୁଯାୟୀ ଆଣ୍ଡି ରିସ୍ ନାମକ ଜଣେ ବ୍ୟକ୍ତି ୱେଲ୍ସର ଥ୍ରୀ କ୍ଲିଫସ୍ ବେ ଉପରେ ଦୌଡୁ ଥିବା ବେଳେ ସେ ଏକ ରହସ୍ୟମୟ ଜୀବକୁ ଦେଖିଥିଲେ। ତେବେ, ନିକଟତର ହୋଇ ସେହି ପ୍ରାଣୀକୁ ଦେଖିବା ପରେ ଜାଣିବାକୁ ପାଇଲେ ଯେ ଏହା ଏକ ଛୋଟ ସିଲ୍ ବୋଲି। ତା’ପରେ ସେହି ବ୍ୟକ୍ତି ଜଣକ ତାଙ୍କ ଆଡକୁ ଅନାଇ ଖାଲି ପାଦରେ ତାକୁ ହଲାଇବାକୁ ଚେଷ୍ଟା କଲେ | ଯଦିଓ ସେ ମରିଯାଇଥିଲା କିନ୍ତୁ ପ୍ରାଣୀର ଦାନ୍ତ ତାଙ୍କ ଗୋଡରେ ପସିଯାଇଥିଲା।
ରିସ୍ କହିଛନ୍ତି, ‘ମୁଁ ପରୀକ୍ଷା କରିବାକୁ ମୋର ପାଦ ସାହାଯ୍ୟରେ ଠେଲିବାକୁ ସ୍ଥିର କଲି, ମୁଁ ଜାଣି ନଥିଲି ଯେ ମୋ ପାଦକୁ ତା ବଡ ପାଟିରେ ରଖିଦେବି ବୋଲି ।’ ରିସ୍ ଆହୁରି ମଧ୍ୟ କହିଛନ୍ତି, ‘ମୁଁ ଏହାକୁ ଓଲଟାଇବା ମାତ୍ରେ ମୋର ପାଦ ପାଟି ଭିତରେ ଥିବା ଦାନ୍ତରେ ଫସି ରହିଲା, ଯାହା ମୋତେ ଟିକେ ଚକିତ କଲା। ସେ ପ୍ରାଣୀର ପାଟି ବହୁତ ବଡ ଥିଲା ଏବଂ ତାହାର ଦାନ୍ତ ବହୁତ ତୀକ୍ଷ୍ଣ ଥିଲା। ଏହା ଏକ ଭୟାନକ ଦେଖାଯାଉଥିବା ଏକ ମାଛ ଥିଲା । ଏହା ପରେ ରିସ୍ ଅନୁଭବ କଲେ ଯେ ସେ ଏକ ଆଙ୍ଗଲେର୍ଫିସର ସମ୍ମୁଖୀନ ହୋଇଥିଲେ, ଏହି ପ୍ରଜାତି ସାଧାରଣତଃ ୫୦୦ ମିଟରରୁ ୨୦୦୦ ମିଟର ଗଭୀରତାରେ ମିଳିଥାନ୍ତି।