ମେହେନ୍ଦୀରେ QR କୋଡ୍, ସ୍କାନ କରି କରିପାରିବେ ପେମେଣ୍ଟ ; ଭିଡ଼ିଓ ହେଉଛି ଭାଇରାଲ
ସୋସିଆଲ ମିଡିଆରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି । ଏହିି ଭିଡିଓରେ ଆପଣ ଦେଖିପାରିବେ ଯେ ଜଣେ ଝିଅ ହାତରେ ଏକ ଡିଜିଟାଲ୍ ମେହେନ୍ଦୀ ଲଗାଇଛନ୍ତି । ଏହି ମେହେନ୍ଦୀର ଡିଜାଇନ୍ ସେ କିଛି ଭିନ୍ନ ଭାବେ କରିଛନ୍ତି । ସେ ତାଙ୍କ ହାତରେ ଏକ QR କୋଡ୍ ଡିଜାଇନ୍ କରିଛନ୍ତି ।
ବର୍ତ୍ତମାନ ସମୟରେ ଅନେକ ଆଶ୍ଚର୍ଯ୍ୟ କଲା ଭଳି ଜିନିଷ ଦୁନିଆରେ ଦେଖିକୁ ମିଳୁଛି । ବିଶେଷ କରି ସୋସିଆଲ ମିଡିଆରେ ଏହା ଅଧିକାଂଶ ଦେଖାଯାଉଛି । କେଉଁଠି ପନିପରିବା ମଞ୍ଜିରୁ ରାକ୍ଷୀ ତିଆରି ହେଉଛି ତ ଆଉ କେଉଁଠି ମଣିଷ ବା ପଶୁ ପକ୍ଷୀଙ୍କ କିଛି ମଜାଳିଆ ଭିଡିଓ ଭାଇରାଲ ହେଉଛି । ସେହିପରି ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି । ଏହିି ଭିଡିଓରେ ଆପଣ ଦେଖିପାରିବେ ଯେ ଜଣେ ଝିଅ ହାତରେ ଏକ ଡିଜିଟାଲ୍ ମେହେନ୍ଦୀ ଲଗାଇଛନ୍ତି । ଏହି ମେହେନ୍ଦୀର ଡିଜାଇନ୍ ସେ କିଛି ଭିନ୍ନ ଭାବେ କରିଛନ୍ତି । ସେ ତାଙ୍କ ହାତରେ ଏକ QR କୋଡ୍ ଡିଜାଇନ୍ କରିଛନ୍ତି । ଯାହା ଦ୍ୱାରା QR କୋଡ୍ ସ୍କାନ କରି ଆପଣ ଡିଜିଟାଲ୍ ପେମେଣ୍ଟ କରିପାରିବେ । ଭାଇରାଲ ହେଉଥିବା ଏହି ଭିଡିଓକୁ ଦେଖି ସୋସିଆଲ ମିଡ଼ିଆରେ ଅନେକ ଲୋକ ଭିନ୍ନ ଭିନ୍ନ ମତ ଦେଉଛନ୍ତି । ଆଉ କେହି କେହି ଝିଅଟିର କ୍ରିଏଟିବିଟିକୁ ନେଇ ପ୍ରଶଂସା କରୁଛନ୍ତି ।
This is Peak Digital India Moment 😂🇮🇳🚀 pic.twitter.com/ciuVuObxcQ
— Ravisutanjani (@Ravisutanjani) August 29, 2023
ଏହି ଭିଡିଓକୁ ରବିସୁତାନଜାନି ନାମକ ଜଣେ ସୋସିଆଲ ମିଡିଆ ୟୁଜର ଟ୍ଵିଟରରେ ସେୟାର କରିଛନ୍ତି । ଏହାସହ ଏହି ଭିଡିଓକୁ ଏପର୍ଯ୍ୟନ୍ତ ୧୧ ଲକ୍ଷ ଭିୟୁଜ୍ ମିଳିସାରିଛି । ପ୍ରାୟ ୧୪ ହଜାରରୁ ଅଧିକ ଲୋକ ଏହି ଭିଡିଓକୁ ଲାଇକ୍ କରିଛନ୍ତି । ୟୁଜର୍ସ ଏହି ଭିଡିଓରେ ଭିନ୍ନ ଭିନ୍ନ କମେଣ୍ଟ କରିଛନ୍ତି । ଜଣେ ୟୁଜର କମେଣ୍ଟରେ ଲେଖିଛନ୍ତି, ‘ବହୁତ ହିଁ ଅଲଗା ମେହେନ୍ଦି’, ‘ଲାଗୁଛି ରାକ୍ଷୀ ସ୍ପେସାଲ’ । ସେହି ପରି ଅନ୍ୟ ଜଣେ ୟୁଜର କମେଣ୍ଟରେ ଲେଖିଛନ୍ତି ଯେ, ଡିଜିଟାଲ ଇଣ୍ଡିଆରେ ଭାରତୀୟ ସଂସ୍କୃତିର ମିଳନ ହେଉଛି ।
